Droini kei Mosese kei Eroni ena itikotiko vakatui nei Fero, maivei Robert T. Barrett

28 ni Maji–3 ni Epereli

Na Lako Yani 7–13

“Dou Nanuma na Siga Oqo, Dou a Lako Mai Kina Mai Ijipita”

Na nomu rawa ni dusimaki mai vua na Yalo ena nomu veivakavulici ena qai vakalevutaki sara ni ko sotava vakai iko na veika vakayalo ni ko vulica na Na Lako Yani 7–13.

Vola na Veika o Vakauqeti Kina

Sureta na Veiwasei

Vakasamataka mada e dua se rua na taro ena vakauqeti ira na lewe ni kalasi me ra wasea na veivakararamataki kei na veika era sa sotava ni ra vulica Na Lako Yani 7–13. vakai ira yadua kei na nodra matavuvale. Me vakataka, nomu rawa ni taroga, “Na cava o sa wilika ena macawa oqo sa vaqaqacotaka na nomu vakabauti Jisu Karisito?” se “Na cava o sa wilika sa ka ni veivakalougatataki ki na nomu matavuvale?”

Vakavulica na iVunau

Na Lako Yani 7–12

Sa rawa meda digitaka meda vakamalumalumutaka na yaloda.

• Me vukea na lewe ni kalasi mera vakasamataka na nodra lomasoli me ra solia na yalodra vua na Kalou, sa rawa mo kerei ira yadua me ra wilika e dua vei ira na tikini ivolanikalou oqo: Na Lako Yani 7:14–25; 8:5–15; 8:16–19; 8:20–32; 9:1–7; 9:8–12; 9:22–26; 10:12–15; 10:21–29; 12:29–33. Me ra na qai vola ena vava ni volavola na vosa se malanivosa eso e vakamacalataka na ka a cakava o Fero ni sa yaco mai na mate veitauvi e tini a tala mai na Kalou vei ira na kai Ijipita. (Sa rawa me kilai tiko ni railesu ni iVakadewa i Josefa Simici e vakamacalataka ni a vakaukauwataka ga o Fero na yalona.) Na cava na vuna a rairai sauma lesu kina o Fero ena sala o ya? Na cava na vuna e dredre kina ena so na gauna meda solia na yaloda kei na lomada vua na Kalou? E rau dau vukei keda vakacava na Tamada Vakalomalagi kei Jisu Karisito meda valuta rawa na veika dredre vaka oqo?

• Ni ko kauta mai ki na kalasi e dua na iyaya e kaukauwa kei na dua e ka malumalumu, o sa na vukea tiko na kalasi mera kila vinaka kina na cava na ibalebale ni tiko vei keda e dua na yalo kaukauwa se yalo malumalumu. Sa rawa me soli wavoki yani ena kalasi na iyaya e rua oqo, ena gauna e dua e wilika tiko kina e dua na ivakamacala ni ituvaki ni yaloi Fero e tiko e Na Lako Yani 7–10 (me vaka Na Lako Yani 9:22–35). Na cava na vuna e vakayagataki kina na “kaukauwa” me vakamacalataka vakavinaka na yaloi Fero? Na cava era vakavulica na veitikina oqo me baleta na ibalebale ni kena tiko vei keda na yalo malumalumu? (Kevaka e veivuke, mera qai vakaraica na lewe ni kalasi na veivakararamataki ena dua se sivia na vei ivolanikalou oqo: 1 Nifai 2:16; Mosaia 3:19; Alama 24:7–8; 62:41; Ica 12:27.) Ena vukei keda vakacava na iVakabula meda vakamalumalumutaka na yaloda? Ena rawa ki na vidio “ ” (ChurchofJesusChrist.org) me kuria na nodra kila vinaka oqo.

