Tianuare 3–9

Karikani Bwai 1–2; Mote 2–3; Aberaam 4–5

“Ngke e tuai ni Karikaki B’ai, ao E Karika Karawa ma Aonaaba te Atua”

N te aro bwa kona rauraoi n angareirei, wareware ao iangoa moa Karikani Bwai 1–2; Mote 2–3; ao Aberaam 4–5, ao korei am namakin n tamnei. Nakomai, Iriirai—Ibukiia Aomata n Tatabemaniia ao Utu ao iango aika inano a kona ni buokiko n ota ao n reirei te koaua inanona mwakoro aikai.

Korei Am Namakin

Kaunga te Tibwatibwa

Te Atua e kaokiokia n taekinna bwa bwaai ake E karaoi n tain Karikanibwai a “raoiroi” (taraa Mote 2:4, 10, 12, 18, 21, 25, 31). Kaoia kain te kiraati bwa a na tibwai bwaai aika a raraoi aika a kunei ngkai a wareki koroboki aika a tabu ni mweengaia n te wiiki aei. Tera tamaroan bwaai ake a kunei?

Reirei te Reirei

Karikani Bwai 1; Mote 2; Aberaam 4

“E karika karawa ma aonaaba te Atua.”

• Kain te kiraati a kona n atai bwaai aika bootau ao aika kaokoro man rongorongon te Karikibwai ni booki aika Karikani Bwai, Mote, ao Aberaam. Kaungaia kain te kiraati bwa a na tibwai ana rairairi Iotebwa Timiti n Mote 2 ni karaka ara atatai n rongorongon Karikanibwai n Karikani Bwai 1. Tera riki nonoori ae ko karekei man Aberaam 4? N anganiia riki aomata bwa a na tibwatibwa, ko kona ni kaungaia kain te kiraati bwa a na karaoa te kabotau n ikatoatoa ke ni kurubu aika a uarereke. (Tabeua kibu aika a kakawaki kaokoroia a koreaki inanon “Bwaai ni Ibuobuoki riki Tabeua.”) E kanga ni buokaki man karekean rongorongo aika mwaiti? Tera ae taekinaki n rongorongo aikai n te bwai are e tangiria te Atua bwa tina ataia ibukin te Karikibwai?

• Ngke te Atua e karika Atam ao Ewa, E anganiira te bwaibwai iaon te aba ao ana karikibwai riki tabeua iaona (taraa Karikani Bwai 1:28; Mote 2:28; Aberaam 4:28). E kanga Reirei ao Berita aika Tabu 59:16–21 ao 104:13–18 ni buokiira n ota riki n te bwai are e nanonaki bwa tina karaoi ni mwaakara aika raraoi iaon te aba?

• Tabeua te bong imwain te kiraati, ko kona ni kaoia kain te kiraati bwa a na uoti tamnei ake a tia n rawei ke iai ni mweengaia ake a kauringiia tamaroan ana karikibwai te Atua. E kanga reiakinan taekan ana mwakuri te Atua ni karikibwai n roota ara namakin ibukina, ibukira, ao te aonaaba? Kain te kiraati a kona naba n tibwa te rongorongo are a namakinna bwa te Atua e katauraoi ibukira ibukin rongorongon te Karikibwai inanon Karikani Bwai 1; Mote 2; ao Aberaam 4. Anenean ke ongoraeakinan te kuna are e taekan te Karikibwai, n aron “For the Beauty of the Earth” (Hymns, nambwa. 92) ni kona ni buokiia kaain te kiraati n namakina te kakaitau ibukin ana karikibwai te Atua.

  

  Creation (Karikibwai), iroun Joan Hibbert Durtschi

Karikani Bwai 1:26–28; Mote 2:26–28; Aberaam 4:26–28

Ti karikaki ni katotongan te Atua.

