3–9 ni Janueri

Nai Vakatekivu 1–2; Mosese 2–3; Eparaama 4–5

“Enai Vakatekivu sa Bulia na Lomalagi kei Vuravura na Kalou”

Me rawa ni ko vakavakarau mo veivakavulici, wilika ka vakasamataka vakatitobu taumada Nai Vakatekivu 1–2; Mosese 2–3; kei na Eparaama 4–5, ka vola na nomu veivakauqeti vakayalo. Lako Mai, Mo Muri Au—Baleta na Tamata Yadua kei na Matavuvale kei na veivakasama ka koto oqo e ra ena rawa ni vukei iko mo kila ka vakavulica na ivakavuvuli ena veiwase oqo.

Vola na Veika o Vakauqeti Kina

Sureta na Veiwasei

Sa dau tukuna tiko na Kalou ni veika sa cakava o Koya ena gauna ni Veibuli sa “vinaka” (raica na Mosese 2:4, 10, 12, 18, 21, 25, 31). Sureti ira na lewe ni kalasi me ra wasea na veika vinaka era sa raica ni ra wilika na ivolanikalou mai vale ena macawa oqo. Na cava e vinaka me baleta na veika era sa raica rawa?

Vakavulica na iVunau

Nai vakatekivu 1; Mosese 2; Eparaama 4

“Na Kalou a bulia na lomalagi kei na vuravura.”

• Era sa rairai raica na lewe ni kalasi na veika tautauvata kei na duidui ena kedra itukutuku ni Veibuli ena ivola ni Nai Vakatekivu, Mosese, kei Eparaama. Vakayaloqaqataki ira na lewe ni kalasi mera wasea na cava e kuria na iVakadewa i Josefa Simici ena Mosese 2 me da kila vinaka kina na itukutuku ni Veibuli e tiko e Nai Vakatekivu 1. Na ikuri ni veivakararamataki cava eda na rawata mai na Eparaama 4? Me rawa ni levu cake na tamata me ra wasea oqo, sa rawa ni ra vakayaloqaqataki na kalasi me ra cakava na veivakatauvatani vakayarurua se vakailawalawa lalai. (E so na tikina e bibi na kedra duidui sa vakaraitaki tiko ena “iKuri ni iVurevure.”) Ena yaga vakacava vei keda na veimataqali itukutuku vakaoqo? Na cava era vakatura tiko na itukutuku eso oqo me baleta na veika e vinakata na Kalou me da kila me baleta na Veibuli?

• Ena gauna sa buli rau kina o Atama kei Ivi na Kalou, a solia kina me rau lewa na vuravura kei na Nona ibulibuli kece era tiko kina (raica Nai Vakatekivu 1:28; Mosese 2:28; Eparaama 4:28). Ena vukei keda vakacava na Vunau kei na Veiyalayalati 59:16–21 kei na 104: 13–18 meda kila vinaka na ibalebale ni kena lewai ena ivalavala dodonu na vuravura oqo?

• Ni vo toka e vica na siga me tekivu na kalasi, sa rawa mo sureta na lewe ni kalasi me ra kauta mai eso na iyaloyalo era sa tabaka se tiko ena nodra vale me veivakananumi tiko vei ira ena totoka ni ibulibuli ni Kalou. E rawa vakacava ki na noda vulica na cakacaka ni veibuli ni Turaga me vakayaco-ka ki na noda nanuma baleti Koya, oi keda, kei na vuravura? Sa rawa ki na lewe ni kalasi me ra wasea na itukutuku cava era nanuma ni sa solia vei keda na Kalou ena itukutuku eso oqo ni Veibuli e Nai Vakatekivu 1; Mosese 2; kei na Eparaama 4. Na kena lagati se vakarorogo ki na dua na sere me baleta na Veibuli, me vaka na “Talei na Vanua Qo” (Sere ni Lotu, naba 46) e rawa ni vukei ira na lewe ni kalasi me ra dau vakavinavinakataka na ibulibuli ni Kalou.

  

  Creation, (Na Veibuli), mai vei Joan Hibbert Durtschi

Nai Vakatekivu 1:26–28; Mosese 2:26–28; Eparaama 4:26–28

Eda sa buli meda ucuya na Kalou.

