Te tahi atu ā mātēria tauturu

E ’itehia teie mau mātēria tauturu i roto i te fa’anahora’a ’āfa’ifa’i nō te Vaira’a buka ’evanelia ’e i ni’a ChurchofJesusChrist.org.

Mai, pe’e mai—nō te ta’ata hō’ē ’e te ’utuāfare

E nehenehe ’oe e fa’atano e rave rau ’ātivite o te Mai, pe’e mai—nō te ta’ata hō’ē ’e te ’utuāfare nō te fa’a’ohipa i roto i tā ’oe piha Ha’api’ira’a Sābati. Mai te peu ’ua fa’a’ohipa te mau pīahi i teie mau ’ātivite i roto i tā rātou iho ’aore rā i tā te ’utuāfare tuatāpapara’a pāpa’ira’a mo’a, e fa’aitoito ia rātou ’ia fa’a’ite mai i te mau ’ohipa i tupu nō rātou ’e tō rātou mau mana’o.

Te mau hīmene ’e Chants pour les enfants

E tītau manihini te pehe mo’a i te Vārua, e tauturu ia tātou ’ia ’ite i te here o te Atua, ’e e ha’api’i i te ha’api’ira’a tumu nā roto i te rāve’a e ’ore roa e mo’ehia. Ta’a ’ē atu i te fa’a’ohipara’a i te mau nene’ira’a o Te mau hīmene ’e te Chants pour les enfants, e nehenehe ’oe e ’ite mai i te mau fa’aharuharura’a fa’aro’o ’e te video nō te mau hīmene e rave rahi ’e te mau hīmena a te mau tamari’i i ni’a music.ChurchofJesusChrist.org ’e i roto i te mau fa’anahora’a ’āfa’ifa’i Sacred Music ’e Gospel Media.

Mau buka ha’api’ira’a Séminaire ’e Institut

E hōro’a mai te mau buka ha’api’ira’a Séminaire ’e Institut i te mau mea i tupu o te ’ā’amu ’e te mana’o tauturu o te ha’api’ira’a tumu nō te mau parau tumu ’e te mau pāpa’a parau e ’itehia i roto i te mau pāpa’ira’a mo’a. E nehenehe ato’a te reira e fa’auru mai i te mau mana’o nō te ha’api’ira’a i te piha o te Ha’api’ira’a Sābati.

Te mau ve’a a te ’Ēkālesia

E hōro’a mai te mau ve’a Liahona ’e Nō te Pūai o te Feiā ’Āpī i te mau parau pāpa’i ’e te tahi atu mau parau rahi ’o te nehenehe e fa’ananea i te mau parau tumu tā ’oe e ha’api’i i roto i te Mai, pe’e mai—nō te Ha’api’ira’a Sābati.

Mau tumu parau o te ’evanelia

I roto i te Mau parau tumu o te ’evanelia (topics.ChurchofJesusChrist.org), e nehenehe ’oe e ’ite mai i te ha’amāramaramara’a niu nō ni’a e rave rahi huru tumu parau o te ’evanelia, nā reira ato’a te tahi mau hono nō te mau mātēria tauturu e hina’arohia, mai te mau a’ora’a o te ’āmuira’a rahi, te mau parau pāpa’i, te mau pāpa’ira’a mo’a, ’e te mau video. E nehenehe ato’a ’oe e ’ite mai Mau vauvaura’a parau tumu o te ’evanelia, ’o tē hōro’a mai i te mau ha’amāramaramara’a hōhonu nō ni’a i te mau uira’a o te ha’api’ira’a tumu ’e te ’ā’amu, e tae noa atu i te mau pāhonora’a nō te mau uira’a rau nō ni’a i te ’Ēkālesia ’e tāna mau ha’api’ira’a.

’Ia Poro Haere i tā’u nei ’Evanelia

E hōro’a mai teie arata’i nā te mau misiōnare i te hō’ē hi’ora’a nō te mau parau tumu niu o te ’evanelia.

Nō te Pūai o te Feiā ’Āpī (buka iti)

Tē fa’a’ite nei teie mātēria tauturu i te mau ture a te ’Ēkālesia ’o te nehenehe e tauturu ia tātou ’ia ora i te ’evanelia ’e ’ia fāna’o i te hoara’a o te Vārua. ’A feruri i te fa’aau pinepine ia ’oe i ni’a i te reira, ’ia ha’api’i iho ā rā ’oe i te feiā ’āpī.

Mau video ’e te anoihi

E nehenehe te mau hōho’a pēni, te mau video, ’e te tahi atu ha’apūrorora’a e tauturu i te feiā tā ’oe e ha’api’i ra ’ia māramarama i te ha’api’ira’a tumu ’e ’ia ’ite mata i te mau ’ā’amu nō roto mai i te mau pāpa’ira’a mo’a. ’A haere i ni’a GospelMedia.ChurchofJesusChrist.org nō te mā’imi i roto i te mau ha’aputura’a mātēria tauturu ha’apararera’a a te ’Ēkālesia. Tē vai ato’a ra te Vaira’a Rāve’a Ha’apararera’a nō te fa’anahora’a ’āfa’ifa’i. E rave rahi hōho’a pēni tā ’oe e nehenehe e fa’a’ohipa i roto i te piha ha’api’ira’a, e ’itehia te reira i roto i te Buka hōho’a nō te ’evanelia.

Ha’api’ira’a mai tā te Fa’aora

E nehenehe te Ha’api’ira’a mai tā te Fa’aora e tauturu ia ’oe ’ia ’apo mai ’e ’ia fa’a’ohipa i te mau parau tumu o te ha’api’ira’a mai te huru Mesia. E tuatāpapahia ’e e fa’a’ohipahia teie mau parau tumu i roto i te mau rurura’a a te mau ’orometua ha’api’i.