• Bukin tera e kakaawaki ibukira bwa tina ota bwa ti karikaki ni katotongan te Atua? Kona kanga ni buokiia kain am kiraati bwa a na iangoa te koaua aei? A kona ni wareka Karikani Bwai 1:26–28; Mote 2:26–28; Aberaam 4:26–28; ke te kauoua ni barakaraba n “Te Utu: Te Katanoata nakon te Aonaaba” (ChurchofJesusChrist.org). E kanga te koaua aio n roota arora n taraira, tabeman ao te Atua? Kain te kiraati a kona riki ni karekei iango iaon kuna n aronO Tamau” ke “Ngai Natin te Atua” (Anene n Taromauri, nambwa. 292, 301).

• I nanon te witeo ae “God’s Greatest Creation” (ChurchofJesusChrist.org), E anga ana koaua Beretitenti Russell M. Nelson i aon te rabwata (taraa naba “Te Kakaitau nakon te Atua,” Riaona, Meei 2012, 77–80). Iangoa tibwauan te maroro aei imwain warekan Karikani Bwai 1:26–28; Mote 2:26–28; ke Aberaam 4:26–28 n te kiraati. E kanga ana koaua Beretitenti Nelson ni kakorakorai ara kakaitabu ibukin koaua inanon kiibu aikai?

Karikani Bwai 1:27–28; Mote 3:18, 21–25; Aberaam 5:14–19

Te mareaki imarenan te mwaane ao te aine e katabuaki mairoun te Atua.

• A mwaiti iango iaon te mare n te aonaaba ni boong aikai a kaokoro man te koaua ae akea tokina. Ni buokakia kain am kiraati n ana taratara te Atua iaon te mare, ko kona ni kaoia bwa a na wareka Karikani Bwai 1:27–28; Mote 3:18, 21–25; ke Aberaam 5:14–19 ao ni karinanii iaon te burakibooti koaua ake a karekei. A kona naba ni karinna iaon aia rinan koaua ake a karekei n “Te Utu: Te Katanoata nakon te Aonaaba” (ChurchofJesusChrist.org). Bukin tera koaua aikai a kakaawaki ibukira?

Bwaai n Ibuobuoki Riki Tabeua

Kabotaua karaki man te Karikibwai.

Karikani Bwai	Mote	Aberaam
Karikani Bwai Karikani Bwai 1:1	Mote Mote 2:1	Aberaam Aberaam 4:1
Karikani Bwai Karikani Bwai 1:16	Mote Mote 2:16	Aberaam Aberaam 4:16
Karikani Bwai Karikani Bwai 1:26–27	Mote Mote 2:26–27	Aberaam Aberaam 4:26–27
Karikani Bwai Karikani Bwai 1:30	Mote Mote 2:30	Aberaam Aberaam 4:30
Karikani Bwai Karikani Bwai 2:5	Mote Mote 3:5	Aberaam Aberaam 4:30
Karikani Bwai Karikani Bwai 2:5	Mote Mote 3:5	Aberaam Aberaam 5:5
Karikani Bwai Karikani Bwai 2:7	Mote Mote 3:7	Aberaam Aberaam 5:7
Karikani Bwai Karikani Bwai 2:9	Mote Mote 3:9	Aberaam Aberaam 5:9
Karikani Bwai Karikani Bwai 2:17–19	Mote Mote 3:17–19	Aberaam Aberaam 5:13–14

Kanakoraoan Ara Anga reirei

Buokiia taan kamatebwai bwa a na kabootaui koroboki aika tabu ni bon nakoia. “Koaua naba n te euangkerio ake a kairaki ao ni kamatoa Aberaam, Etita, Riaai, ao Iotebwa Timiti a kona ni buokiia naake ko anga reirei nakoia ni kaitarai kakaewenako ni boong aikai” (Teaching in the Savior’s Way, 21). Kaungaia taan reiakinaki bwa a na karaoi koaua ake a kunei inanon koroboki aika a tabu nakon bwaai ake a kaitarai ibon irouia.