Заах загвар

Энэ эх сурвалж дахь тойм бүр сургаалыг хуваалцах, заахад урих загвартай байдаг. Ихэнх тохиолдолд, таныг заах үед энэ загварын хэсгүүд давхцах юм уу өөр дараалалтай байх болно. Тухайлбал, хуваалцах нь сургаалыг заах боломж байдаг бол сургаалыг заах нь хуваалцах урилгатай байх ёстой гэдгийг бодоорой. Та заадаг хүмүүсийнхээ хэрэгцээнд нийцүүлэхийн тулд энэ загварт орох өөрчлөлтүүдийг хүчлэлгүй, Сүнсний өдөөлтийг дагаж хий.

Хуваалцахад урь

Хичээл бүр дээр ангийн гишүүдийг хувиараа болон гэр бүлээрээ судраас судалж, ойлгож авсан зүйлээ хэрэгжүүлэх үедээ өнгөрсөн долоо хоногт тохиолдсон туршлага, ойлголтоосоо хуваалцахад урь. Ангийн гишүүдэд хичээлээс гадуур хувиараа суралцах нь чухал гэдгийг ойлгоход тусал. Тэдний Тэнгэрлэг Эцэг, Есүс Христ хоёрт хөрвөгдөх хувийн хөрвөлт зөвхөн ням гарагт суралцсанаар төдийгүй өдөр тутмын туршлагаар ирэх болно. Ангийн гишүүд бие биеийнхээ туршлагыг мөн Есүс Христийн тухай болон Түүний сайн мэдээний талаарх гэрчлэлийг сонсохдоо, өөрсдөө мөн тийм туршлагыг эрэлхийлэх магадлалтай.

Тэр болгон хүн бүр бүх хичээлийн бүлгийг уншихгүй бөгөөд уншсан ч гэсэн зарим хүнд хуваалцахад амаргүй байж магад. Ангийн бүх гишүүнийг ямар нэгэн зүйл хуваалцсан ч бай, үгүй ч бай уг ангийн чухал хэсэг гэдгийг нь мэдрүүлэхэд анхаар.

Сургаалыг заах

Та болон танай ангийн гишүүд товлосон судрын хэсэг дэх Есүс Христэд төдийгүй Түүний сургаал буюу сайн мэдээний мөнхийн үнэн дээр төвлөрөх ёстой. Ирээд, Намайг дага—Хувь хүн, гэр бүлүүдэд зориулав гарын авлага нь таны заах сургаалыг илүү сайн ойлгоход тань тусална. Та судруудад буй сургаалын талаар ярилцахдаа ямар ямар шүлэг, хэлсэн үг, туршлага, асуулт, нэмэлт эх сурвалжийг хуваалцаж болох вэ? Та сайн мэдээний зарчмуудыг олж илрүүлэн, ойлгоход нь ангийн гишүүдэд туслахын тулд эдгээр эх сурвалжийг хэрхэн ашиглаж болох вэ? Та тэднийг Тэнгэрлэг Эцэг, Есүс Христ хоёрт итгэх итгэлээ хүчирхэгжүүлэхэд хэрхэн тусалж чадах вэ?