3–9 enero

Genesis 1–2; Moises 2–3; Abraham 4–5

“Sa’ xtiklajik chaq kixyo’ob’tesi li Dios li choxa ut li ch’och’ ”

Re xkawresinkil aawib’ choq’ re li k’utuk, taawil ut taak’oxla Genesis 1–2; Moises 2–3; ut Abraham 4–5, ut taatz’iib’a k’a’ru naxye aawe li Santil Musiq’ej. Kim, Taaqehin—choq’ reheb’ li komon ut li junkab’al ut li na’leb’ li tz’iib’anb’ileb’ arin naru tatxtenq’a chixtawb’aleb’ ru ut chixch’olob’ankileb’ li raqal a’an.

Tz’iib’a li nakak’oxla

Xkanab’ankileb’ chi wotzok

Chi k’iilasutinb’il, li Dios kixye naq “chaab’il” li k’a’ru kixyo’ob’tesi (chi’ilmanq Moises 2:4, 10, 12, 18, 21, 25, 31). Patz’ reheb’ li komon naq te’xye k’a’ru xwulak chiruheb’ sa’ li loq’laj hu chiru li xamaan a’in. K’a’ut naq xwulak chiruheb’?

Xk’utb’al li tzolʼlebʼ

Genesis 1; Moises 2; Abraham 4

“Kixyo’ob’tesi li Dios li choxa ut li ch’och’.”

• Maare li komon ak xe’xk’e reetal naq li hu Genesis, Moises, ut Abraham ink’a’ neke’xye resil li yo’ob’tesink chi juntaq’eet. Tenq’aheb’ li komon re naq te’xch’olob’ sa’ komonil chan ru naq li aatin chi jaltesinb’il ru xb’aan laj Jose Smith sa’ Moises 2 nokoxtenq’a chixtawb’al ru li esil sa’ Genesis 1. K’a’ chik ru wan sa’ Abraham 4? Wi na’ajman, naru taach’utub’eb’ li komon sa’ ka’kab’il malaj sa’ ch’ina ch’uut re naq naab’aleb’ chik te’ruuq chi aatinak chirixeb’ li wiib’ chi raqal a’an. (Sa’ “Xkomon chik li k’anjeleb’aal” naxk’ut b’ar wan li ak’ aatin li jwal nim wi’chik xwankil.) K’a’ut naq us xk’ulb’al jalan jalanq li esilal? Sa’ li jar paay chi esilal, k’a’ru naxk’utb’esi li Dios chirix li yo’ob’tesink?

• Naq li Dios kixyo’ob’tesi laj Adan ut li xEva, kixk’eheb’ xwankil chi awa’b’ejink sa’ xb’een li ruchich’och’ ut sa’ xb’een li k’a’ru wan chi sa’ (chi’ilmanq Genesis 1:28; Moises 2:28; Abraham 4:28). K’a’ru naxye sa’ Tzol’leb’ ut Sumwank 59:16–21 ut 104:13–18 re naq taqanaw chan ru rawa’b’ejinkil li ruchich’och’ sa’ tiikilal?

• Maare wiib’ oxib’ kutan ma nab’aanuman li tzolok sa’ komonil, naru taaye reheb’ li komon naq te’xk’am chaq li jalam-uuch li naxk’ut xch’ina-usal lix yo’ob’tesihom li Dios. K’a’ru naqeek’a chirix li Dios, chirix li ruchich’och’, ut chirix li qayu’am naq naqak’e reetal lix seeb’al chi yo’ob’tesink? Eb’ li komon naru ajwi’ te’xtz’il rix k’a’ru naxk’utb’esi li Dios choq’ qe laa’o sa’ Genesis 1; Moises 2; ut Abraham 4. Maare li komon te’raj roxloq’inkil lix yo’ob’tesihom li Dios wi te’xb’icha jun li b’ich chirix li ruchich’och’, kama’ li b’ich “Xb’aan xchaq’al li ru li tzuul” (Eb’li B’ich, 50).

  

  Yo’ob’tesink, xb’aan li xJoan Hibbert Durtschi

Genesis 1:26–28; Moises 2:26–28; Abraham 4:26–28

Yo’ob’tesinb’ilo jo’ chanru xjalam-uuch li Dios.

