“Enero 3–9. Genesis 1–2; Moises 2–3; Abraham 4–5: ‘Idi Punganay Pinarsua ti Dios ti Langit ken ti Daga,’” Umaykayo, Sumurot Kaniak—Para iti Sunday School: Daan a Tulag 2022 (2021)
“Enero 3–9. Genesis 1–2; Moises 2–3; Abraham 4–5,” Umaykayo, Sumurot Kaniak—Para iti Sunday School: 2022
Enero 3–9
Genesis 1–2; Moises 2–3; Abraham 4–5
“Idi Punganay Pinarsua ti Dios ti Langit ken ti Daga”
Tapno makapagsagana a mangisuro, umuna a basaen ken utobem ti Genesis 1–2; Moises 2–3; ken Abraham 4–5, ket irekordmo dagiti naespirituan nga impresionmo. TiUmaykayo, Sumurot Kaniak—Para kadagiti Indibidual ken Pamilia ken dagiti kapanunotan iti baba ti makatulong kenka a makaawat ken mangisuro iti doktrina kadagitoy a kapitulo.
Isuratmo dagiti Impresionmo
Yawis ti Panagbibinninglay
Inulit-ulit nga impakdaar ti Dios a “nasayaat” dagiti banag nga inaramidna kabayatan ti Panagparsua (kitaen iti Moises 2:4, 10, 12, 18, 21, 25, 31). Awisem dagiti miembro ti klase a mangibinglay kadagiti nasayaat a banag a nasarakanda bayat ti panangbasada kadagiti nasantuan a kasuratan iti pagtaengan iti daytoy a lawas. Ania ti nasayaat maipapan kadagiti banag a natakuatanda?
Isuro ti Doktrina
Genesis 1; Moises 2; Abraham 4
“Pinarsua ti Dios ti langit ken ti daga.”
-
Mabalin a nadlaw dagiti miembro ti klase dagiti pagpapadaan ken pagdudumaan kadagiti pakaammuan ti Panagparsua kadagiti libro ti Genesis, Moises, ken Abraham. Allukoyem dagiti miembro ti klase a mangibinglay no ania ti inayon ti patarus ni Joseph Smith iti Moises 2 iti pannakaawattayo iti pakaammuan iti Panagparsua iti Genesis 1. Ania dagiti nayon a nalawag a pannakaammo ken pannakaawat a gun-odentayo manipud iti Abraham 4? Tapno mapalugodan ti ad-adu pay a tao a mangibinglay, mabalinmo nga allukoyen ti klase a mangaramid iti daytoy a panangipadis iti kada paris wenno babassit a grupo. (Sumagmamano kadagiti bersikulo nga addaan napapateg a pagdudumaan ket nadakamat iti “Dagiti Nainayon a Resources.”) Kasano a mairanudtayo iti kaadda dagiti adu a pakaammuan? Ania ti isingasing dagitoy a pakaammuan maipapan iti kayat ti Dios a maammuantayo maipapan iti Panagparsua?
-
Idi pinarsua ti Dios da Adan ken Eva, inikkanna ida iti panangituray iti daga ken iti dadduma pay a pinarsuana iti rabawna (kitaen iti Genesis 1:28; Moises 2:28; Abraham 4:28). Kasano a tulongannatayo ti Doktrina ken Katulagan 59:16–21 ken 104:13–18 a maawatan a nasaysayaat no ania ti kayat a sawen ti mangaramat iti nalinteg a panangituray iti daga?
-
Sumagmamano nga aldaw sakbay ti klase, mabalinmo nga awisen dagiti miembro ti klase a mangitugot kadagiti ladawan nga innalada wenno adda iti pagtaenganda a mangipalagip kadakuada iti kinapintas dagiti pinarsua ti Dios. Kasano a ti panagsursuro maipapan iti managpartuat nga aramid ti Apo ket apektuanna dagiti riknatayo Kenkuana, iti bagbagitayo, ken iti lubong? Mabalin pay nga ibinglay dagiti miembro ti klase no ania dagiti mensahe a mariknada nga adda iti Dios para kadatayo kadagitoy a pakaammuan ti Panagparsua iti Genesis 1; Moises 2; ken Abraham 4. Ti panagkanta wenno idedengngeg iti maysa a kanta maipapan iti Panagparsua, kas iti “For the Beauty of the Earth” (Hymns, no. 92) makatulong kadagiti miembro ti klase a mangrikna iti panagyaman kadagiti pinarsua ti Dios.
