Hiero nō São Paulo, Peresiria

2-8 nō Mē

Exodo 35–40 ; Levitiko 1 ; 16 ; 19

« Mo’a tō Iehova »

’A fāri’i ri’iri’i ai ’outou i te mau ’itera’a faufa’a mau i roto i tā ’outou tuatāpapara’a i te pāpa’ira’a mo’a, e nehenehe ’outou e ha’api’i ’e e fa’a’ite pāpū, ’ia fārerei ana’e ’outou i te mau pīahi i te sābati. E aha tā ’outou e nehenehe e rave nō te fa’aitoito i te mau pīahi ’ia nā reira ato’a ?

Pāpa’i i te mau mana’o e tae mai

’ītona fa’a’itera’a

Tītau i te mana’o

Tē fa’a’ohipa nei te mau pene i roto i te tai’ora’a nō teie hepetoma i te mau taipe nō te ha’api’i nō ni’a ia Iesu Mesia ’e tāna tusia tāra’ehara. E nehenehe ’outou e ha’amata i te piha nā roto i te anira’a i te mau pīahi ’ia pāpa’i ’aore rā, ’ia pāpa’i hōho’a i ni’a i te tāpura ’ere’ere i te hō’ē mea tā rātou i ’ite mai i roto i te Exodo 35–40 ’aore rā Levitiko 1 ; 16 ; 19 ’o tei ha’api’i ia rātou nō ni’a i te Fa’aora. E ani ia rātou ’ia paraparau mai e aha tā rātou i ’apo mai.

’ītona ha’api’ira’a

Ha’api’i i te ha’api’ira’a tumu

Exodo 35–40

Tē hina’aro nei te Fatu ’ia moa tātou mai iāna te huru.

• ’A tuatāpapa ai te mau pīahi i te Exodo 35–40 i teie hepetoma, ’ua feruri paha rātou ē, e mea nāhea te mau ’ohipa nō te sekene i tahito ra i te fa’afāriu i tō rātou mau mana’o i ni’a ia Iesu Mesia. Mai te mea ’o te reira iho ’ā, ’a fa’aitoito ia rātou ’ia fa’a’ite mai i tō rātou mau mana’o. E nehenehe te tapura i roto i te arata’ira’a nō teie hepetoma i roto Mai, pe’e mai—nō te ta’ata hō’ē ’e nō te ’utuāfare e tauturu i teie ’āparaura’a. E nehenehe ato’a ’outou e paraparau nō ni’a i teie mau taipe e tū’ati i te sekene ’o tē ha’api’i nei nō ni’a ’ia mo’a a’e atu. Nāhea Iesu Mesia i te tauturu ia tātou ’ia mo’a a’e atu ?

• Nō te mau ta’ata e rave rahi, e nehenehe te mana’o ’ia mo’a a’e atu, e riro ’ei ’ohipa tae’a-’ore-hia. Nāhea ’outou i te tauturu i te mau pīahi ’ia māramarama ē, te mo’ara’a e tuha’a ïa nō te fa’anahonahora’a a te Metua i te ao ra nō tatou ? E nehenehe ’outou e tai’o ’āmui i te fa’ahitira’a parau a te peresideni Henry B. Eyring i roto i « Te tahi atu mau rāve’a tauturu ». E aha te aura’a ’ia mo’a ? Nāhea tā tātou mau hiero nō te mau mahana hope’a nei ’e te ’ohipa tā tātou e rave nei i roto, i te tauturu ia tātou ’ia mo’a a’e atu ? (hi’o Te Parau Ha’api’ira’a ’e te mau Parau Fafau 84:19–24 ; 109:6–26 ; 128:15–18). I muri iho, e nehenehe ’outou e ani i te mau pīahi ’ia fa’a’ite mai nāhea teie mau mea i te tauturura’a ia rātou—’aore rā, te tahi atu mau ta’ata tā rātou i matau—’ia mo’a a’e atu.

• I roto i te mau tuha’a e rave rahi, ’ua tū’ati te sekene a te ’āti ’Īsera’ela i roto i te medebara, i tā tātou mau hiero nō te mau mahana hope’a nei. E nehenehe ’outou e ani i te mau pīahi ’ia tāpura mai i te mau mea tā rātou i ’apo mai nō ni’a i te sekene i roto i te Exodo 35–40 ’o tē fa’aha’amana’o nei ia rātou i te mau mea tā tātou i ’ite i roto i te hiero. Mai te mea e hina’aro rātou i te tauturu, e nehenehe ’outou e fa’atoro ia rātou i te mau ’īrava i roto i te Exodo 40 e tū’ati nō te hō’ē pāruru, te mau fata, te ’ahu mo’a, te mau horoira’a, ’e te mau fa’atāhinura’a. Nāhea te hiero i te tauturu ia tātou ’ia haere mai i te Mesia ra ? E aha tā tātou e nehenehe e rave nō te rōtahi i tō tātou taime i roto i te hiero i ni’a iāna ?

