Musa, Haruni, na Farao

Kielelezo cha Musa na Haruni katika mahakama ya Farao, na Robert T. Barrett

Machi 28–Aprili 3

Kutoka 7–13

“Kumbukeni Siku Hii, Mliyotoka Nchi ya Misri”

Uwezo wako wa kuongozwa na Roho katika kufundisha kwako utaongezwa zaidi pale unapokuwa na uzoefu wako wa kiroho wa kujifunza Kutoka 7–13.

Andika Misukumo Yako

ikoni ya kushiriki

Alika Kushiriki

Fikiria swali moja au mawili ambayo yatawatia moyo washiriki wa darasa kushiriki utambuzi na uzoefu waliokuwa nao walipojifunza Kutoka 7–13 binafsi na pamoja na familia zao. Kwa mfano, unaweza kuuliza, “Ulisoma nini wiki hii ambacho kiliimarisha imani yako katika Yesu Kristo?” au “Ulisoma nini ambacho kilikuwa baraka kwa familia yako?”

ikoni ya kufundisha

Fundisha Mafundisho

Kutoka 7–12

Tunaweza kuchagua kulainisha mioyo yetu.

• Kuwasaidia washiriki wa darasa kufikiria kuhusu utayari wa kutoa mioyo yao kwa Mungu, ungeweza kuwaomba kila mmoja wao kusoma vifungu vifuatavyo vya maandiko: Kutoka 7:14–25; 8:5–15; 8:16–19; 8:20–32; 9:1–7; 9:8–12; 9:22–26; 10:12–15; 10:21–29; 12:29–33. Kisha wangeweza kuandika ubaoni maneno au virai ambavyo vinaelezea jinsi Farao alivyojibu mapigo kumi yaliyotumwa na Mungu juu ya Wamisri. (Unaweza kutaka kutambua kwamba marejeo ya tafsiri ya Joseph Smith yanaonesha kwamba Farao ilishupaza moyo wake.) Kwa nini Farao aliweza kujibu jinsi alivyojibu? Kwa nini inakuwa mara kwa mara vigumu kuachia mioyo yetu na mapenzi yetu kwa Mungu? Jinsi gani Baba wa Mbinguni na Yesu Kristo wanatusaidia kushinda magumu haya?

• Kwa kuleta darasani kitu kigumu na kitu laini, ungeweza kuwasaidia washiriki wa darasa kuelewa inamaanisha nini kuwa na moyo mgumu au laini. Ungeweza kupitisha vitu hivyo viwili kuzunguka darasa, wakati mtu fulani anasoma moja ya maelezo ya moyo wa Farao yanayopatikana kwenye Kutoka 7–10 (kama vile Kutoka 9:22–35). Kwa nini “mgumu” ni maelezo mazuri ya moyo wa Farao? Aya hizi zinafundisha nini kuhusu kile inachomaanisha kuwa na moyo laini? (Kama inasaidia, washiriki wa darasa wangeweza kutafuta utambuzi katika moja au zaidi ya maandiko haya: 1 Nefi 2:16; Mosia 3:19; Alma 24:7–8; 62:41; Etheri 12:27.) Ni jinsi gani Mwokozi anatusaidia kulainisha mioyo yetu? Video “A Change of heart” (ChurchofJesusChrist.org) inaweza kuongeza kwenye uelewa wao.

• Kusaidia washiriki wa darasa kufikiria kuhusu kwa nini Bwana alituma mapigo juu ya Misri, ungeweza kumwomba kila mshiriki wa darasa kuchagua rejeleo moja kutoka kwenye orodha ifuatayo na kutafuta sababu zinazowezekana: Kutoka 3:20; 7:5, 17; 9:14–16; 10:1–2. Ungeweza pia kuwaomba washiriki wa darasa kushiriki jinsi ambavyo wamejifunza kwamba “hakuna yoyote kama [Baba wa Mbinguni na Yesu Kristo] duniani kote” (Kutoka 9:14).

Kutoka 12

Pasaka na sakramenti zinafundisha kuhusu ukombozi kupitia Yesu Kristo.

• Kuadhimisha sikukuu ya Pasaka kuliwasaidia watoto wa Israeli kukumbuka kwamba Bwana alikuwa amewakomboa kutoka utumwani. Kuwasaidia washiriki wa darasa kuelewa ishara ya Pasaka, ungeweza kutengeneza safu mbili ubaoni zenye vitabulisho Ishara na Maana Inayowezekana, pamoja na picha ya Jesu Kristo juu ya safu. Washiriki wa darasa wangeweza kujifunza Kutoka 12:1–13 na kuandika ubaoni chochote kutoka katika mistari hii ambacho kingeweza kuashiria ukombozi wetu kupitia Yesu Kristo. Wangeweza kisha kujadili nini ishara hizi zinatufundisha kuhusu Upatanisho wa Mwokozi (ona jedwali katika “Nyezo za Ziada” kwa ajili ya mawazo machache). Video “The Passover” (ChurchofJesusChrist.org) inaweza kuwasaidia kupata taswira ya kile wanachokisoma kwenye Kutoka 12.

  people taking the sacrament

  Kama mlo wa Pasaka, sakramenti inatusaidia sisi kumkumbuka Mkombozi wetu, Yesu Kristo.

• Kwa baadhi ya watu, sakramenti si mara zote ya kiroho kama ambavyo ingetakiwa kuwa. Fikiria jinsi ambavyo majadiliano ya Kutoka 12 yangeweza kuwasaidia washiriki wote wa darasa kupata maana ya kina zaidi katika Sakramenti. Kwa mfano, baada ya washiriki wa darasa kurejea upya Kutoka 12, unaweza kuwaomba kushiriki kile ambacho Waisraeli kutoka kipindi hicho wangeweza kusema kama mwana au binti angewauliza Pasaka ilimaanisha nini kwao. Washiriki wa darasa kisha wangeweza kujadili nini wangeweza kusema kama mtu fulani angeuliza sakramenti inamaanisha nini kwao, ikiwa ni pamoja na utambuzi wowote wanaopata kutoka kwenye Pasaka. Ungeweza kuwapa washiriki wa darasa muda wa kutafakari nini wanaweza kufanya kumkumbuka Mwokozi kila siku. Video “Always Remember Him” (ChurchofJesusChrist.org) ingeweza kuwasaidia.

additional resources icon

Nyenzo za Ziada

Pasaka inafundisha kuhusu Mwokozi.

Ishara	Maana Inayowezekana
Ishara Mwanakondoo (Kutoka 12:3–5)	Maana Inayowezekana Yesu Kristo
Ishara Damu kwenye vizingiti vya mlango (Kutoka 12:7).	Maana Inayowezekana Damu ya kupatanisha ya Yesu Kristo, anayetuokoa
Ishara Kumla Mwanakondoo (Kutoka 12:8)	Maana Inayowezekana Kumfanya Mwokozi sehemu ya maisha yetu
Ishara Mboga chungu (Kutoka 12:8)	Maana Inayowezekana Uchungu wa utumwa (dhambi)

Kuboresha Ufundishaji Wetu

Sikiliza. “Kusikiliza ni tendo la upendo. … Muombe Baba wa Mbinguni akusaidie kuelewa kile washiriki wa darasa lako wanachosema. Unapotoa usikivu wa umakini kwa jumbe zao zinazozungumzwa na zisizozungumzwa, utakuja kuelewa vyema mahitaji yao, mashaka yao, na matamanio yao” (Kufundisha katika Njia ya Mwokozi, 34).