• Mera vukei na lewe ni kalasi mera vakasamataka na cava na vuna a tala kina na Turaga na mate veitauvi e Ijipita, sa rawa mo sureti ira yadua na lewe ni kalasi mera digitaka e dua na tikina mai na lisi oqo ka raica kina na vuna: Na Lako Yani 3:20; 7:5, 17; 9:14–16; 10:1–2. Sa rawa talega mo sureti ira na lewe ni kalasi me ra wasea na sala era sa vulica ni “sa sega e dua me tautauvata [kei na Tamada Vakalomalagi kei Jisu Karisito] e vuravura taucoko” (Na Lako Yani 9:14).

Na Lako Yani 12

Na Lakosivia kei na sakaramede e rau vakavulica na veika e baleta na veisereki maivei Jisu Karisito.

• A veivuke na marautaki ni Kanavata ni Lakosivia vei ira na luvei Isireli mera nanuma tiko ni sa vakabulai ira na Turaga mai na veivakabobulataki. Me vukei ira na lewe ni kalasi me ra kila vinaka na ivakatakarakara ni Lakosivia, sa rawa mo vola e rua na kolomu ena vava ni volavola e dua me iVakatakilakila kei na Kena iBalebale, kei na dua na iyaloyalo i Jisu me toka e ulu ni kolomu. Sa rawa vei ira na lewe ni kalasi mera vulica Na Lako Yani 12:1–13 ka vola ena vava ni volavola e dua na ka mai na veitikina oqo e rawa me vakatakilakilataka na noda sa sereki maivei Jisu Karisito. Me ra qai veivosakitaka na cava e vakavulica vei keda na ivakatakarakara oqo me baleta na Veisorovaki ni iVakabula (raica na ituvatuva ena “iKuri ni iVurevure” me baleta na vakasama eso). —

  

  Me vaka ga na kakana ni Lakosivia, e vukei keda na sakaramede meda nanuma kina na noda Dauveisereki, o Jisu Karisito.

• Vei ira eso, na sakaramede e sega ni dau vakayalo sara me vaka e dodonu me vakakina. Sa rawa mo raica ni kena veivosakitaki Na Lako Yani 12 ena vukea na lewe kece ni kalasi mera vakasaqara na ibalebale titobu e tiko ena sakaramede. Me vakataka, ni oti nodra talevalesu na lewe ni kalasi Na Lako Yani 12, sa rawa mo sureti ira mera wasea na cava beka era na kaya na Isireli ena gauna o ya ke dua na luvedra e tarogi ira se na cava na ibalebale ni Lakosivia kivei ira. Mera na qai veivosakitaka na lewe ni kalasi na cava era na kaya ke dua e taroga se cava na ibalebale ni sakaramede kivei ira, oka kina na veivakararamataki eso era sa rawata mai na Lakosivia. Sa rawa mo solia vei ira na lewe ni kalasi na gauna mera vakasamataka vakatitobu na cava e rawa ni ra cakava me ra na dau nanuma tiko na iVakabula ena veisiga. —

iKuri ni iVurevure

Na Lakosivia e vakavulica na veika e baleta na iVakabula.

iVakatakarakara	Kena iBalebale
iVakatakarakara Na lami (Na Lako Yani 12:3–5)	Kena iBalebale Jisu Karisito
iVakatakarakara Na dra e boroi ena katuba (Na Lako Yani 12:7)	Kena iBalebale Na dra ni Veisorovaki i Jisu Karisito, o koya sa vakabulai keda
iVakatakarakara Kania na lami (Na Lako Yani 12:8)	Kena iBalebale Meda taura na iVakabula me tiki ni noda bula
iVakatakarakara Na co gaga (Na Lako Yani 12:8)	Kena iBalebale Na rarawa gaga ni vesuki tu (ivalavala ca)

Vakatorocaketaki ni Noda Veivakavulici

Vakarorogo. “Na vakarorogo sa ivakaraitaki ni loloma. … Kerea na Tamada Vakalomalagi me vukei iko mo kila vinaka na cava era kaya tiko na nomu lewe ni kalasi. Ni ko sa wanonova matua na veitukutuku era cavuta kei na kena e sega ni cavuti, ena yaco mo na kila vinaka na ka e yaga vei ira, nodra kauwai, kei na veika era gadreva” (Veivakavulici ena iVakarau ni Turaga, 34).