laj Moises, Laj Aaron, ut laj Farahon

Xjalam-uuch laj Moises ut laj Aaron sa’ xneb’aal laj Farahon

28 marzo–3 abril

Exodo 7–13

“Chijultiko’q eere li kutan a’in, li kex’el wi’ chaq sa’ Egipto”

Jwal seeb’aqat chi k’utuk rik’in xwankil li Santil Musiq’ej wi ak xak’ul li Musiq’ej aajunes naq xatzol Exodo 7–13.

Tz’iib’a li nakak’oxla

reetalil li wotzok

Xkanab’ankileb’ chi wotzok

K’oxla wiib’ oxib’ li patz’om li tixk’eheb’ li komon chixseraq’inkil k’a’ru xe’xk’ul naq xe’xtzol Exodo 7–13 xjuneseb’ rib’ malaj sa’ xjunkab’al. Maare taapatz’, “K’a’ru xawil sa’ loq’laj hu li xkawresi laa paab’aal chirix li Kristo?” malaj “K’a’ru xawil sa’ loq’laj hu li xtenq’a laa junkab’al?”

reetalil li k’utuk

Xk’utb’al li tzolʼlebʼ

Exodo 7–13

Laa’o naqaye ma taaq’uno’q ta li qach’ool.

• Re xtenq’ankileb’ li komon chixtz’ilb’al rix ma yo’on ta wankeb’ chixq’axtesinkil xch’ool choq’ re li Dios, naru taapatz’ naq li junq komon taaril jun reheb’ li raqal a’in: Exodo 7:14–25; 8:5–15; 8:16–19; 8:20–32; 9:1–7; 9:8–12; 9:22–26; 10:12–15; 10:21–29; 12:29–33. Toja’ naq naru te’xtz’iib’a sa’ pizarron li jar aatin re xch’olob’ankil chan ru naq laj Farahon kixsume li lajeeb’ chi rahilal sa’ Egipto. (Maare taawaj xk’utb’al naq li Santil Hu chi jaltesinb’il ru xb’aan laj Jose Smith naxye naq laj Farahon kixkawob’resi xch’ool xjunes rib’.) K’a’ut naq laj Farahon kixsume chi jo’kan? K’a’ut naq ch’a’aj xq’axtesinkil qach’ool choq’ re li Dios? Chan ru naq li qaChoxahil Yuwa’ ut li Jesukristo nokohe’xtenq’a sa’ li majelal a’in?

• Naru taak’am sa’ tzoleb’aal li k’a’ru kaw li rix rochb’een li k’a’ru q’un li rix re naq taak’utb’esi k’a’ru naraj naxye li kawil ch’oolej ut li q’unil ch’oolej. Li komon naru te’xnumsi chirib’ileb’ rib’ li k’a’ru kaw ut li k’a’ru q’un naq yookeb’ chirab’inkil jun reheb’ li raqal sa’ Exodo 7–10 li naxch’olob’ chan ru wan lix ch’ool laj Farahon (maare li wan sa’ Exodo 9:22–35). K’a’ut naq wan xyaalal li aatin “kawujenaq” choq’ re lix ch’ool laj Farahon? K’a’ru naxye sa’ li raqal a’in chirix li q’unil ch’oolej? (Wi na’ajman, li komon naru te’xsik’ li na’leb’ sa’ li raqaleb’ a’in: 1 Nefi 2:16; Mosiah 3:19; Alma 24:7–8; 62:41; Eter 12:27.) Chan ru naq li Kolonel naxtenq’a li qach’ool chi q’uno’k? Li video “El cambio de corazón” (ChurchofJesusChrist.org) naru tixk’e xkomon chik li na’leb’.

• Re xtenq’ankileb’ li komon chixtz’ilb’al rix k’a’ut naq li Qaawa’ kixtaqla li lajeeb’ chi rahilal sa’ Egipto, naru taak’e li junq komon chirilb’al jun reheb’ li raqal a’in re naq te’xsik’ k’a’ru aj-e li rahilal: Exodo 3:20; 7:5, 17; 9:14–16; 10:1–2. Naru ajwi’ taab’oqeb’ li komon chixseraq’inkil chan ru xe’ok chixnawb’al naq “maajun wan sa’ ruchich’och’ kama’ [li qaChoxahil Yuwa’ ut li Jesukristo]” (Exodo 9:14).

