o Atamu ma Eva o loo savavali faatasi

Atamu ma Eva, saunia e Douglas M. Fryer.

10–16 Ianuari

Kenese 3–4; Mose 4–5

O Le Pa’ū o Atamu ma Eva

Ao e sauniuni e aoao atu e uiga i le Kenese 3–4 ma le Mose 4–5, mafaufau po o a fesili po o gaoioiga e mafai ona fesoasoani i tagata o le vasega ia malamalama atili ai i le Pa’ū o Atamu ma Eva.

Tusi Faamaumau Ou Lagona Uunai

aikona o le fefaasoaai

Valaaulia le Fefaasoaai

E mafai e tagata o le vasega ona iloilo puupuu le Kenese 3–4 po o le Mose 4–5, filifili se fuaiupu e tulagaese ia i latou, ma faasoa i se tasi o nofo latalata ane. Ona mafai lea e ni nai tagata ona faasoa mai i le vasega se malamalamaaga.

aikona o le aoao atu

Aoao Atu le Aoaoga Faavae

Mose 4:1–13; 5:1–12

Tatou te manaomia le faitalia ma le faafeagai ina ia tuputupu ae ai.

• Ona o le faitalia—o le aia tatau mai le Atua e fai ai filifiliga—o se vaega autu o le olaga faaletino, o nisi taimi tatou te le amanaiaina ai Ina ia faateleina le talisapaia e tagata o le vasega o lenei meaalofa, e mafai ona latou faitauina ma talanoaina le Mose 4:1–4. O a ni mea o loo aoao mai e nei fuaiupu e uiga i le taua o le faitalia? Aisea o le a faaleaogaina ai le fuafuaga a le Atua pe ana faapea e leai so tatou faitalia? O le upusii i le “Punaoa Faaopoopo” e mafai ona maua ai nisi malamalamaaga.

• Atonu na suesue tagata o le vasega i le savali a Peresitene Dallin H. Oaks “Faafeagai o Mea Uma” (Liahona, Me 2016, 114–17) o se vaega o a latou suesuega taitoatasi pe faaleaiga i lenei vaiaso. I le aluga o le vaiaso, atonu e te mafaufau e valaaulia ni nai tagata e o mai saunia e faasoa mai se mea mai lana savali na fesoasoani ia i latou e malamalama ai i le Pa’ū o Atamu ma Eva (tagai faapitoa lava i vaega l ma lell). Aisea e faataga ai i tatou e le Tama Faalelagi e aafia i “faafeagai o mea uma”? (tagai 2 Nifae 2: 11–16). E mafai ona e valaaulia tagata o le vasega e faitau le Mataupu Faavae ma Feagaiga 29:39–40 ma talanoaina pe aisea ua tatau ai faaosoosoga a Satani i le fuafuaga a le Atua. E fesoasoani faapefea le Tama Faalelagi ma Iesu Keriso ia i tatou pe a tatou feagai ma faaosoosoga?

  Eva o loo uuina le fua o le laau

  Ua tuua Etena, saunia e Annie Henrie Nader

Mose 4:4–12; 5:13–33

Ua saili Satani “e faasese ma faatauaso” i tatou.

• O leMose 4:4–12; 5:13–33 e mafai ona fesoasoani i tagata o lau vasega ia iloa nisi o auala e faaosoosoina ai i tatou e Satani e fai le leaga. E mafai ona e fai i le afa o le vasega e faitau le Mose 4: 4–12 ao le isi afa e faitau le Mose 5:13, 18–33. Ao latou faitau, e mafai ona latou lisi auala na taumafai ai Satani e faaosooso Atamu ma Eva ma a la fanau. O faapefea ona ia taumafaia nei lava mea i le asō? E mafai faapefea ona fesoasoani le Tama Faalelagi ia i tatou e teena taufaasese a Satani?

Kenese 3:1–7; Mose 4:22–31; 5:4–15

Ua ofo mai e le Togiola a Iesu Keriso le faamoemoe ma le faaolataga mai le Pa’ū.

• O le tele ona tatou malamalama i aafiaga o le Pa’ū, o le tele foi lea o lo tatou faafetai mo le Togiola a Iesu Keriso. E mafai e tagata o le vasega ona suesue mo aafiaga o le Pa’ū i le Kenese 3:1–7; Mose 4:22–31 ma lisi mea latou te maua i le laupapa. E mafai ona latou suesue le Mose 5:4–12, 14–15 e aoao ai i le fuafuaga a le Atua e laveai i tatou mai na aafiaga (tagai foi 2 Nifae 2:19–25; Alema 12:22–34) ma lisi mea latou te maua i le laupapa. E mafai foi ona latou faasoa mai ni mea ua uunaia ai i latou e uiga i molimau a Atamu ma Eva ia Iesu Keriso i fuaiupu 10–12. O a ni o tatou lagona e uiga i le fuafuaga a le Atua ina ua uma ona faitauina nei mau?

• O le tala ia Atamu ma Eva o le faamoemoe ma le laveaiga e mafai ona faamalosiauina ai tagata o le vasega pe a faigata le olaga. Mafaufau e valaaulia i latou e sue upu ma fuaitau i le Mose 5:7–12 e faaalia ai le faamoemoe na lagona e Atamu ma Eva ina ua la iloa e mafai e le Faaola ona laveai i laua. O anafea na tatou lagonaina ai le faamoemoe faapei ona lagonaina e Atamu ma Eva? Mafaufau e valaaulia tagata o le vasega e faasoa mai a latou viiga e fiafia i ai e faaalia ai le faamoemoe lea e oo mai i le Togiola a le Faaola. E mafai ona outou usuina ni nai viiga .

aikona o punaoa faaopoopo

Punaoa Faaopoopo

E mafai ona tatou filifili mo i tatou lava.

Na aoao mai Elder Dale G. Renlund:

“O le sini a lo tatou Tama Faalelagi i tulaga faamatua, o le le tuu atu lea i Ana fanau ia faia le mea sa’o; ae o le tuu atu lea i Lana fanau e filifili e fai le mea sa’o ma mulimuli ane avea e faapei o Ia. Afai e na o Lona finagalo lava ia tatou usiusitai atu, o le a Ia faaaogaina taui ma faasalaga vave e tosina ai a tatou amioga.

“Ae e le naunau le Atua i Lana fanau e avea ma ni “fagafao” aoaoina ma usiusitai o e e le ūina Ona seevae i le potu malolo selesitila. Leai, e finagalo le Atua i Lana fanau ia tuputupu ae faaleagaga ma auai faatasi ma Ia i le pisinisi faaleaiga.” (“Ina Filifili ia Outou i le Aso Nei,” Liahona, Nov. 2018, 104).

Faaleleia o Lo Tatou Aoao Atu

Faateleina le auai o tagata o le vasega. E tele gaoioiga e mafai ona faia o se vasega, i vaega toalaiti, po o paga. Faaaoga metotia eseese e mafai ai e tagata ona auai i le faatinoga, o nisi e le ono maua se avanoa. (Tagai Aoao Atu i le Ala a le Faaola, 17–18.)