Xkomon chik li na’leb’

Eb’ li k’anjeleb’aal a’in neke’tawman sa’ li aplicacion Biblioteca del Evangelio, ut sa’ ChurchofJesusChrist.org.

Kim, Taaqehin—Choq’ reheb’ li komon ut li junkab’al

Naru nakawoksiheb’ li kok’ k’anjel wankeb’ sa’ Kim, Taaqehin—Choq’ reheb’ li komon ut li junkab’al sa’ li tzolok re li Dominkil Tzoleb’aal. Wi eb’ li komon ak xe’roksiheb’ li k’anjel a’in sa’ xtzolb’aleb’ li loq’laj hu xjuneseb’ malaj sa’ junkab’al, kanab’eb’ chixyeeb’al resil ut chixwotzb’al li na’leb’ xe’xtzol rik’in.

Eb’ li B’ich ut B’ichleb’aal choq’ reheb’ li Kok’al

Eb’ li loq’laj b’ich neke’xb’oq li Santil Musiq’ej, nokohe’xtenq’a chireek’ankil lix rahom li Dios, ut neke’xk’ut li tzol’leb’ chi ink’a’ ch’a’aj re naq taanaq sa’ qach’ool. Wankeb’ li hu Eb’ li B’ich ut B’ichleb’aal choq’ reheb’ li Kok’al, ut naru ajwi’ taatawmanq li video ut lix yaab’eb’ li b’ich sa’ music.ChurchofJesusChrist.org ut sa’ li aplicacion Música sagrada ut Recursos del Evangelio.

Eb’ li hu re seminario ut instituto

Sa’eb’ li tzoleb’aal hu re Seminario ut Instituto natawman li resilaleb’ ut li aatin chirixeb’ li na’leb’ ut li seraq’ li neke’tawman sa’eb’ li loq’laj hu. Naru ajwi’ te’xk’e aana’leb’ chirix li taak’ut sa’ li Dominkil Tzoleb’aal.

Eb’ lix huhil li Iglees

Sa’ li Liahona ut Choq’ re Xkawilaleb’ li Saaj wankeb’ li seraq’ ut li k’anjel li neke’ru chatenq’ankil sa’ xk’utb’aleb’ li na’leb’ li wankeb’ sa’ Kim, Taaqehin—Choq’ re li Dominkil Tzoleb’aal.

ch’ina al naril li hu re li Iglees ut eb’ li loq’laj hu

Li na’leb’ re li evangelio

Sa’ Temas del Evangelio (topics.ChurchofJesusChrist.org), naru taataw li aatin chirix junjunq li na’leb’ re li evangelio, ut nak’anjelak ajwi’ choq’ k’amol b’e re jalaneb’ chik li k’anjeleb’aal, jo’ li aatin reheb’ li jolomil ch’utub’aj-ib’, li tz’iib’anb’il aatin, eb’ li loq’laj hu, ut eb’ li video. Naru ajwi’ xtawb’al Ensayos sobre Temas del Evangelioli naxk’e’ xkomon chik li esil chi tz’aqal re ru chirix li tzol’leb’ ut li seraq’, jo’ ajwi’ xsumenkil yalaq k’a’ chi patz’om chirix li Iglees ut lix k’utum.

Predicad Mi Evangelio

Sa’ li hu a’in choq’ reheb’ li misioneer wankeb’ chi ch’olob’anb’il li xb’eenil na’leb’ chirix li evangelio.

Choq’ re Xkawilaleb’ li Saaj (hu)

Sa’ li k’anjeleb’aal a’in nach’olob’aman chan ru naru naqayu’ami li evangelio ut chan ru naq toorochb’eeni li Musiq’ej. Us raj roksinkil chi kok’ aj xsa’, ut k’a’jo’ wi’chik wi yookat chixtzolb’aleb’ li saaj.

Eb’ li video ut li jalam-uuch

Eb’ li jalam-uuch, eb’ li video, ut xkomon chik li k’a’ru nak’utman naru naxtenq’aheb’ li nakatzoleb’ chirilb’al xyaalalileb’ li tzol’leb’ ut li seraq’ chirixeb’ li loq’laj hu. Naru rilb’aleb’ li video ut li jalam-uuch re li Iglees sa’ GospelMedia.ChurchofJesusChrist.org. Naru ajwi’ na’oksiman Recursos multimedia del Evangelio jo’ aplicacion sa’ li celular. Naab’aleb’ li jalam-uuch li naru taawoksi sa’ li tzoleb’aal neke’tawman sa’ li Hu reheb’ li Jalam-uuch re li Evangelio.

Li k’utuk jo’ li Kolonel

Li k’utuk jo’ li Kolonel naru nakatxtenq’a chixtzolb’al ut chiroksinkileb’ li na’leb’ re k’utuk jo’ li Kristo. Neke’aatinak chirixeb’ li na’leb’ a’in sa’eb’ li ch’utam reheb’ laj k’utunel.