Exodo 12

Li Paswa ut li loq’laj wa’ak neke’reetali li kole’k xb’aan li Jesukristo.

• Xninq’ehinkil li Paswa kixtenq’aheb’ laj Israel chixk’eeb’al reetal naq li Qaawa’ kixkoleb’ sa’ preexil. Re xtenq’ankileb’ li komon chixnawb’al k’a’ru naraj naxye li Paswa, naru taatz’iib’a wiib’eb’ li aatin sa’ li pizarron: Eetalil ut Xyaalalil, ut taak’e xjalam-uuch li Jesukristo sa’ xb’eeneb’. Li komon naru te’ril Exodo 12:1–13 re naq te’xtz’iib’a sa’ pizarron k’a’ru nareetali li qakolb’al xb’aan li Jesukristo sa’ li raqal a’an. Toja’ naq naru te’xtz’il rix chan ru naq li eetalil a’an naxk’utb’esi lix tojb’al rix li maak xb’aan li Jesukristo (wan li na’leb’ sa’ “Xkomon chik li k’anjeleb’aal”). Li video “La Pascua” (ChurchofJesusChrist.org) naru tixtenq’aheb’ li komon chixk’oxlankil li k’a’ru wan sa’ Exodo 12.

  people taking the sacrament

  Chanchan ajwi’ li Paswa, li loq’laj wa’ak nokoxtenq’a chixk’oxlankil laj Kolol qe, li Jesukristo.

• Wan naq li komon ink’a’ neke’okenk sa’ xwankil li loq’laj wa’ak chi tz’aqal. K’oxla chan ru naq li aatin sa’ Exodo 12 naru tixtenq’aheb’ li komon chixk’eeb’al reetal k’a’ru nak’utb’esiman sa’ li loq’laj wa’ak. Chirix naq ak xe’ril Exodo 12 junpaataq, naru taapatz’ reheb’ k’a’ru tixye raj jun laj Israel najter wi ta jun lix kok’al naxpatz’ k’a’ru naraj naxye li Paswa. Toja’ naq li komon naru te’aatinaq chirix li k’a’ru te’xye raj wi ta jun li ras riitz’in tixpatz’ k’a’ru naraj naxye li loq’laj wa’ak, maare a’anaq ajwi’ jun na’leb’ re li Paswa. Maare taawaj xpatz’b’al reheb’ li komon naq te’xk’oxla k’a’ru te’xb’aanu re naq te’xk’oxla li Kolonel wulaj wulaj. Maare li video “Recordarle siempre” (ChurchofJesusChrist.org) tixtenq’aheb’.

additional resources icon

Xkomon chik li k’anjeleb’aal

Li Paswa nareetali li Kolonel.

Eetalil	Xyaalalil
Eetalil Li karneer (Exodo 12:3–5)	Xyaalalil Li Jesukristo
Eetalil Li kik’ chiru li okeb’aal (Exodus 12:7)	Xyaalalil Li kik’ aj tojol-ix re li Jesukristo, li qaKolonel
Eetalil Xtiwb’al xtib’el li karneer (Exodus 12:8)	Xyaalalil Roksinkil li Kolonel sa’ qayu’am
Eetalil Li k’ahil ichaj (Exodus 12:8)	Xyaalalil Lix rahil li preexil (li maak)

Xkawresinkil qib’ jo’ aj k’utunel

Abʼin. “Li abʼink naxk’utb’esi li rahok. … Patzʼ re li qaChoxahil Yuwaʼ naq tatxtenqʼa chixtawbʼal ru li kʼaʼru nekeʼxye li komon saʼ li tzolebʼaal. Naq nakak’e reetaleb’ chi us, us ta ink’a’ neke’aatinak, naru taanaw k’a’ru na’ajman choq’ reheb’ ” (Li kʼutuk joʼ li Kolonel, 34).