Dagiti Nainayon a Resources

Masarakan dagitoy a resources iti Gospel Library app ken iti ChurchofJesusChris.org.

Umaykayo, Sumurot Kaniak—Para kadagiti Indibidual ken Pamilia

Mabalinmo nga ibagay dagiti ania man nga aktibidad manipud iti Umaykayo, Sumurot Kaniak—Para kadagiti Indibidual ken Pamilia a mausar iti klasem ti Sunday School. No inusar dagiti miembro ti klase dagitoy nga aktibidad iti bukod ken sangapamiliaan a panagadalda iti nasantuan a kasuratan, allukoyem ida a mangibinglay kadagiti padasda ken nalawag a pannakaammo ken pannakaawatda [insights].

Hymns ken Children’s Songbook

Mangawis ti Espiritu ti sagrado a kanta, ken tulongannatayo a makarikna iti ayat ti Dios, ken isurona ti dokrina iti nakalallagip a wagas. Kas nayon iti panangusar kadagiti naiprenta a bersion ti Hymns ken ti Children’s Songbook, masarakam dagiti recording iti video ken audio ti adu a himno ken kanta dagiti ubbing iti music.ChurchofJesusChrist.org ken iti Sacred Music ken Gospel Media Library apps.

Dagiti Manual iti Seminary ken Institute

Dagiti manual iti seminary ken Institute ket mangipaay iti panangadal ti pakasaritaan [historical background] ken komentario a mainaig iti doktrina para kadagiti pagbatayan ken pakaammuan a masarakan kadagiti nasantuan a kasuratan. Mabalin pay a dagitoy ti mangparegta kadagiti kapanunotan iti panangisuro para kadagiti klase iti Sunday School.

Dagiti Magasin iti Simbaan

Dagiti magasin a Liahona ken Para iti Pigsa dagiti Agtutubo ket mangipaay kadagiti artikulo ken dadduma pay a sagudayen a mabalin a mangsuplemento kadagiti pagbatayan nga isursurom manipud iti Umaykayo, Sumurot Kaniak—Para iti Sunday School.

ubing nga agad-adal iti magasin iti Simbaan ken iti nasantuan a kasuratan

Dagiti Topiko ti Ebanghelio

Iti Gospel Topics (topics.ChurchofJesusChrist.org), masarakam ti kangrunaan nga impormasion maipapan kadagiti agduduma a topiko iti ebanghelio, kasta met dagiti link kadagiti makatulong a resources, kas kadagiti mainaig a mensahe iti sapasap a komperensia, dagiti artikulo, nasantuan a kasuratan, ken video. Masarakam pay dagiti Gospel Topics Essays, a mangted iti nauneg nga impormasion maipanggep kadagiti isyu a mainaig iti doktrina ken pakasaritaan, kasta met kadagiti sungbat iti nadumaduma a saludsod maipapan iti Simbaan ken kadagiti panursurona.

Ikasaba ti Ebangheliok [Prech My Gospel]

Mangted iti pakagupgopan dagiti kangrunaan a pagbatayan ti ebanghelio daytoy a pangiwanwan para kadagiti misionario.

Para iti Pigsa dagiti Agtutubo (booklet)

Balabalaen daytoy a resource dagiti pagrukodan ti Simbaan a makatulong kadatayo nga agbiag iti ebanghelio ken agragsak iti panangkadkadua ti Espiritu. Ibilangmo ti panagibasar a masansan iti daytoy, nangnangruna no mangisursuroka kadagiti agtutubo.

Dagiti Video ken Arte

Ti artwork, dagiti video, ken dadduma pay a media ket makatulong kadagiti sursuruam a makaawat iti doktrina ken mangiladawan iti panunotda kadagiti estoria a mainaig kadagiti nasantuan a kasuratan. Bisitaen ti Gospel Media iti GospelMedia.ChurchofJesusChrist.org tapno i-browse ti koleksion ti Simbaan iti media resources. Ti Gospel Media ket sidadaan pay a magun-od kas mobile app. Masarakan dagiti adu a ladawan a mabalinmo nga usaren iti klase iti Libro ti Arte ti Ebanghelio.

Panangisuro iti Wagas ti Mangisalakan

TiPanangisuro iti Wagas ti Mangisalakan ti makatulong kenka a makasursuro ken mangusar kadagiti pagbatayan iti panangisuro a kas ken ni Cristo. Nailawlawag ken nausar dagitoy a pagbatayan kadagiti teacher council meeting.