E hōho’a nō te ha’api’ira’a

Tē pe’e nei te arata’i ha’api’ira’a tāta’itahi i roto i teie buka i te hōho’a nō te ani-manihini-ra’a ’ia fa’a’ite mai ’e te ha’api’ira’a i te ha’api’ira’a tumu. I roto e rave rahi huru, ’a ha’api’i ai ’oe, e nehenehe te mau tuha’a o teie hōho’a e ’āno’ihia ’aore rā e tupu nā roto i te tahi atu ’āna’ira’a ’ē. ’Ei hi’ora’a, ’a feruri na ē te fa’a’itera’a ’o te hō’ē ïa rāve’a nō te ha’api’i i te ha’api’ira’a tumu, ’e e ti’a i te ha’api’ira’a i te ha’api’ira’a tumu e tītau i te mana’o. ’A fa’ati’a i teie mau fa’atanora’a o teie hōho’a ’ia tupu noa, ma te pe’era’a i te mau muhumuhu a te Vārua nō te pāhono i te mau hina’aro o te feiā tā ’oe e ha’api’i ra.

Tītau i te mana’o

’Ei tuha’a nō te mau piha ha’api’ira’a ato’a, e ani i te mau pīahi ’ia fa’a’ite mai i tō rātou mana’o ’e te mau ’ohipa i tupu nō rātou i te hepetoma i ma’iri, ’a tuatāpapa ai rātou i te mau pāpa’ira’a mo’a ’ei ta’ata hō’ē ’e ’ei ’utuāfare ’e ’a rave ai rātou i te mau mea tā rātou i ’apo mai. E tauturu i te mau pīahi ’ia ’ite ē, e mea faufa’a roa tā rātou iho ’apora’a mai i rāpae’au i te piha ha’api’ira’a. E’ita tō rātou iho fa’afāriura’a i te Metua i te ao ra ’e ia Iesu Mesia e tae mai nā roto noa i te ha’api’ira’a mai i te mahana sābati, nā roto ato’a rā i te mau mea tā rātou e ora nei i te mau mahana ato’a. ’Ia fa’aro’o ana’e te mau pīahi i te mau mea i tupu nō te tahi ’e te tahi ’e te mau ’itera’a pāpū nō Iesu Mesia ’e tāna ’evanelia, e mea pāpū ē e ’imi rātou i te hō’ē ā ’ohipa i tupu nō rātou iho.

E’ita te tā’āto’ara’a e tai’o i te mau pene o te ha’api’ira’a tāta’itahi, ’e noa atu ē ’ua tai’o vetahi, tē vai ra e’ita e au maita’i ’ia fa’a’ite mai i tō rātou mau mana’o. ’Ia pāpū ia ’oe ē, ’ua ’ite te mau pīahi ato’a ē e tuha’a faufa’a rātou nō te piha ha’api’ira’a, tē vai ra ānei ’aore rā ’aita e mana’o tō rātou nō te fa’a’ite mai.

Ha’api’i i te ha’api’ira’a tumu

’Ia fa’atumu ’oe ’e tā ’oe mau pīahi i ni’a ia Iesu Mesia ’e i tāna ha’api’ira’a tumu—te mau parau mau mure ’ore o te ’evanelia—e ’itehia i roto i te mau pāpa’ira’a mo’a i fa’ata’ahia. E nehenehe te Mai, pe’e mai—nō te ta’ata hō’ē ’e te ’utuāfare e tauturu ia ’oe ’ia hāro’aro’a maita’i a’e i te ha’api’ira’a tumu tā ’oe e ha’api’i i te mau tamari’i. ’A ’āparau ai ’oe i te ha’api’ira’a tumu nō roto mai i te mau pāpa’ira’a mo’a, e aha te mau ’īrava, te mau fa’ahitira’a parau, te mau ’ohipa i tupu, te mau uira’a, ’e te tahi atu ā mau mātēria tauturu tā ’oe e nehenehe e fa’a’ite atu ? Nāhea ’oe i te fa’a’ohipa i teie mau mātēria nō te tauturu i te mau pīahi ’ia ’ite mai ’e ’ia ta’a maita’i i te mau parau tumu o te ’evanelia ? Nāhea ’oe e nehenehe ai e tauturu ia rātou ’ia patu i tō rātou fa’aro’o i te Metua i te ao ra ’e ia Iesu Mesia ?