սուրբ գրություններ ուսումնասիրող երիտասարդներ

Օրինաչափություն ուսուցման համար

Այս ձեռնարկի յուրաքանչյուր համառոտ շարադրանք հետևում է մի օրինաչափության՝ հրավիրում է կիսվել և ուսուցանել վարդապետությունը։ Շատ դեպքերում ուսուցանելիս այս օրինաչափության տարրերը կարող են համընկնել կամ հանդիպել տարբեր հերթականությամբ: Օրինակ, մտածեք, որ կիսվելը վարդապետություն ուսուցանելու հնարավորություն է, իսկ վարդապետության ուսուցումը պետք է ներառի կիսվելու հրավերներ: Թույլ տվեք, որ այս օրինակի փոփոխությունները բնականորեն տեղի ունենան, հետևելով Հոգու հուշումներին, որ հոգաք այն մարդկանց կարիքները, ում ուսուցանում եք:

Հրավիրեք կիսվել

Որպես ամեն դասի մաս, հրավիրեք դասարանի անդամներին կիսվել գաղափարներով և փորձառություններով, որոնք նրանք ունեցել են անցած շաբաթվա ընթացքում, երբ ուսումնասիրել են սուրբ գրությունները՝ որպես անհատներ և ընտանիքներ, ու կիրառել են իրենց սովորածը: Օգնեք դասարանի անդամներին հասկանալ, որ դասարանից դուրս իրենց անհատական ուսուցումը կարևոր է: Երկնային Հոր և Հիսուս Քրիստոսի հանդեպ նրանց անձնական դարձը տեղի կունենա ոչ միայն կիրակի օրվա ուսուցումից, այլ նաև իրենց ամենօրյա փորձառություններից: Երբ դասարանի անդամները լսում են միմյանց փորձառությունների և Հիսուս Քրիստոսի ու Նրա ավետարանի վերաբերյալ վկայությունները, ավելի հավանական է, որ նրանք ձգտեն իրենց համար նմանատիպ փորձառությունների։

Ոչ բոլորն են կարդալու յուրաքանչյուր դասի գլուխները, և նույնիսկ նրանք, ովքեր կարդացել են, գուցե անհարմար զգան կիսվել։ Համոզվեք, որ դասարանի բոլոր անդամները իրենց գնահատված զգան, անկախ այն բանից՝ ինչ-որ բան ունեն կիսվելու, թե՝ ոչ:

Ուսուցանեք վարդապետությունը

Դուք և ձեր դասարանի անդամները պետք է կենտրոնանաք Հիսուս Քրիստոսի և Նրա վարդապետության՝ ավետարանի հավերժական ճշմարտությունների վրա, որոնք գտնվում են հանձնարարված սուրբ գրությունների հատվածներում։ Եկ, հետևիր ինձ. Անհատների և ընտանիքների համար ձեռնարկը կօգնի ձեզ ավելի լավ հասկանալ վարդապետությունը, որն ուսուցանելու եք։ Երբ քննարկեք որևէ վարդապետություն սուրբ գրություններից, ի՞նչ հատվածներով, մեջբերումներով, փորձառություններով, հարցերով և լրացուցիչ աղբյուրներով կկարողանաք կիսվել: Ինչպե՞ս կօգտագործեք այս աղբյուրները, որպեսզի օգնեք դասարանի անդամներին հայտնաբերել և հասկանալ ավետարանի սկզբունքները: Ինչպե՞ս կարող եք օգնել նրանց ամրապնդել իրենց հավատքը Երկնային Հոր և Հիսուս Քրիստոսի հանդեպ։