“Bwaai ni Ibuobuoki riki Tabeua,” Nakomai, Iriirai—Ibukin te Reirei n Tabati: Te Nu Tetemanti 2023 (2022)
“Bwaai n Ibuobuoki riki Tabeua,” Nakomai, Iriirai—Ibukin te Reirei n Tabati: 2023
Bwaai n Ibuobuoki Riki Tabeua
Bwaai n Ibuobuoki aikai a kona n reke n te Gospel Library app n te ChurchofIesuChrist.org.
Nakomai, Iriirai—Ibukiia Aomata n Tatabemaniia ao Utu
Ko kona ni kangaraoi mwakuri ake a na karaoaki man Nakomai, Iriirai—Ibukiia Aomata n Tatabemaniia ao Utu ibukin kabonganana n am kiraati n te Reirei n Tabati. Ngkana kaain te kiraati a tia ni karaoi waaki aikai n aia tai ni kamatebwai koroboki aika tabu i bon irouia ke n aia utu, kaungaia bwa a na tibwaua aia taneiai ao aia nonoori.
Anene n Taromauri ao Aia Boki n Anene Ataei
Te katangitang ae tabu e kaoa te Tamnei, e buokiira n namakina ana tangira te Atua, ao e reirei tua n te aro ae e ururingaki. Irarikin kabonganaan ake a tia ni boretiaki ibukin Anene n Taromauri ao Aia Boki n Anene Ataei, ko kona n noori katangitang ao witeo ibukin anene n taromauri ao aia anene ataei aika mwaiti iaon music.ChurchofJesusChrist.org ao n te Sacred Music ao Gospel Media apps.
Bokin Reirei n te Tieminari ao n te Intitute
Boki n Reirei n te Tieminari ao te Intitute a katauraoi kabwarabwara n rongorongon rimoa ao kabwarabwaraan reirei ao rongorongo aika a kuneaki inanon koroboki aika tabu. A kona naba ni kaungai iango n anga reirei n te kiraati n te Reirei n Tabati.
Ana Maekatin te Ekaretia
Te Riaona ao Ibukin Kakorakoraia Kairake e katauraoi rongorongo ao tabeua riki kanoana are kona n raoni reirei ake ko reiakin man Nakomai, Iriirai—Ibukin te Reirei n Tabati.
Atuun Rongorongo n te Euangkerio
N Gospel Topics (topics.ChurchofJesusChrist.org), ko kona ni kunei rongorongo aika kimototo iaon aekakin nako atuun reirei n te euangkerio, n reitaki ma kawai nakon bwaai n ibuobuoki aika manena n aron marooro n te maungatabu ake a irekereke, rongorongo, koroboki aika tabu, ao witeo. Ko kona naba ni kakaai Gospel Topics Essays, ake a anga rongorongo aika a nano iaon reirei ao bwaai aika a riki rimoa, ao ai aron naba kaeka nakon titiraki aika a mwaiti ibukin te Ekaretia ao ana reirei.
Taetaekina Au Euangkerio
Te bwai ni kairi ibukiia mitinare e katauraoa tein aron kabwarabwaraan reirein te euangkerio aika bebete.
Ibukin Kakorakoraia Kairake (boki ae uarereke)
Te bwai n ibuobuoki aio e kawenei katein te Ekaretia are a kona ni buokiira ni maiuakina te euangkerio ao n raonaki iroun te Tamnei ae Raoiroi. Iangoia bwa ko na okiokiria, ai moara riki ngkana ko reireiniia te roronrikirake.
Witeo ao Korobanna
Korobanna, witeo, ao bwaai ni kaongora riki tabeua a kona ni buokiia te koraki ake ko reireiniia n atai reirei ao ni katamnei karaki ake a irekereke ma koroboki aika tabu. Kawara te Tabo ni Kareke Rongorongo ibukin te Euangkerio iaon GospelMedia.ChurchofJesusChrist.org n noori bwariko ni bwaai ni ibuobuoki n te Ekaretia. E tauraoi naba te Gospel Media n te app iaon tareboon. E mwaiti tamnei ake ko kona ni kabonganai n te kiraatiruum ake a reke n te Gospel Art Book.
Reirei n ana Kawai te Tia Kamaiu
Reirei n ana Kawai te Tia Kamaiu e kona ni buokiko n reiakinii ao ni karaoa nanon ana reirei te Tia Kamaiu. Reirei aikai a maroroakinaki ao ni karaoaki n aia bootaki ni kauntira taan reirei.