Iosepha nō Aiphiti

Fa’ahōho’ara’a nō Iosepha nō Aiphiti, nā Robert T. Barrett

14–20 nō Māti

Genese 42–50

« ’O tā te Atua ïa i ’ōpua ’ei maita’i »

’Ua parau Elder David A. Bednar : « Te māramarama pae vārua ’o tā ’outou ’e ’o vau nei i ha’amaita’ihia e fāri’i… e’ita ïa e nehenehe e hōro’a nā te tahi atu ta’ata » (« Seek Learning by Faith », Ensign, Tetepa 2007, 67). Nāhea ’oe i te tauturu i te mau pīahi ’ia noa’a te māramarama pae vārua nō rātou iho ?

Pāpa’i i te mau mana’o e tae mai

ītona fa’a’itera’a

Tītau i te mana’o

Nō te fa’afāna’o i te mau pīahi ’ia fa’a’ite mai i te hō’ē ’ohipa tā rātou i ’ite mai ’ei mea faufa’a i roto i tā rātou tuatāpapara’a pāpa’ira’a mo’a ta’ata hō’ē ’e ’utuāfare, e nehenehe ’oe e ui i te mau uira’a mai teie i te ha’amatara’a o te piha ha’api’ira’a : E aha te ’īrava i roto i teie mau pene tei haru i tō ’outou mana’o ? E aha te ’īrava tā ’outou i tai’o hau atu i te hō’ē taime ? E aha te ’īrava tā ’outou i fa’a’ite i te hō’ē ta’ata ? E aha te ’īrava tei arata’i i te hō’ē ’āparaura’a fa’ahiahia ’e tō ’outou ’utuāfare ’aore rā tō ’outou mau hoa ?

’ītona ha’api’ira’a

Ha’api’i i te ha’api’ira’a tumu

Genese 45:1–15 ; 50:15–21

E hōro’a mai te fa’a’orera’a hapa i te hau.

• Hou ’oe e ha’amata ai i te ’āparaura’a nō ni’a e aha te ’ohipa i tupu nō Iosepha ’o tē ha’api’i nei nō ni’a i te fa’a’orera’a hapa, e mea maita’i paha ’ia fa’ati’a poto mai te hō’ē ta’ata i te ’ā’amu i roto i te Genese 37 ; 39–45. Nō te aha e nehenehe e riro, e mea pa’ari nā Iosepha ’ia fa’a’ore i te hapa a tōna mau taea’e ? E aha te mau ’itera’a rau ’aore rā te mau haere’a ’o tei hōro’a i te pūai ia Iosepha ’ia fa’a’ore i te hapa ? (hi’o ’ei hi’ora’a Genese 45:1–15 ’aore rā 50:15–21). Nāhea te hi’ora’a o Iosepha i te tauturu ia tātou ’ia fa’a’ore noa i te hapa ?

  E hōro’a mai te video « Forgiveness: My Burden Was Made Light [Te fa’a’orera’a hara, ’ua ha’amāmāhia tā’u hōpoi’a] » (ChurchofJesusChrist.org) i te tahi atu hi’ora’a fa’auruhia o te fa’a’orera’a hapa. Nāhea te Fa’aora i te tauturu ia tātou ’ia fa’a’ore i tā vetahi ’ē hapa ?

• E aha te mau ha’amaita’ira’a tei tae mai nō te fa’a’orera’a hapa a Iosepha i tōna mau taea’e ? E mea au a’e paha e fa’aau i te mau tā’amura’a i roto i te ’utuāfare o Iakoba i te ha’amatara’a o te ’ā’amu (hi’o ’ei hi’ora’a, Genese 37:3–11) ’e tō rātou huru i te pae hope’a (hi’o Genese 45:9–15 ; 50:15–21). E aha te ti’ara’a o te fa’a’orera’a hapa tei ravehia i roto i te tauira’a o te ’utuāfare o Iosepha ? Mai te aha te mau ’ohipa i te tupu ta’a ’ē mai ’āhani ’aita Iosepha i hina’aro e fa’a’ore i te hapa ? E nehenehe e ani i te mau pīahi ’ia hōro’a mai i te tahi mau rāve’a o teie ’ā’amu ’o tē nehenehe e tauturu i te mau ’utuāfare i teie mahana ’ia upo’oti’a i ni’a i te tātama’ira’a ’e te pohehae.

Genese 45:5–11 ; ’Īritira’a a Iosepha Semita, Genese 50:24–38 (i roto i te Bible appendix)

Tē fa’a’ite pāpū nei te mau ’ohipa i ravehia e Iosepha, Mose ’e Iosepha Semita i te misiōni a Iesu Mesia.

