laj Abraham ut li xSara

Xjalam-uuch laj Abraham ut li xSara xb’aan li xDilleen Marsh

7–13 febrero

Genesis 12–17; Abraham 1–2

“Aj taaqenel re li tiikilal”

K’a’ru xye aawe li Santil Musiq’ej naq xawil Genesis 12–17 ut Abraham 1–2? Kanab’eb’ li komon chixyeeb’al k’a’ru xye li Santil Musiq’ej reheb’.

Tz’iib’a li nakak’oxla

reetalil li wotzok

Xkanab’ankileb’ chi wotzok

Li komon naru te’xsik’ xk’ab’a’ jun laj paab’anel sa’ Genesis 12–17 ut sa’ Abraham 1–2 re naq te’xsume li patz’om chanchaneb’ a’in: “K’a’ru xk’ut chiwu laj Abraham ?” malaj “K’a’ru xk’ut chiwu li xSara ?”

reetalil li k’utuk

Xk’utb’al li tzolʼlebʼ

Genesis 15:1–6; 17:15–22; Abraham 1:1–19

Li Dios toorosob’tesi sa’ xk’ab’a’ li qapaab’aal ut lix tiikilal li qajom.

• Li resilal laj Abraham ut li xSara sa’ Genesis 15; 17; Abraham 1 naru tixtenq’aheb’ li komon chixpaab’ankil naq li k’a’ru neke’raj sa’ tiikilal toj taak’eemanq reheb’ jo’ k’oxlanb’il xb’aan li Qaawa’. Chan ru tex’ok chi aatinak chirix li na’leb’ a’in? Maare taak’eheb’ li komon chixsik’b’al k’a’ru naxye sa’ Genesis 15:1–6 ut sa’ Abraham 1:1–19 chirix li rajom laj Abraham ut chirix lix ch’a’ajkilal. Chan ru naq laj Abraham ut li xSara ke’xk’utb’esi lix paab’aal naq wankeb’ sa’ ch’a’ajkilal? (chi’ilmanq Hebreos 11:8–13). Chan ru ke’xk’ul li rajom? (chi’ilmanq Genesis 17:15–22; 21:1–3; Tzol’leb’ ut Sumwank 132:29; Abraham 1:31). Chan ru taqak’utb’esi li qapaab’aal naq toj maji’ naqak’ul li k’a’ru naqaj sa’ tiikilal? Maare li komon te’raj xyeeb’al resil chan ru naq li Qaawa’ ak xtenq’aheb’ sa’ li ch’a’ajkilal a’in.

• Maare wankeb’ li komon sa’ laa tzoleb’aal li ink’a’ neke’kawresiik xb’aan xjunkab’al choq’ re li paab’ank—ut maare neke’xk’ul b’an li wech’ok. K’a’ru naxye sa’ Abraham 1:1–19 li naru tixtenq’aheb’ li ani neke’xk’ul li ch’a’ajkilal a’an?

• Maare taak’eheb’ li komon chirilb’al Genesis 14:36–40 chi jaltesinb’il ru xb’aan laj Jose Smith (sa’ xraqik li roxichal li loq’laj hu) re naq te’xye k’a’ru neke’xk’oxla chirix lix paab’aal ut li rajom laj Abraham. Truuq ajwi’ te’xye resil chan ru neke’osob’tesiik naq neke’xpaab’ li chaq’rab’ re xtojb’al li lajetqil.

Abraham 2:6–11

Li sumwank re laj Abraham nokorosob’tesi chiqajunil.

