Jose sa Ehipto

Paghulagway kang Jose sa Ehipto, ni Robert T. Barrett

Marso 14–20

Genesis 42–50

“Ang Tuyo sa Dios alang sa Kaayohan”

Si Elder David A. Bednar miingon, “Ang espirituhanong pagsabut nga nadawat ninyo ug kanako … dili gayud ikahatag ngadto sa laing tawo” (“Paningkamot sa Pagkat-on pinaagi sa Hugot nga Pagtuo,” Liahona, Sept. 2007, 23). Unsaon nimo sa pagtabang ang mga sakop sa klase nga makabaton og espirituhanong pagsabut alang sa ilang kaugalingon?

Irekord ang Imong mga Impresyon

pagpaambit nga icon

Dapita ang Pagpaambit

Aron mahatagan ang mga sakop sa klase og oportunidad sa pagpaambit og butang nga ilang nakita nga makahuluganon diha sa ilang personal ug pamilya nga pagtuon sa kasulatan, mahimong mangutana ka og sama niini sa pagsugod sa klase: Unsa nga bersikulo niini nga mga kapitulo ang nakakuha sa inyong pagtagad? Unsa nga bersikulo ang inyong nabantayan sa inyong kaugalingon nga gibasa og sobra sa kausa? Unsa nga bersikulo ang inyong gipaambit ngadto sa usa ka tawo? Unsa nga bersikulo ang miresulta sa usa ka mabulukon nga panaghisgutan uban sa inyong pamilya o mga higala?

icon sa pagtudlo

Itudlo ang Doktrina

Genesis 45:1–15; 50:15–21

Ang pagpasaylo nagdala og kalinaw.

• Sa dili pa kamo magsugod og panaghisgutan mahitungod sa unsay gitudlo sa kasinatian ni Jose mahitungod sa pagpasaylo, mahimong makatabang nga ipasaysay og daklit sa usa ka tawo ang istorya diha sa Genesis 37; 39–45. Ngano man kaha nga lisud alang kang Jose ang pagpasaylo sa iyang mga igsoon? Unsa kaha ang mga kasinatian o mga kinaiya nga nakahatag ni Jose og kalig-on nga mopasaylo? (tan-awa, sama pananglit, Genesis 45:1–15 o 50:15–21). Sa unsang paagi nga ang ehemplo ni Jose makatabang kanato nga mahimong mas mapasayluon?

  Sa unsang paagi nga ang Manluluwas motabang nato sa pagpasaylo sa uban?

• Unsa ang mga panalangin nga miabut tungod sa pagpasaylo ni Jose sa iyang mga igsoon? Mahimong makapainteresado ang pagtandi sa mga relasyon sulod sa pamilya ni Jacob sa pagsugod sa istorya (tan-awa, sama pananglit sa, Genesis 37:3–11) ngadto sa ilang kahimtang sa katapusan (tan-awa sa Genesis 45:9–15; 50:15–21). Unsa ang papel sa pagpasaylo nga nahimo diha sa kausaban sa pamilya ni Jose? Unsa kaha ang lahi nga nahitabo kon dili pa andam si Jose nga mopasaylo? Mahimo nimong dapiton ang mga sakop sa klase sa pagsugyot og mga paagi nga kining istorya makatabang sa mga pamilya karon aron mabuntog ang panagbingkil ug kasina.

Genesis 45:5–11; Hubad ni Joseph Smith, Genesis 50:24–38 (diha sa Giya ngadto sa mga Kasulatan)

Ang mga buhat nila ni Jose, Moises, ug Joseph Smith nagpamatuod sa misyon ni Jesukristo.