Ladawankobrekama a mangiladladawan iti nadumaduma nga addang ti panagparsuaPanagparsua, ni Joan Hibbert Durtschi
Genesis 1:26–28; Moises 2:26–28; Abraham 4:26–28
Naparsuatayo iti ladawan ti Dios.
-
Apay a napateg a maawatantayo a naparsuatayo iti ladawan ti Dios? Kasano a matulongam dagiti miembro ti klase a mangutob iti daytoy a kinapudno? Mabalinda a basaen ti Genesis 1:26–28; Moises 2:26–28; Abraham 4:26–28; wenno ti maikadua a parapo ti “Ti Kaamaan: Maysa a Waragawag iti Lubong” (ChurchofJesusChrist.org). Kasano nga apektuan daytoy a kinapudno ti wagas a panangkitatayo iti bagitayo, iti dadduma, ken iti Dios? Mabalin a sapulen dagiti miembro ti klase dagiti dadduma pay a nalawag a pannakaammo ken pannakaawat kadagiti himno kas iti “O My Father” wenno “I Am a Child of God” (Hymns, nos. 292, 301).
-
Iti video “God’s Greatest Creation” (ChurchofJesusChrist.org), nagpaneknek ni Presidente Russell M. Nelson maipapan iti namilagruan a bagi ti tao (kitaen iti “Thanks Be to God,” Liahona, Mayo 2012, 77–80). Ibilang ti panangibinglay iti daytoy a video sakbay ti panangbasa iti Genesis 1:26–28; Moises 2:26–28; wenno Abraham 4:26–28 kas maysa a klase. Kasano a pinauneg ti pammaneknek ni Presidente Nelson ti panagyamantayo kadagiti kinapudno kadagitoy a bersikulo?
Genesis 1:27–28; Moises 3:18, 21–25; Abraham 5:14–19
Inordenan ti Dios.ti kallaysa ti lalaki ken babai.
-
Adu dagiti mangipagarup nga iti kallaysa iti lubong ita ket maisupadi iti agnanayon a kinapudno. Tapno matulongan ti klasem a masursuruan maipapan kadagiti pannirigan ti Dios iti kallaysa, mabalinmo nga awisen ida a mangbasa iti Genesis 1:27–28; Moises 3:18, 21–25; wenno Abraham 5:14–19 ket ilistam iti pisarra dagiti kinapudno a masarakanda. Mabalinda ti mangnayon iti listaanda kadagiti kinapudno a masarakanda iti “Ti Kaamaan: Maysa a Waragawag iti Lubong” (ChurchofJesusChrist.org). Apay a napateg kadatayo dagitoy a kinapudno?
Dagiti Nainayon a Resources
Panangidasig kadagiti estoria ti Panagparsua.
Genesis |
Moises |
Abraham |
---|---|---|
Genesis | Moises | Abraham |
Genesis | Moises | Abraham |
Genesis | Moises | Abraham |
Genesis | Moises | Abraham |
Genesis | Moises | Abraham |
Genesis | Moises | Abraham |
Genesis | Moises | Abraham |
Genesis | Moises | Abraham |
Genesis | Moises | Abraham |
Panangpadur-as iti Panangisurotayo
Tulongam dagiti agad-adal a mangyarig kadagiti nasantuan a kasuratan iti bagbagida. “Dagiti isu met la a kinapudno ti ebanghelio, a nangparegta ken nangtulong kada Abraham, Esther, Lehi, ken Joseph Smith ket makatulong kadagiti sursuruam a mangsango kadagiti agdama a karit” (Panangisuro iti Wagas ti Mangisalakan, 21). Allukoyem dagiti agad-adal a mangyaplikar kadagiti pagbatayan a masarakanda kadagiti nasantuan a kasuratan iti bukodda a situasion.