ata o le lalolagi ma le masina

3–9 Ianuari

Kenese 1–2; Mose 2–3; Aperaamo 4–5

“Na Faia e le Atua le Lagi ma le Lalolagi i le Amataga”

Ina ia saunia e aoao atu, ia muamua ona faitau ma mafaufau loloto i le Kenese 1–2; Mose 2–3; ma le Aperaamo 4–5, ma faamaumau ou uunaiga faaleagaga. Sau, Mullimuli Mai ia te Au—Mo Tagata Taitoatasi ma Aiga ma manatu nei e mafai ona fesoasoani ia te oe e malamalama ai ma aoao atu le aoaoga faavae i nei mataupu.

Tusi Faamaumau Ou Lagona Uunai

aikona o le fefaasoaai

Valaaulia le Fefaasoaai

Na tautino soo mai e le Atua faapea o mea na Ia faia i le taimi o le Foafoaga na “lelei” (tagai Mose 2:4, 10, 12, 18, 21, 25, 31). Valaaulia tagata o le vasega e faasoa mai ni mea lelei na latou maua ao latou faitauina tusitusiga paia i le fale i lenei vaiaso. O a ni mea na lelei e uiga i mea na latou mauaina?

aikona o le aoao atu

Aoao Atu le Aoaoga Faavae

Kenese 1; Mose 2; Aperaamo 4

“Na Faia e le Atua le Lagi ma le Lalolagi i le Amataga.”

• Atonu na matauina e tagata o le vasega ni mea na tutusa ai ma eseese ai tala o le Foafoaga i tusi o le Kenese, Mose, ma le Aperaamo. Uunaia tagata o le vasega e faasoa mai po o a mea ua faaopoopo mai e le faaliliuga a Iosefa Samita i le Mose 2 i lo tatou malamalama i le tala o le Foafoaga i le Kenese 1. O a ni malamalamaaga faaopoopo ua tatou maua mai i le Aperaamo 4? Ina ia mafai ona toatele atu tagata e faasoa mai, e mafai ona e uunaia le vasega e faia lenei faatusatusaga i ni paga po o ni vaega toalaiti. (O nisi o fuaiupu o loo i ai ni eseesega taua ua lisiina i le “Punaoa Faaopoopo.”) E faapefea ona faamanuiaina i tatou i le tele o tala ua i ai? O a ni mea o fautua mai e nei tala e uiga i mea e finagalo le Atua ia tatou iloa e uiga i le Foafoaga?

• Ina ua foafoaina e le Atua ia Atamu ma Eva, na Ia tuu atu ia i laua le pule i le lalolagi ma isi Ana foafoaga o i ai (tagai Kenese 1:28; Mose 2:28; Aperaamo 4:28). E faapefea e le Mataupu Faavae ma Feagaiga 59:16–21 ma le 104:13–18 ona fesoasoani ia i tatou ia malamalama atili i le uiga o le faaaogaina o le pule amiotonu i le laueleele?

• I ni nai aso ae lei faia le vasega, e mafai ona e valaaulia tagata o le vasega e aumai ni ata na latou pueina pe o i ai i o latou aiga e faamanatu ai ia i latou le matagofie o foafoaga a le Atua. E faapefea i le aoaoina e uiga i Ana galuega foafoa a le Alii ona aafia ai o tatou lagona e uiga ia te Ia, i tatou lava, ma le lalolagi? E mafai foi e tagata o le vasega ona faasoa mai ni savali latou te lagona ua tuuina mai e le Atua mo i tatou i nei tala o le Foafoaga i le Kenese 1; Mose 2; ma le Aperaamo 4. O le usuina pe faalogologo i se viiga e uiga i le Foafoaga, e pei o le “Le Lalolagi Manaia” (Viiga, nu. 50), e mafai ona fesoasoani i tagata o le vasega e lagona ai le faafetai mo foafoaga a le Atua.

  ie soosoo o loo faaalia ai vaega eseese o le foafoaga

  Foafoaga, saunia e Joan Hibbert Durtschi

Kenese 1:26–28; Mose 2:26–28; Aperaamo 4:26–28

Na foafoaina i tatou i le faatusa o le Atua.

