kamatebwai ni koroboki aika tabu n te utu

Iango ibukin Kaungaakin te Kamatebwai I bon Iroum ao n te Utu

Aikai tabeua iango ni buokiko ni kaungaia kaain te kiraati ni kamatebwai ana taeka te Atua ni mweengam, n onoti ao n te utu. Taraa te koaua are tiaki ni kabane kaain te kiraati ae a kona ni kamatebwai koroboki aika tabu ma aia utu (n aron te katooto, tabeman kaain te aro a maeka n tii ngaiia ke kaain te aro aika tii ngaiia ibuakoia aia utu).

• Kaoiia kaain te kiraati bwa a na tibwauai baike a rinanona ni kamatebwaian koroboki aika tabu ni mweengaia. N aron te katooto, ko kona ni butiia bwa a na tibwaua te kibu are a namakina iai te kukurei ao ni kabwarabwara bukin tera e rangi ni bongana.

• Butiia kaain te kiraati bwa a na anga katotoon baike a karaoi ni karaoan aia kamatebwai ni koroboki aika tabu i bon irouia ke n utu ae e na rangi ni bongana riki. (Tabeua iango a kona ni kuneaki iaan “Iango ni Kanakoraoa am Kamatebwai ni Koroboki aika Tabu Ibon Iroum” ao “Iango ni Kanakoraoa Am Kamatebwai ni Koroboki aika Tabu n te Utu” inanon Nakomai, Iriirai—Ibukiia Aomata n Tatabemaniia ao Utu.)

• Kaoiia kaain te kiraati bwa a na tibwauaia bwa a kangaa ni kamwakuri taian namakin ake a karekei n tain aia kamatebwai ni koroboki aika tabu i bon irouia ke n te utu.

• Anaa tabeua te miniti ni kaota nakoia kaain te kiraati tabeua bwai n ibuobuoki are e katauraoia te Ekaretia ni buokiia membwa ni kamatebwaia te euangkerio. Bwaai n ibuobuoki aikai a raonaki ma te kamatebwai man booki aika tabu aika a kona n kuneaki inanon scriptures.ChurchofJesusChrist.org; “Scripture Stories” ae kuneaki n children.ChurchofJesusChrist.org; bwaai n reirei ma bwaai riki tabeua inanon Come, Follow Me—For Primary; kanoana ae a katuruturuaki riki iaoia kairake youth.ChurchofJesusChrist.org; bokin Reirei n te Tieminari ao n te Intitute; ao witeo, audio rawebwanaa ao katooto n tamnei n GospelMedia.ChurchofJesusChrist.org. Angiina mai ibuakon aikai a mena naba n te Gospel Library app.

• Kabanea tabeua te miniti ni kaotia nakoia kaain te kiraati tabeua bwaai n ibuobuoki aika katauraoaki man te Ekaretia aika a na buokiia membwa ni kamatebwaia te euangkerio, n raonaki ma aron te angareirei ao bwaai n ibuobuoki riki ake tabeua inanon Nakomai, Iriirai---Ibukin te Moanrinan.

• Kaoa temanna ke ae mwaiti riki mairouia kaain te kiraati n tibwauaia bwa a kangaa aroia n reiakina reirein te euangkerio ae onoti inanon aia utu.