• K’a’ut naq aajel ru xnawb’al naq yo’ob’tesinb’ilo jo’ chanru xjalam-uuch li Dios? Chan ru taatenq’aheb’ li komon chixtz’ilb’al rix li na’leb’ a’in? Naru te’ril Genesis 1:26–28; Moises 2:26–28; Abraham 4:26–28; malaj xkab’il li ch’ol aatin sa’ “Li Junkab’al: Jun Jek’inb’il Aatin choq’ re li Ruchich’och’ ” (ChurchofJesusChrist.org). Chan ru naqileb’ li qas qiitz’in, li Dios, ut li qayu’am naq naqanaw li na’leb’ a’in? Li komon naru te’xtaw xkomon chik li na’leb’ sa’ “At Yuwa’ ” malaj “Laa’in jun ralal li Dios” (Eb’ li B’ich, 188, 194).

• Sa’ li video “La más grande creación de Dios” (ChurchofJesusChrist.org), li Awa’b’ej Russell M. Nelson naxch’olob’ xyaalal naq wan xwankilal li Dios sa’ li qajunxaqalil (chi’ilmanq ajwi’ “Demos gracias a Dios,” Liahona, mayo 2012). Maare taawaj xk’utb’al li video a’an re naq tex’ok chirilb’al Genesis 1:26–28; Moises 2:26–28; malaj Abraham 4:26–28 sa’ komonil. Chan ru nokoxtenq’a li raatin li Awa’b’ej Nelson chiroxloq’inkil li na’leb’ sa’eb’ li raqal a’in?

Genesis 1:27–28; Moises 3:18, 21–25; Abraham 5:14–19

Li sumlaak wan wiʼ jun winq rikʼin jun ixq, kʼojobʼanbʼil xbʼaan li Dios.

• Wankeb’ k’iila paay li na’leb’ chirix li sumlaak li ak xe’xkanab’ li yaal. Naru taatenq’aheb’ li komon chixnawb’al lix na’leb’ li Dios chirix li sumlaak sa’ Genesis 1:27–28; Moises 3:18, 21–25; malaj Abraham 5:14–19, ut naru te’xtz’iib’a sa’ pizarron li na’leb’ neke’xtaw aran. Naru ajwi’ te’xtz’iib’a li na’leb’ li neke’xtaw sa’ “Li Junkab’al: Jun Jek’inb’il Aatin choq’ re li Ruchich’och’ ” (ChurchofJesusChrist.org). K’a’ut naq nim xwankileb’ li na’leb’ a’in?

Xkomon chik li k’anjeleb’aal

Xtz’ilb’aleb’ rix li esilal chirix li yo’ob’tesink.

Genesis	Moises	Abraham
Genesis Genesis 1:1	Moises Moises 2:1	Abraham Abraham 4:1
Genesis Genesis 1:16	Moises Moises 2:16	Abraham Abraham 4:16
Genesis Genesis 1:26–27	Moises Moises 2:26–27	Abraham Abraham 4:26–27
Genesis Genesis 1:30	Moises Moises 2:30	Abraham Abraham 4:30
Genesis Genesis 2:5	Moises Moises 3:5	Abraham Abraham 4:30
Genesis Genesis 2:5	Moises Moises 3:5	Abraham Abraham 5:5
Genesis Genesis 2:7	Moises Moises 3:7	Abraham Abraham 5:7
Genesis Genesis 2:9	Moises Moises 3:9	Abraham Abraham 5:9
Genesis Genesis 2:17–19	Moises Moises 3:17–19	Abraham Abraham 5:13–14

Xkawresinkil qib’ jo’ aj k’utunel

Tenq’aheb’ li komon chixyu’aminkil li na’leb’ sa’ loq’laj hu. “Li na’leb’ li ke’kawresink re laj Abraham, li xEster, laj Lehi, ut laj Jose Smith, truuq ajwi’ te’xkawresiheb’ li komon choq’ re li ch’a’ajkilal sa’ qakutankil anajwan” (Li k’utuk jo’ li Kolonel, 21). Tenq’aheb’ li komon chixyu’aminkil li na’leb’ li neke’xtaw sa’ loq’laj hu.