• Ma te māramarama hau atu nō te ’evanelia tei fa’aho’ihia mai, ’ua ’ite tātou ē, ’ua tohu ato’a Iosepha, tei fa’aora i tōna ’utuāfare i te o’e, i te mau ha’amaita’ira’a rahi e tae mai i te hō’ē mahana nā roto ia Mose ’e ia Iosepha Semita. ’E tē fa’atoro nei teie mau peropheta ato’a i ni’a i tō tātou Fa’aora rahi ’o Iesu Mesia. Nō te tauturu i te mau pīahi ’ia hi’o i te Fa’aora i roto i te tāvinira’a a teie nā peropheta e toru, e nehenehe ’oe e pāpa’i hōho’a i ni’a i te tāpura ’ere’ere, i te hō’ē tāpura mai te ’itehia i roto i « Te tahi atu mau rāve’a tauturu ». E nehenehe te mau pīahi ’ia ’ohipa ’āmui nō te fa’a’ī i te reira. I muri iho, e nehenehe rātou e tu’u i te tahi atu ’āna’ira’a nō te mau ’ohipa a Iosepha nō Aiphiti, a Mose ’e a Iosepha Semita, ma te fa’a’ohipa i te mea tā rātou i ’apo mai i roto i te Genese 45:5–11 ’e Te ’īritira’a a Iosepha Semita, Genese 50:24–38 (i roto i te Bible appendix). Nāhea te tāvinira’a a teie mau peropheta e fa’a’ite pāpū ai ’e e fa’atoro ai i te misiōni a te Fa’aora ? (Nō te tahi atu hi’ora’a nō te mau tū’atira’a i roto i te orara’a o Iosepha nō Aiphiti ’e te orara’a o te Fa’aora, hi’o Genese 37:3 ’e Mataio 3:17 ; Genese 37:26–28 ’e Mataio 26:14–16 ; Genese 45:5–7 ’e Luka 4:18 ; ’e Genese 47:12 ’e Ioane 6:35 ; hi’o ato’a Mose 6:63.)

  Iosepha nō Aiphiti tei ’ite i te hō’ē ’ōrama nō Iosepha Semita e fāri’i ra i te mau ’api ’auro

  Fa’ahōho’ara’a nō Iosepha nō Aiphiti, nā Paul Mann

Genese 50:19–21

E nehenehe te Atua e tauturu ia tātou ’ia ’ite i te aura’a o tō tātou mau tāmatara’a.

• Noa atu ē ’aita paha i pāpū maita’i i te taime ’a fa’aruru ai ’oia i tāna mau tāmatara’a rahi, ’ua noa’a rā ia Iosepha i te hope’a ’ia hi’o i muri i ni’a i tōna ’ati i Aiphiti ’e ’ia ’ite ē, « ’o tā te Atua ïa i ’ōpua ’ei maita’i » (Genese 50:20). ’Āhani ’ua nehenehe ia tātou e fārerei ia Iosepha ’a vai ai ’oia i roto i te ’āpo’o ’aore rā i roto i te fare tāpe’ara’a, nāhea tātou i te tāmāhanahana iāna ? Nāhea te mana’o i fa’ahitihia i roto i te Genese 50:19–21 i te tauturu ia tātou i roto i te mau taime tāmatara’a ? Penei a’e ’ua ineine te mau pīahi ’ia paraparau mai nō ni’a i te huru tō te Atua ha’amaita’ira’a ia rātou, e tae noa atu nā roto i te mau ’ohipa fifi rahi tā rātou i ora mai. ’Ei hi’ora’a, e māta’ita’i i te video « Unto All the World: The Sam Family [I te mau ta’ata ato’a o te ao nei : Te ’utuāfare Sam] » (ChurchofJesusChrist.org). E aha atu ā tā Te Parau Ha’api’ira’a ’e te mau Parau Fafau 122 i tu’u mai i roto i tō tātou māramaramara’a nō ni’a i taua parau tumu ra ?

additional resources icon

Te tahi atu mau rāve’a tauturu

Tē fa’a’ite pāpū nei te orara’a o te mau peropheta nō Iesu Mesia ’e tāna misiōni.

E fa’aha’amana’o mai te orara’a ’o Iosepha nō Aiphiti, ’o Mose ’e ’o Iosepha Semita ia tātou ia Iesu Mesia. E nehenehe te mau pīahi e fa’a’ī i teie tāpura; i muri iho e tu’u fa’ahou i te tahi atu ’āna’ira’a nō Iosepha nō Aiphiti (hi’o Genese 45:5–11), nō Mose (hi’o Te ’īritira’a a Iosepha Semita, Genese 50:24, 29, 34–36 [i roto i te Bible appendix]), ’e nō Iosepha Semita (hi’o Te ’īritira’a a Iosepha Semita, Genese 50:26–28, 30–33 [i roto i te Bible appendix]).

	Iesu Mesia
’O vai tei fa’aorahia ?
I te aha rātou i fa’aorahia ai ?
E aha tei ravehia nō te fa’aora ia rātou ?

Ha’amaita’ira’a i tā tātou ha’api’ira’a

Ui i te mau uira’a ’o tē tītau ’ia fa’a’ite pāpū mai. E ui i te mau uira’a ’o te fa’aitoito i te mau ta’ata e ha’api’i mai ’ia fa’a’ite pāpū mai, e riro te reira ’ei rāve’a maita’i nō te ani i te Vārua. ’Ei hi’ora’a, ’ia ha’api’i ’oe i te Genese 45:1–15, e nehenehe ’oe e ui i te hō’ē uira’a mai teie « E aha te mau ha’amaita’ira’a tā ’outou i fāri’i nō te fa’a’orera’a i te hapa a te hō’ē ta’ata ? » (hi’o Ha’api’ira’a mai tā te Fa’aora, 32).