• Li raatin li Awa’b’ej Russell M. Nelson sa’ “Xkomon chik li k’anjeleb’aal” naru tixtenq’aheb’ li komon chixnawb’al k’a’ru naraj naxye li sumwank re laj Abraham (chi’ilmanq ajwi’ Temas del Evangelio, “Convenio Abrahámico,” topics.ChurchofJesusChrist.org). Maare li komon ak xe’xtaw xna’leb’ chirix li sumwank re laj Abraham sa’ Abraham 2:6–11, xb’aan naq wan li raqal a’an sa’ li tusb’il na’leb’ choq’ re li xamaan a’in sa’ Kim, Taaqehin—Choq’ reheb’ li komon ut li junkab’al. Maare li komon te’xye k’a’ru xe’xtaw sa’ li raqal a’an, malaj ut naru teeril li raqal a’an sa’ komonil. K’a’ru nayeechi’iman qe ut k’a’ru nateneb’aman qe sa’ li sumwank re laj Abraham? Li video “Testigos Especiales—Presidente Nelson” naru texxtenq’a chixsumenkil li patz’om a’an (ChurchofJesusChrist.org/media-library/video/2011-04-18-special-witness-president-nelson?lang=spa). K’a’ru tento taqab’aanu re naq too’osob’tesiiq xb’aan li sumwank a’in? Chan ru naq laa’o, jo’ li riyajil laj Abraham, taqosob’tesi “chixjunil li junkab’al re li ruchich’och’ ”? (Abraham 2:11).

Genesis 14:18–19; Genesis 14:25–40 chi jaltesinb’il ru xb’aan laj Jose Smith

“Wan xpaab’aal laj Melkisedek.”

• B’antiox re lix k’ojob’ankil wi’chik li evangelio, naab’aleb’ li komon sa’ li Iglees neke’xnaw chirix li Tijonelil re Melkisedek, a’b’an wankeb’ ajwi’ li ink’a’ neke’xnaw ani laj Melkisedek. Re xtenq’ankileb’ li komon chixnawb’al ani laj Melkisedek, naru taapatz’ reheb’ naq te’xtz’iib’a sa’ pizarron k’a’ru te’xye chirix laj Melkisedek wi ta a’an jun li ramiiw. Naru te’xsik’ k’a’ru te’xye sa’ Genesis 14:26–27, 33–38 chi jaltesinb’il ru xb’aan laj Jose Smith (sa’ xraqik li roxichal li loq’laj hu); Alma 13:13–19; ut Tzol’leb’ ut Sumwank 107:1–4. K’a’ru naxye sa’eb’ li raqal a’an chirix li Tijonelil re Melkisedek?

  laj Melkisedek narosobʼtesi laj Abram

  Laj Melkisedek narosob’tesi laj Abram, xb’aan laj Walter Rane

reetalil xkomon chik li k’anjeleb’aal

Xkomon chik li k’anjeleb’aal

Li osob’tesiik sa’ li sumwank re laj Abraham.

Li Awa’b’ej Russell M. Nelson kixye:

“Q’axal nim xwankil li sumwank ki’ok wi’ li Dios rik’in laj Abraham, ut rik’in ajwi’ laj Isaak ut laj Jakob. … Li Qaawa’ kixk’utb’esi rib’ sa’ roso’jikeb’ li kutan re naq tixk’ojob’ wi’chik li sumwank a’an. … Naq xk’ojob’aak wi’chik li sumwank, xqak’ul li loq’laj tijonelil ut li junelikil evangelio, jo’ ke’xk’ul ajwi’ najter chaq. Wan li qaliceens chixk’ulb’al li evangelio sa’ xtz’aqalil, chi osob’tesiik sa’ li tijonelil, ut chixyalb’al qaq’e choq’ re li usilal q’axal nim—a’an li junelik yu’am” (“Convenios,” Liahona, noviembre 2011, 87–88).

“Li osob’tesink jwal nim sa’ li sumwank re laj Abraham nak’eeman sa’ li santil ochoch. Naq naqak’ul li osobtesink a’an, wan li qawankil re naq too’elq chaq sa’ li xb’een wakliik chi yo’yo, ut re naq taqeechani li k’ojarib’aal, li awa’b’ejihom, li taqlanelil, li wankilal, ut li awa’b’ejil, toj sa’ li “taqenaqil loq’al ut li loq’alil sa’ chixjunil li k’a’aq re ru” [Tzol’leb’ ut Sumwank 132:19]” (“Testigos especiales de Cristo,” Liahona, abril 2001, 7).

Xkawresinkil qib’ jo’ aj k’utunel

Ch’olob’ lix nawom aach’ool chi kok’ aj xsa’. Wi yal taaye chi anchal aach’ool lix nawom aach’ool chirix li yaal, naru taatoch’ xch’ooleb’ li komon sa’ nimla wankilal. Maare yal taach’olob’ chan ru nakat-osob’tesiik sa’ laa yu’am xb’aan li sumwank.