Pikja blong wol ia mo mun

3–9 Jenuware

Jenesis 1–2; Moses 2–3; Ebraham 4–5

“Long Stat, God I Bin Krietem Heven mo Wol Ia”

Blong yu rere blong tij, faswan ridim mo tingting hevi long Jenesis 1–2; Moses 2–3; mo Ebraham 4–5, mo raetemdaon ol filing mo tingting long saed blong spirit, we oli kam long yu. Kam Folem Mi—Blong Wanwan Man, Woman mo Famli mo ol aedia we oli stap andanit ia, oli save helpem yu blong andastanem mo tijim doktrin we i stap long ol japta ia.

Raetemdaon Ol Filing mo Tingting blong Yu

serem aekon

Invaetem Ol Man blong Serem Wanem Oli Gat

God i ripitim se ol samting we Hem i bin mekem long taem blong Kriesen oli “gud” (luk long Moses 2:4, 10, 12, 18, 21, 25, 31). Invaetem ol memba blong klas blong serem ol gud samting we oli faenem taem we oli bin stap ridim ol skripja long hom long wik ia. ?Wanem nao i bin gud abaot ol samting we oli bin faenemaot?

tijing aekon

Stap Tijim Doktrin

Jenesis 1; Moses 2; Ebraham 4

“God i bin krietem heven mo wol ia.”

• Maet ol memba blong klas oli luk ol samting we oli semsemmak, mo ol samting we oli defren bitwin ol stori blong Kriesen insaed long ol buk blong Jenesis, Moses, mo Ebraham. Leftemap tingting blong ol memba blong klas blong serem wanem translesen blong Josef Smit long Moses 2 i ademap long andastaning blong yumi abaot stori blong Kriesen long Jenesis 1. ?Wanem moa niu tingting yu kasem aot long Ebraham 4? Blong letem moa pipol oli serem samting, yu save leftemap tingting blong klas blong sidaon tutu o long smol grup, mo komperem ol skripja ia. (Sam long ol ves ia we oli gat bigfala samting i defren, oli putum long not insaed long “Sam Moa Risos.”) ?Hao nao yumi save tekem samting taem i gat plante defren histri? ?Wanem nao ol histri ia oli stap talem abaot wanem we God i wantem yumi blong save abaot Kriesen?

• Taem we God i bin krietem Adam mo Iv, Hem i bin givim long tufala blong rul ova long wol ia, mo ova long ol nara kriesen we oli stap long hem (luk long Jenesis 1:28; Moses 2:28; Ebraham 4:28). ?Olsem wanem nao Doktrin mo Ol Kavenan 59:16–21 mo 104:13–18 oli helpem yumi blong andastanem gud moa mining blong gat stret mo gud rul ova long wol ia?

• Sam dei bifo long klas, maet bae yu save invaetem ol memba blong klas blong tekem ol pikja we oli bin tekem, o ol pikja we oli gat insaed long hom blong olgeta we i mekem olgeta oli save tingbaot ol naes kriesen blong God. ?Olsem wanem nao taem we yumi stap lan abaot kriesen wok blong Lod i jenisim ol filing blong yumi abaot hem, abaot yumiwan, mo abaot wol ia? Ol memba blong klas oli save serem tu wanem mesej we oli filim se God i gat blong yumi long ol histri ia abaot Kriesen Jenesis 1; Moses 2; mo Ebraham 4. Singsing o lisin long wan singsing abaot Kriesen, olsem “For the Beauty of the Earth” (Hymns, no. 92.) Hemia i save helpem ol memba blong klas blong filim bigfala tangkyu from ol kriesen blong God.

  Blangket we i soemaot ol defren step blong kriesen

  Kriesen, i kam long Joan Hibbert Durtschi

Jenesis 1:26–28; Moses 2:26–28; Ebraham 4:26–28

Oli bin krietem yumi folem fasin mo bodi blong God.