• Pinaagi sa dugang nga kahayag sa gipahiuli nga ebanghelyo, atong nahibaloan nga si Jose, kinsa miluwas sa iyang pamilya gikan sa kagutom, nanagna usab bahin sa dagkong mga panalangin nga usa ka adlaw moabut pinaagi kang Moises ug Joseph Smith. Ug tanan niining mga propeta nagtudlo kanato ngadto sa atong Bantugan nga Tigluwas, si Jesukristo. Aron matabangan ang mga sakop sa klase nga makita ang Manluluwas diha sa mga pagpangalagad niining tulo ka propeta, mahimong magdrowing ka og usa ka tsart diha sa pisara nga susama sa usa nga makita sa “Dugang nga mga Kapanguhaan.” Ang mga sakop sa klase mahimong magtambayayong sa pagsulat diha niini. Dayon mahimo silang modugang og mga kolum nga naghulagway sa buhat nila ni Jose sa Ehipto, Moises, ug Joseph Smith, gamit ang ilang nakat-unan gikan sa Genesis 45:5–11 ug Hubad ni Joseph Smith, Genesis 50:24–38 (diha sa Giya ngadto sa mga Kasulatan). Sa unsang paagi nga ang mga pagpangalagad niining tulo ka propeta nagpamatuod ug nagtudlo ngadto sa “misyon” sa Manluluwas? (Alang sa pipila ka ehemplo sa mga pagkapareho tali sa kinabuhi ni Jose sa Ehipto ug sa kinabuhi sa Manluluwas, tan-awa sa Genesis 37:3 ug Mateo 3:17; Genesis 37:26–28 ug Mateo 26:14–16; Genesis 45:5–7 ug Lucas 4:18; ug Genesis 47:12 ug Juan 6:35; tan-awa usab sa Moises 6:63.)

  Si Jose sa Ehipto nga nakakita og usa ka panan-awon bahin ni Joseph Smith nga nagdawat sa bulawan nga mga palid

  Paghulagway kang Jose sa Ehipto, ni Paul Mann

Genesis 50:19–21

Ang Dios makatabang kanato nga makakita og kahulugan diha sa atong mga pagsulay.

• Bisan kon dili kadto klaro samtang naagian niya ang iyang grabe nga mga pagsulay, sa katapusan si Jose nakapanglantaw og balik sa iyang kalisdanan didto sa Ehipto ug nakita nga “ang tuyo sa Dios alang sa kaayohan” (Genesis 50:20). Kon nakabisita pa lang kita ni Jose samtang didto siya sa gahong o sa bilanggoan, sa unsang paagi kaha nato siya nahupay? Sa unsa kaha nga paagi nga ang hunahuna nga gipahayag diha sa Genesis 50:19–21 makatabang kanato sa mga panahon sa pagsulay? Tingali ang mga sakop sa klase andam nga maghisgot mahitungod sa mga paagi nga ang Dios mipanalangin kanila, bisan pinaagi sa lisud nga mga kasinatian nga ilang naagian. Unsa ang ikadugang sa Doktrina ug mga Pakigsaad 122 sa atong panabut bahin niini nga baruganan?

additional resources icon

Dugang nga mga Kapanguhaan

Ang mga kinabuhi sa mga propeta nagpamatuod bahin ni Jesukristo ug sa Iyang misyon.

Ang mga kinabuhi nila ni Jose sa Ehipto, Moises, ug Joseph Smith makapahinumdom kanato ni Jesukristo. Ang mga sakop sa klase mahimong mosulat niini nga tsart ug dayon modugang og mga kolum alang nila ni Jose sa Ehipto (tan-awa sa Genesis 45:5–11), Moises (tan-awa sa Hubad ni Joseph Smith, Genesis 50:24, 29, 34–36 [diha sa Giya ngadto sa mga Kasulatan]), ug Joseph Smith (tan-awa sa Hubad ni Joseph Smith, Genesis 50:26–28, 30–33 [diha sa Giya ngadto sa mga Kasulatan]).

	Jesukristo
Kinsa ang giluwas?
Gikan sa unsa sila giluwas?
Unsa ang gibuhat aron sa pagluwas kanila?

Pagpalambo sa Atong Pagtudlo

Ipangutana ang mga pangutana nga makadapit og pagpamatuod. Ang pagpangutana nga makaawhag sa mga tigkat-on sa paghatag sa ilang mga pagpamatuod mahimong usa ka epektibong paagi sa pagdapit sa Espiritu. Sama pananglit, kon magtudlo sa Genesis 45:1–15, mahimong mangutana ka og sama sa “Unsa nga mga panalangin ang inyong nasinati isip resulta sa pagpasaylo sa usa ka tawo?” (tan-awa sa Pagtudlo sumala sa Pamaagi sa Manluluwas, 32).