Iesu Mesia e fāri’i ra i te taʼata i tōna tae-piti-raʼa mai

Te ’oire mure ’ore,, nā Keith Larson

25–31 nō Tītema

Apokalupo 15–22

« ’O te riro iāna te rē ra, nōna te mau mea ato’a ra »

E aha tā te tama’i i rotopū i te maita’i ’e te ’ino tei fa’ata’ahia mai i roto i te Apokalupo, e ha’api’i nei ia ’oe i te faufa’a rahi ’ia pe’e i te Mesia i’ō nei i ni’a i te fenua nei ? I muri a’e i te ferurira’a i teie parau tumu, ’a feruri i te mau hina’aro o tā ’oe mau pīahi. E aha te mau parau mau i roto i te Apokalupo ’o te nehenehe e tauturu ia rātou ’ia rave i te mau mā’itira’a tano ?

ītona fa’a’itera’a

Tītau i te mana’o

’Ia tae ana’e tā ’oe mau pīahi i te hope’a o tā rātou tuatāpapara’a i te Faufa’a ’Āpī, e fa’aitoito ia rātou ’ia fa’a’ite mai i tō rātou mau mana’o nō ni’a i te Faufa’a ’Āpī. E ani ia rātou ’ia fa’a’ite mai e mea nāhea tā rātou tuatāpapara’a i te pāpa’ira’a mo’a, i te tauturura’a ia rātou ’ia ’ite maita’i a’e ia Iesu Mesia ’e ’ia riro hau atu mai iāna ra.

ītona ha’api’ira’a

Ha’api’i i te ha’api’ira’a tumu

Apokalupo 17-18

E ti’a ia tātou ’ia fa’ata’a ’ē atu ia tātou i te ’ino o te ao nei.

• E ’ere i te mea au roa ’ia tai’o i te ’ino o Babulonia ’e tōna hi’ara’a i roto i te Apokalupo 17–18, e mea maita’i rā ’ia ’ite i te reira nō te mea e nehenehe Babulonia e riro ’ei tāpa’o nō te ao ’ino tā tātou e ora nei i teie mahana. Mea maita’i paha e vāhi i teie mau pene nā roto i te mau pīahi ’e e ani ia rātou ’ia ’imi mai i te mau pāhonora’a i teie mau huru uira’a : Nō te aha te mau ta’ata e hutihia ai i Babulonia, ’aore rā i te orara’a mātēria ? Nō te aha e mea ataata roa ’o Babulonia ? E aha ïa te tupu mai ia Babulonia ? E aha te mau fa’aarara’a tā Ioane i hōro’a mai nō te tauturu ia tātou ’ia ’ape i te hope’ara’a o Babulonia ?

• I muri a’e i te tai’ora’a i te Apokalupo 18:4, ’ia ’āparau mai te mau pīahi e nāhea rātou i te « haere ’ē mai i rāpae » ia Babulonia ’e « ’ia ’ore [rātou] ’ia riro i te rave ato’a i tāna ra mau hara ». E nehenehe rātou e fa’a’ite mai i te mau pāpa’ira’a mo’a ’aore rā i te mau poro’i a te feiā fa’atere o te ’Ēkālesia, tei tauturu ia rātou ’ia pāto’i i te mau fa’ahemara’a a Babulonia, ’aore rā a tō te ao nei. ’A feruri i te māta’ita’i i te video « Dare to Stand Alone » (ChurchofJesusChrist.org) ’aore rā e tai’o i te fa’ahitira’a parau a Elder Quentin L. Cook i roto i « Te tahi atu ā mau mātēria tauturu ». ’Ia fa’a’ite mai te mau pīahi i te mau mana’o e nāhea i te fa’a’ohipa i nā parau tumu e piti tā Elder Cook i fa’ahiti. Nāhea mau tātou e « haere ’ē mai ai i rāpae » ia Babulonia ? (hi’o, ’ei hi’ora’a, Isaia 52:11 ; Te Ha’api’ira’a Tumu ’e te mau Fafaura’a 25:10). E aha tā tātou e rave nō te fa’aitoito ia vetahi ’ē ’ia nā reira ato’a ?

Apokalupo 19:20

E nehenehe tātou e fa’aineine nō te tae-piti-ra’a mai o te Fatu ’e te mahana nō te ha’avāra’a.

• ’Ua parau-pinepine-hia te tae-piti-ra’a mai o Iesu Mesia « te mahana rahi ri’ari’a o Iehova ra » (Ioela 2:31), ’e mai te au i te Apokalupo 19–20, e au ra e fa’a’itera’a maita’i ïa. ’A feruri i te pāpa’i i ni’a i te tāpura ’ere’ere te tahi ’o te mau tupura’a ’ohipa i fa’ata’ahia i roto i te Apokalupo 19:5–20:15. E ani i te mau pīahi ’ia hi’o mai i te mau ’īrava ’o tē fa’ata’a nei i teie mau tupura’a ’ohipa. Nō te aha teie mau tupura’a ’ohipa i parauhia ai ’ei mea ri’ari’a rahi ? E aha tā tātou e ha’api’i mai nā roto mai i teie mau ’īrava nō ni’a i te Fa’aora ’e te feiā e pe’e iāna ? E aha tā tātou e rave i teienei nō te ’āmui atu i rotopū i te mau ta’ata o te ’oa’oa i te taime nō tōna taera’a mai ?