• Na cava na vuna e bibi kina me da kila vinaka ni da a buli me da ucuya na Kalou? O na vukei ira vakacava na lewe ni kalasi mera vakasamataka vakatitobu na dina oqo? Sa rawa mera wilika Nai Vakatekivu 1:26–28; Mosese 2:26–28; Eparaama 4:26–28; se na ikarua ni parakaravu ni “Na Matavuvale: Ai Vakaro ki Vuravura Raraba” (ChurchofJesusChrist.org). E veisautaka vakacava na dina oqo na sala eda raici keda kina, ira na tamata, kei na Kalou? Sa rawa ki na lewe ni kalasi me ra kunea tale eso na veivakararamataki ena sere ni Lotu me vaka na “I Tamaqu” se na “Au Luve ni Kalou” (Sere ni Lotu, naba 176, 185).

• E vakadinadinataka o Peresitedi Russell M. Nelson ni yago vakatamata e veivakurabuitaki (raica na “Me Vakavinavinakataki Ga na Kalou,” Liaona, Me 2012, 77–80). Sa rawa mo wasea na vosa oqo ni bera ni wiliki vata vakalasi Nai Vakatekivu 1:26–28; Mosese 2:26–28; se Eparaama 4:26–28 . E vakatitobutaka vakacava na ivakadinadina nei Peresitedi Nelson na noda vakavinavinakataka na dina ena veitikina oqo?

Nai Vakatekivu 1:27–28; Mosese 3:18, 21–25; Eparaama 5:14–19.

Na nodrau vakamau e dua na tagane kei na yalewa sa ilesilesi va Kalou.

• E vuqa na nodra nanuma baleta na bula vakawati ena vuravura nikua e duidui mai na dina tawamudu. Me vukea na nomu kalasi mera vulica na nanuma ni Kalou me baleta na vakamau, sa rawa mo sureti ira me ra wilika Nai Vakatekivu 1:27–28; Mosese 3:18, 21–25; se Eparaama 5:14–19 ka mera vola ena vava ni volavola na dina era sa kunea. Sa rawa mera kuria ki na nodra lisi na dina era sa kunea ena “Na Matavuvale: Ai Vakaro ki Vuravura Raraba” (ChurchofJesusChrist.org). Na cava e bibi kina vei keda na dina oqo?

iKuri ni iVurevure

Veidutaitaka na italanoa ni Veibuli.

Nai Vakatekivu	Mosese	Eparaama
Nai Vakatekivu Nai Vakatekivu 1:1	Mosese Mosese 2:1	Eparaama Eparaama 4:1
Nai Vakatekivu Nai Vakatekivu 1:16	Mosese Mosese 2:16	Eparaama Eparaama 4:16
Nai Vakatekivu Nai Vakatekivu1:26—27	Mosese Mosese 2:26–27	Eparaama Eparaama 4:26–27
Nai Vakatekivu Nai Vakatekivu 1:30	Mosese Mosese 2:30	Eparaama Eparaama 4:30.
Nai Vakatekivu Nai Vakatekivu 2:5	Mosese Mosese 3:5	Eparaama Eparaama 4:30
Nai Vakatekivu Nai Vakatekivu 2:5	Mosese Mosese 3:5	Eparaama Eparaama 5:5
Nai Vakatekivu Na iVakatekivu 2:7	Mosese Mosese 3:7	Eparaama Eparaama 5:7
Nai Vakatekivu Nai Vakatekivu 2:9	Mosese Mosese 3:9	Eparaama Eparaama 5:9
Nai Vakatekivu Nai Vakatekivu 2:17–19	Mosese Mosese 3:17–19	Eparaama Eparaama 5:13–14

Vakatorocaketaki ni Noda Veivakavulici

Vukei ira na vuli me ra vakatauvatana na ivolanikalou vei ira. “Na dina ni kosipeli vata ga ka a veivakauqeti ka veitokoni vei iratou o Eparaama, Esiteri, Liai, kei Josefa Simici e rawa ni vukei ira o vakavulica me ra vorata rawa na bolebole ni gauna oqo” (Veivakavulici ena iVakarau ni iVakabula, 21). Vakayaloqaqataki ira na vuli tiko me ra bulataka na ivakavuvuli era kunea ena ivolanikalou ki na nodra dui ituvaki ni bula.