• Aisea e taua ai mo i tatou le iloaina na foafoaina i tatou i le faatusa o le Atua? E mafai faapefea ona e fesoasoani i tamaiti e mafaufau loloto i lenei upumoni? E mafai ona latou faitauina le Kenese 1:26–28; Mose 2:26–28; Aperaamo 4:26–28; po o le parakalafa lona lua o le “O Le Aiga: O Se Folafolaga i le Lalolagi” (ChurchofJesusChrist.org). E faapefea e lenei upumoni ona aafia ai le ala tatou te vaai ai ia i tatou lava, i isi, ma le Atua? E mafai e tagata o le vasega ona maua nisi malamalamaaga i viiga e pei o le “Lou Tama e” po o “O Le Atua Lou Tama” (Viiga, nu. 178, 184)

• I le vitio “God’s Greatest Creation” (ChurchofJesusChrist.org), ua molimau mai ai Peresitene Russel M. Nelson i le ofoofogia o le tino o le tagata (tagai foi “Ia Faafetaia le Atua,” Liahona, Me 2012, 77–80). Mafaufau e faasoa atu lenei vitio ae lei faitauina le Kenese 1:26–28; Mose 2:26–28; po o Aperaamo 4:26–28 o se vasega. E faapefea e le molimau a Peresitene Nelson ona faalolotoina lo tatou lotofaafetai mo upumoni i nei fuaiupu?

Kenese 1:27–28; Mose 3:18, 21–25; Aperaamo 5:14–19

O le faaipoipoga i le va o se alii ma se tamaitai ua faauuina e le Atua.

• O le tele o manatu i le faaipoipoga i le lalolagi i le asō ua aluese mai upumoni e faavavau. Ina ia fesoasoani i lau vasega e aoao e uiga i le silasila a le Atua i le faaipoipoga, e mafai ona e valaaulia i latou e faitau le Kenese 1:27–28; Mose 3:18, 21–25; po o le Aperaamo 5:14–19 ma lisi i le laupapa upumoni latou te maua. E mafai ona latou faaopoopo i le latou lisi upumoni latou te maua i le “O Le Aiga: O Se Folafolaga i le Lalolagi” (ChurchofJesusChrist.org). Aisea e taua ai nei upumoni ia i tatou?

aikona o punaoa faaopoopo

Punaoa Faaopoopo

Faatusatusaina o tala o le Foafoaga.

Kenese	Mose	Aperaamo
Kenese Kenese 1:1	Mose Mose 2:1	Aperaamo Aperaamo 4:1
Kenese Kenese 1:16	Mose Mose 2:16	Aperaamo Aperaamo 4:16
Kenese Kenese 1:26–27	Mose Mose 2:26–27	Aperaamo Aperaamo 4:26–27
Kenese Kenese 1:30	Mose Mose 2:30	Aperaamo Aperaamo 4:30
Kenese Kenese 2:5	Mose Mose 3:5	Aperaamo Aperaamo 4:30
Kenese Kenese 2:5	Mose Mose 3:5	Aperaamo Aperaamo 5:5
Kenese Kenese 2:7	Mose Mose 3:7	Aperaamo Aperaamo 5:7
Kenese Kenese 2:9	Mose Mose 3:9	Aperaamo Aperaamo 5:9
Kenese Kenese 2:17-19	Mose Mose 3:17–19	Aperaamo Aperaamo 5:13–14

Faaleleia o Lo Tatou Aoao Atu

Fesoasoani i tagata aoao e faatatau tusitusiga paia ia i latou lava. “O upumoni lava ia o le talalelei sa musuia ma lagolagoina Aperaamo, Eseta, Liae, ma Iosefa Samita e mafai ona fesoasoani ia i latou e te aoaoina i le feagai ai ma luitau faaonaponei.” (Aoao Atu i le Ala a le Faaola, 21). Fautuaina tagata aoao e faaaoga mataupu faavae latou te maua i tusitusiga paia i o latou lava tulaga.