• ?From wanem hem i impoten blong yumi andastanem se oli bin krietem yumi i folem fasin mo bodi blong God. ?Olsem wanem yu save helpem ol memba blong klas blong oli tingting hevi long trutok ia? Oli save ridim Jenesis 1:26–28; Moses 2:26–28; Ebraham 4:26–28; o nambatu paragraf blong “Famli: Wan Ofisol Toktok I Go long Wol” (ChurchofJesusChrist.org). ?Olsem wanem trutok ia i jenisim wei we yumi luk yumiwan, ol narawan, mo God? Ol memba blong klas oli save faenem moa laet insaed long ol hym olsem “O My Father” o “Mi Pikinini blong God” (Hymns, STSP no. 292, mo pej 58).

• Insaed long vidio ia: “God’s Greatest Creation” (ChurchofJesusChrist.org), Presiden Russell M. Nelson i talem testemoni blong hem long saed blong merikel ia we i bodi blong man (luk tu long “Thanks Be to God,” Liahona, May 2012, 77–80). Tingting blong serem vidio ia bifo yufala i ridim Jenesis 1:26–28; Moses 2:26–28; o Ebraham 4:26–28. olsem wan klas. ?Olsem wanem nao testemoni blong Presiden Nelson i mekem tangkyu blong yumi i bigwan moa from ol trutok we oli stap long ol ves ia?

Jenesis 1:27–28; Moses 3:18, 21–25; Ebraham 5:14–19

Mared bitwin wan man mo wan woman, God nao i odenem.

• Plante tingting long saed blong mared tedei long wol oli aot long trutok we i no save finis. Blong helpem klas blong yu blong lan abaot ol tingting blong God long saed blong mared, yu save invaetem olgeta blong ridim Jenesis 1:27–28; Moses 3:18, 21–25; o Ebraham 5:14–19 mo blong mekem wan lis, antap long bod, blong ol trutok ia we oli faenem. Mo tu, oli save ademap long lis ia, ol trutok we oli faenem insaed long “Famli: Wan Ofisol Toktok I Go long Wol” (ChurchofJesusChrist.org). ?From wanem ol trutok ia oli impoten tumas long yumi?

sam moa risos aekon

Sam Moa Risos

Stap Komperem Ol Histri Abaot Kriesen.

Jenesis	Moses	Ebraham
Jenesis Jenesis 1:1	Moses Moses 2:1	Ebraham Ebraham 4:1
Jenesis Jenesis 1:16	Moses Moses 2:16	Ebraham Ebraham 4:16
Jenesis Jenesis 1:26-27.	Moses Moses 2:26–27	Ebraham Ebraham 4:26–27
Jenesis Jenesis 1:30	Moses Moses 2:30	Ebraham Ebraham 4:30
Jenesis Jenesis 2:5	Moses Moses 3:5	Ebraham Ebraham 4:30
Jenesis Jenesis 2:5	Moses Moses 3:5	Ebraham Ebraham 5:5
Jenesis Jenesis 2:7	Moses Moses 3:7	Ebraham Ebraham 5:7
Jenesis Jenesis 2:9	Moses Moses 3:9	Ebraham Ebraham 5:9
Jenesis Jenesis 2:17–19	Moses Moses 3:17–19	Ebraham Ebraham 5:13–14

Stap Kam Antap long Fasin blong Yumi blong Stap Tij

Helpem olgeta we oli stap lan blong putum ol skripja oli kambak long olgetawan bakegen. “Semfala trutok blong gospel ia we oli bin givim insperesen mo sapotem Ebraham, Esta, Lihae, mo Josef Smit, oli save helpem olgeta ia we yu stap tijim olgeta, blong oli save fesem ol jalenj blong tedei” (Teaching in the Savior’s Way, 21). Leftemap tingting blong olgeta we oli stap lan blong praktisim ol prinsipol we oli faenem insaed long ol skripja, insaed long situesen blong olgetawan.