• Nō te fa’auru i te tāu’ara’a parau nō ni’a i te buka nō te ora ’e te ha’avāra’a hope’a, e ani i te mau pīahi ’ia hāmani i te hō’ē buka ’ōhie nā roto i te tufetura’a i te hō’ē ’api parau nā roto e maha tufa’a. I muri iho ’ia tai’o rātou i te Apokalupo 20:12–15 ; 2 Nephi 9:14 ; 29:11 ’e ’ia feruri e aha tā rātou e hina’aro ’ia pāpa’ihia nō ni’a ia rātou i roto i te buka nō te ora. E ani ia rātou ’ia pāpa’i i te reira mau mea i roto i tā rātou buka, ’e e ani i te tahi mau pīahi ’ia fa’a’ite mai i te hō’ē mea tā rātou i pāpa’i. E aha te mau mā’itira’a tā tātou e rave i teienei ’ia pāpa’ihia te reira mau mea i roto i te buka nō te ora ? Nō te tauturu i te mau pīahi ’eiaha e ha’aparuparu i tō rātou iho haerera’a i mua i te pae vārua, ’a feruri i te fa’a’ite atu i te parau a’o a Elder Jeffrey R. Holland « ’Ia maita’i roa ho’i ’outou—i te pae hope’a » (Liahona, Novema 2017, 40–42).

Iesu ’e te mau ta’ata i roto i te māramarama i tōna rima ’atau ’e te mau ta’ata i roto i te pōiri i tōna pae ’aui

Te ha’avāra’a hope’a, nā John Scott

Apokalupo 21:1-22:5

Mai te mea e ha’apa’o tātou, e ha’amaita’ihia ïa tātou i te hanahana tiretiera.

• Noa atu ē, ’ua tohuhia te mau mahana hope’a tei ’ī i te ’ino ’e te ’ati, te utu’a tā Ioane i ’ite nō te feiā ha’apa’o ’ua hau atu ïa i te ’ati ’o tei nā mua atu i te reira. Nō te tauturu i te mau pīahi ’ia hi’o haere i teie hope’ara’a nehenehe o te Apokalupo, e ani ia rātou ’ia hi’o fa’ahou i te Apokalupo 21:1–22:5, ma te ’imi mai i te mau pereota o te tūra’i ia rātou ’ia tūtava i te hanahana tiretiera. E aha te mau fafaura’a i ravehia nō te feiā ha’apa’o ? Nāhea teie fa’a’itera’a i te tauturu ia tātou ’ia fa’aruru ana’e tātou i tō tātou mau tāmatara’a ’e mau ’ati ?

ītona mātēria tauturu

Te tahi atu ā mau mātēria tauturu

Mā’itira’a i te parauti’a i ni’a atu i te ’ino o Babulonia.

’Ua ha’api’i Elder Quentin L. Cook ē :

« E’ita tātou e nehenehe e ’ape i te ao nei. Hō’ē ’orara’a ’ōpanipanihia e ’ere ïa te pāhonora’a. I roto i te hō’ē hi’ora’a maita’i, ’ua riro tā tātou fa’aōra’a mai i te ao nei ’ei tufa’a nō tō tātou tāmatara’a ’e e mea faufa’a roa mai te mea e fa’arahi tātou i tā tātou mau tāleni …

… E ti’a i te mau melo nō te ’Ēkālesia ’ia fa’aō mai ma te rave i te ’ohipa maita’i i roto i te ao nei. Nāhea tātou i te fa’a’aifāito i te hina’aro ’ia fa’aō maita’i mai i te ao nei ’e ’eiaha e topa i roto i te mau hara o te ao nei ? [Hi’o Te Ha’api’ira’a Tumu ’e te mau Fafaura’a 25:10 ; 59:9.] E fa’atupu ïa e piti parau tumu i te hō’ē ta’a-’ē-ra’a faufa’a rahi.

1. ’Ia ’ite te mau ta’ata ē e feiā mo’a ’outou nō te mau mahana hope’a nei tei ha’apa’o maita’i. …

2. ’A ti’aturi ’e ’a ora i tō ’outou mau ti’aturira’a » (« Lessons from the Old Testament : In the World but Not of the World », Ensign, Fepuare 2006, 54–55).

Ha’amaita’i i tā tātou ha’api’ira’a

Fa’atura i te ti’amāra’a o vetahi ’ē. « E hina’aro te mau ta’ata e rave i te mau tauira’a faufa’a rahi i roto i tō rātou orara’a mai te peu nō rātou iho taua hina’aro ra ’ia rave. ’Ia fa’atae ana’e ’outou i te mau anira’a ’ia ’ohipa, ’a ha’apāpū ē tē fa’atura ra ’outou i te ti’amāra’a o te mau pīahi » (Ha’api’ira’a mai tā te Fa’aora, 35).