Ritembwa 27–Tianuare 2

Mote 1; Aberaam 3

“Bon Aio Au Mwakuri ao Mimitongiu”

Ngkai ko wareka Mote 1 ao Aberaam 3, tatauraoi ni butimwaai iango ao namakin aika a boou mairoun te Tamnei. E na anganiko iango ake a na buokiko ni katauraoi n anga reirei.

Korei Am Namakin

Kaunga te Tibwatibwa

Kaain am kiraati a kona n tia ni karekei taneiai aika tamaroa ni warekan Mote 1 ao Aberaam 3 ni mweengaia. A na kanga kaain am kiraati n tibwai namakin akanne? E kona ni beebete aron tuangakiia titiraki n aron aikai: Tera ae taraa ni kakaawaki iroum ngkai ko wareki koroboki aika a tabu n te wiiki aei? Tera ae ko mimi iai? Tera ae e karikiko bwa kona tei ao n iango? Tera ae e buokiko ni kaaniko riki nakon Tamara are i Karawa ao Iesu Kristo?

Reirei te Reirei

Mote 1:1–10, 37–39; Aberaam 3:22–26

Ngkai natin te Atua, iai tokira ae akea tokina.

• Koaua a kaotaki ni miin Mote ao Aberaam ni kona ni karekea te namakin ae tamaroa iaon ara rinerine ao iaon am konabwai n tokanikai iaon kangaanga n te maiu. Ko na kanga ni buokiia kaain am kiraati ni kunei koaua aikai inanon Mote 1 ao Aberaam 3? Te iango teuana bon bwenauan te kiraati inanon kurubu ao n anganiia kurubu aikai teuana man rongorongo aikai: Mote 1:1–10; Mote 1:37–39; Aberaam 3:22–26. Kurubu aikai a kona n kakaei kaeka nakon titiraki n aron “Antai ngai?” “Bukin tera I roko ikai?” ao “Antai te aomata ae e tangiria te Atua bwa N na riki bwa ngaia?” Imwiin te tai ae tau, te kurubu e kona ngkanne n tibwai aia kaeka. E kanga kaeka aikai n roota ara mwakuri n te bong koraki?

  

  Christ and the Creation (Kristo ao te Karikibwai, iroun Robert T. Barrett

Mote 1:12–23

Ti kona n totokoa ana kariiri Tatan.

• Aitaran Mote ma Tatan, e reke n Mote 1:12–23, e karekei reirei ake a kona ni buokiia kain te kiraati ngkai a kaitara ma te kariri ke te mwamwanaaki mairoun te kaitara. Tera ae ti kona n reiakinna man ana kaeka Mote? Te witeo “I Am a Son of God” (ChurchofJesusChrist.org) e kona ni buokiia kaain te kiraati ni maroroakina teuana ana kewe Tatan—kariiriira bwa ti na nanououa n ara taneiai n tamnei (taraa naba “Reitan Bwaai ni Mwakuri”). E kona n rangi n boongana ngkana kain te kiraati a tibwai iango ao kaunganano i marenaia ni kina ao ni totokoa ana mwakuri Tatan.

• Teuana te reirei man ana taneiai Mote bwa teuana ni kaitaraan ana koaua ao mwaakan te Atua. Ni buokakiia kain te kirati n noora aei, ko kona ni uoti tabeua bwaai nakon te kiraati aika a kewe ni bwaai tabeua, n aron te aroka ke te taore te teei ae aki maiu. Ti na kanga ni kona ni kinaa bwa bwai aikai a kewe? Tera tabeua ana kewe Tatan ae e kabonganai ni bong aikai ake a kaririira? Ti na kanga ni kinai ao n totokoi? (N reiakinna bwa e kanga Mote ni karaoa aei, taraa Mote 1:13–18.) E kanga te Uea ni buokiira inanon ara kekeiaki? (taraa Mote 1:24–26).

Aberaam 3:22–28

Te maiu aei bon ara tai ni kaotia bwa ti na karaoi bwaai ake e tua te Atua.

• Ko na kanga ni kona ni buokiia kain te karaati n noora maiuia ba te tai ni kakoaua aia kakaonimaki nakon ana tua te Atua? Ko kona ni waaki n tuangiia bwa a na taekina te bwai are a rinanona ngke a na kaotia n te aro ae barongaaki inanona konabwaia—te katoto, n te reirei, n te mwakuri, ke iaon te tiim n takakaro. A kona ni maroroakina te bwai are a kantaningaaki bwa a na karaoia ni kakoaua ibon ibukiia. A kanga taneiai aikai n titebo ma are e kabwarabwaraaki n Aberaam 3:24–26? Tera ae a kaokoro iai? Ti kanga ni kaira Tamara are i Karawa ao te Tia Kamaiu.inanon ara kekeiaki ni “kakoaua” bon irouraAberaam 3:25). E kanga ataakin ae ti mena ikai bwa ti na kakoaua ongotaekara e rota aron ara kaeka nakon kataaki inanon maiura?

• Tera riki ae ti reiakinna man Aberaam 3:22–28 ibukin te maiu imwain te maiu aei, ke n “moan maekara ”? (kibu 26). Bukin tera koaua aikai a kakaawaki ibukira?

Bwaai n Ibuobuoki Riki Tabeua

Tai nanououa ni bwaai ake a tia ni kaotaki nakoim.

Unimwaane Jeffrey R. Holland e reirei aei iaon te bwai are e rinanona Mote n Mote 1: “Ana rongorongo Mote nakoim n te bong aei bon: Tai iangoia ni kakerikaki man am taratara raoi. Tai iangoia bwa te kaotioti ae korakora, tabeua a kamimi, tai ni kakukurei, kaukan te kawai ae kairaki, bon tokina. … N te tai are e kaoti iai te tai ae kamimi, taratara raoi n te karirii ni kerikaaki man te bwai ae raoiroi. Ngkana e eti ngkana ko tataroakinna ao n onimakinna ao ni maiuakinna, e bon eti n te tai aei. Tai taenikai ngkana e itaotao te kariiri. N te koaua tai taenikai nakon Tatan are e kaitaia ni karaoa te bwai teuana n urua kukureim. Kaitara am nanokokoraki. Kaina maakum. ‘Ma ngaia ae kam na tai kaki ami aki-maku’ [Ebera 10:35]. Tiku iaon te kawai ao noora tamaroan te maiu n taakinaki i matam” (“Cast Not Away Therefore Your Confidence,” Ensign, Mar. 2000, 7, 9).

Kanakoraoan Ara Anga reirei

Buokiia taan reiakinaki bwa a na kunei koaua man koroboki aika tabu. Imwain kaoakiia kain te kirati bwa a na wareware ni kibu man koroboki aika a tabu, ko kona n anganiia te bwai teuana ae onoti bwa a na taraia ke n iangoia. Te katooto, a kona n taratara te bwai teuana are a reiakinna iroun te Tia Kamaiu ke te bwai teuana are a tangiria n tibwaia ma kain aia utu. (Taraa Reirei n ana Kawai te Tia Kamaiu,21.)