Levitiko 1:1–9 ; 16

Nā roto i te tāra’ehara a Iesu Mesia, e ti’a i tā tātou mau hara ’ia fa’a’orehia.

• Noa atu e mea huru ’ē ri’i nō tātou te parau nō te tusia ’ānimara i teie mahana, e rave rahi mau mea tā tātou e ’apo mai nā roto mai i teie ravera’a nō ni’a i te tusia tāra’ehara a Iesu Mesia. Nō te ha’amata i te hō’ē ’āparaura’a, e nehenehe ’outou e pia i te mau hōho’a o te Fa’aora i Getesemane ’e i ni’a i te satauro (hi’o Buka hōho’a ’evanelia, nos. 56, 57). E nehenehe te mau pīahi e fa’a’ite mai i te mau parau tā rātou e mana’o nei e tū’ati i ni’a i te tusia tāra’ehara a Iesu Mesia. I muri iho, e ani i te mau pīahi ’ia hi’o fa’ahou i te Levitiko 1:1–9 ’aore rā, te Levitiko 16, ’o tē fa’ata’a nei i te mau tusia animala, e ’ia ’ite mai i te mau parau ’o tā rātou e mana’o ato’a nei e tū’ati i ni’a i te tusia o te Fa’aora. Nāhea teie mau tusia i tahito ra i te tauturu ia tātou ’ia hāro’aro’a maita’i a’e i te tāra’ehara a Iesu Mesia ? E nehenehe te mau pīahi e hīmene i te hō’ē hīmene nō ni’a i te Fa’aora ’e ’ia fa’a’ite mai i tō rātou mana’o nō ni’a iāna.

  mau ta’ata i tahito ra e hōpoi nei i te mau ō nō te patu i te sekene

  ’Ua hōro’a te mau tamari’i o ’Īsera’ela i te mau ō nō te sekene ma te « ti’a i tōna ’ā’au » (Exodo 35:5). Fa’ahōho’ara’a nā Corbert Gauthier, © Lifeway Collection/licensed nō roto maigoodsalt.com

• E mea maita’i roa nō te mau pīahi e fa’aau i te mau tusia tā te Fatu i tītau i roto i te Faufa’a Tahito, i te mau tusia tāna e ani nei ia tātou i teie mahana. ’Ei hi’ora’a, e nehenehe rātou e tāpura i tā tātou huru ravera’a i te mau tusia nā te Fatu ’e tāna ’ohipa, mai te tāvinira’a i roto i te mau pi’ira’a, te ’aufaura’a i te mau ō ha’apaera’a mā’a, te ravera’a i te ’ohipa ’ā’amu ’utuāfare, ’aore rā, te aupurura’a i te tahi ’e te tahi. I muri iho e nehenehe ’outou e tai’o ’āmui i te Levitiko 1:1–9 ’e e ani i te mau pīahi ia ’imi i te mau tuha’a o te mau ō tei fa’ata’ahia i roto i teie mau ’īrava ’o tē nehenehe e tū’ati i te mau ō tā te Fatu e ani nei ia tātou ’ia hōro’a i teie mahana (hi’o 3 Nephi 9:19–20 ; Te Parau Ha’api’ira’a ’e te mau Parau Fafau 64:34). E aha tā tātou e nehenehe e ’apo mai i roto i te Mose 5:7 nō ni’a e nāhea e ti’a ai ia tātou ’ia hi’o i tā tātou mau tusia nō te ’ohipa a te Fatu ?

ītona nō te tahi atu mau rāve’a tauturu

Te tahi atu mau rāve’a tauturu

E nehenehe te Atua e fa’ariro ia tātou ’ei mea mo’a.

’Ua ha’api’i te peresideni Henry B. Eyring ē :

« E tae mai te ’oa’oa rahi a’e nā roto i tō tātou iho mo’ara’a rahi a’e. Tē ha’api’i nei te mau pāpa’ira’a mo’a ia tātou ē, ta’a ’ē noa atu te tahi atu mau mea, e nehenehe tātou e ha’amo’ahia ’aore rā e riro mai ’ei mea mo’a a’e, ’a fa’a’ohipa tātou i te fa’aro’o i te Mesia, ’ia fa’a’ite ana’e i tō tātou ha’apa’o, ’a tātarahapa ai, ’a fa’atusia ai nōna, ’a fāri’i ai i te mau ’ōro’a mo’a, ’e ’a ha’apa’o ai i te mau fafaura’a ’e ’ōna.

« Tē parau nei te hīmene ra ‘E te Fatu here [Te mau Hīmene, no. 65] i te hō’ē rāve’a nō te pure nō te fāri’i i te tauturu ’ia mo’a a’e atu. Tē parau nei te ta’ata pāpa’i ma te pa’ari ē, te mo’a tā tātou e ’imi nei, e hōro’a ïa nō ’ō mai i te hō’ē Atua here, tei hōro’ahia mai e rā ’ē te tau, i muri a’e i te mau mea ato’a tā tātou e nehenehe e rave » (« Te mo’a ’e te fa’anahora’a nō te ’oa’oa », Liahona, