Moses, Eron, mo King blong Ijip

Pikja droing blong Moses mo Eron insaed long ples blong miting blong King blong Ijip, i kam long Robert T. Barrett

28 Maj–3 Epril

Eksodas 7–13

“Bambae Yumi Mas Tingbaot Dei we Yumi Aot long Ijip”

Paoa we yu gat blong Spirit i save soem rod long yu long tijing blong yu, bae i kam antap bigwan taem we, yuwan, yu gat wan eksperiens long saed blong spirit taem yu stap stadi long Eksodas 7–13.

Raetemdaon Ol Filing mo Tingting blong Yu

serem aekon

Invaetem Man blong Serem Wanem Oli Gat

Tingting long wan o tu kwestin we bae i leftemap tingting blong ol memba blong klas blong serem ol niu tingting mo ol eksperiens we oli bin gat taem we oli bin stadi long Eksodas 7–13 olgetawan mo wetem famli blong olgeta. Eksampol: yu save askem: “?Wanem nao yu bin ridim long wik ia we i bin mekem fet blong yu long Jisas Kraes i kam strong moa?” o “?Wanem nao yu bin ridim we i bin wan blesing long famli blong yu?”

tijing aekon

Stap Tijim Doktrin

Eksodas 7–12

Yumi save jusum blong mekem hat blong yumi i go daon.

• Blong helpem ol memba blong klas blong oli tingting long hat blong olgeta blong wantem givim hat blong olgeta long God, yu save askem blong wanwan i ridim wan long ol skripja ia: Eksodas 7:14–25; 8:5–15; 8:16–19; 8:20–32; 9:1–7; 9:8–12; 9:22–26; 10:12–15; 10:21–29; 12:29–33. Afta, oli save raetem long bod, ol toktok o ol sentens we oli tokbaot wei we King blong Ijip i fesem ol ten rabis samting we God i bin sendem agensem Ol Man blong Ijip. (Yu save tekem not se ol revisen long Josef Smit Translesen oli soem se King blong Ijip i bin mekem hat blong hem i kam strong moa.) ?From wanem nao King blong Ijip i bin mekem olsem we hem i bin mekem? ?From wanem, samtaem, i had blong givim hat blong yumi mo tingting blong yumi i folem hemia blong God? ?Olsem wanem nao Papa long Heven mo Jisas Kraes oli helpem yumi blong winim ol hadtaem ia?

• Sapos yu karem wan samting we i strong mo wan samting we i sopsop long klas, bae yu save helpem ol memba blong klas blong oli andastanem wanem hem i minim blong gat wan strong hat, o wan sopsop hat. Yu save pasem tufala samting ia i go raon long klas, mo long semtaem, askem wan blong i ridim ol toktok we oli tokbaot hat blong King blong Ijip we oli save faenem long Eksodas 7–10 (olsem Eksodas 9:22–35). ?From wanem nao “had” i wan gudfala toktok blong tokabaot hat blong King blong Ijip? ?Wanem nao ol ves ia oli stap tij abaot mining blong gat wan hat we i sopsop? (Sapos hemia i help, blong kasem ol niu tingting, ol memba blong klas oli save lukluk long wan o moa long wan long ol skripja ia: 1 Nifae 2:16; Mosaea 3:19; Alma 24:7–8; 62:41; Ita 12:27.) ?Olsem wanem nao Sevya i stap helpem yumi blong mekem hat blong yumi i sopsop? Vidio ia: “A Change of Heart” (ChurchofJesusChrist.org) i save help blong oli haremsave.

• Blong helpem ol memba blong klas blong oli tingting abaot from wanem Lod i bin sendem ol rabis sik samting long Ijip, yu save invaetem wanwan memba blong klas blong jusum wan skripja aot long lis ia, mo faenem samfala risen: Eksodas 3:20; 7:5, 17; 9:14–16; 10:1–2. Mo tu, yu save invaetem ol memba blong klas blong serem olsem wanem oli bin lanem se “[i no gat eni narawan olsem [Papa long Heven mo Jisas Kraes] long wol ia]” (Eksodas 9:14).

Eksodas 12

Pasova mo sakramen oli stap tijim abaot fasin blong kam fri tru long Jisas Kraes.

• Taem oli bin stap selebretem Lafet blong Pasova, hemia i bin helpem ol pikinini blong Isrel blong tingbaot se Lod i bin mekem olgeta oli kam fri long fasin blong stap prisena. Blong helpem ol memba blong klas blong oli andastanem simbol ia blong Pasova, yu save krietem tufala kolom long bod, we wan, taetol ia Simbol mo narawan i Posibol Mining, wetem wan pikja blong Jisas Kraes i stap antap long tufala kolom ia. Ol memba blong klas oli save stadi long Eksodas 12:1–13 mo raetem eni samting long bod aot long ol ves ia we i save stap olsem simbol blong yumi kam fri tru long Jisas Kraes. Afta long hemia, oli save toktok raon long wanem nao ol simbol ia oli stap tijim yumi abaot Atonmen blong Sevya (luk long tebol we i stap long “Sam Moa Risos” blong kasem samfala aedia. Vidio ia, “The Passover” (ChurchofJesusChrist.org) i save helpem olgeta blong gat wan pikja blong wanem we oli stap ridim long Eksodas 12.

  people taking the sacrament

  Semmak olsem kaekae blong Pasova, sakramen i stap helpem yumi blong tingbaot Man we I bin Mekem Yumi Kam Fri, we i Jisas Kraes.

• Long sam pipol, sakramen ia i no oltaem long saed blong spirit, olsem we i sapos blong stap. Tingting long wei we wan toktok storian long klas abaot Eksodas 12 i save helpem evri memba blong klas blong faenem wan moa dip mining long sakramen. Eksampol: afta we ol memba blong klas oli luklukbak long Eksodas 12, maet yu save invaetem olgeta blong serem wanem we Ol Man blong Isrel, long tetaem ia, bae oli talem sapos wan boe o gel blong olgeta i bin askem olgeta wanem mining blong Pasova. Afta long hemia, ol memba blong klas oli save toktok raon long wanem oli save talem sapos wan i askem se sakramen i minim wanem long olgeta, mo tu, blong oli serem eni niu tingting we oli kasem aot long Pasova. Maet yu save givim taem long ol memba blong klas blong oli tingting hevi long wanem oli save mekem blong tingbaot Sevya evri dei. Vidio ia, “Always Remember Him” (ChurchofJesusChrist.org) i save helpem olgeta.

additional resources icon

Sam Moa Risos

Pasova i stap tij abaot Sevya.

Simbol	Posibol Mining
Simbol Smol Sipsip (Eksodas 12:3–5)	Posibol Mining Jisas Kraes
Simbol Blad long ol pos blong doa (Eksodas 12:7)	Posibol Mining Blad blong Jisas Kraes we i pem praes from ol sin blong yumi, mo Jisas Kraes we i sevem yumi
Simbol Kakae smol sipsip (Eksodas 12:8)	Posibol Mining Mekem Sevya i pat blong laef blong yumi
Simbol Konkon gras (Eksodas 12:8)	Posibol Mining Konkon blong stap prisena (sin)

Stap Kam Antap long Fasin blong Yumi blong Stap Tij

Lisin. “Blong stap lisin, hem i wan aksen blong lav. … Askem Papa long Heven blong helpem yu blong andastanem wanem nao ol memba blong klas oli gat blong talem. Taem yu lisin gud long ol mesej blong olgeta we oli talem mo hemia we oli no talem, bambae yu kam blong andastanem gud moa nid, wari, mo wanem oli wantem” (Teaching in the Savior’s Way, 34).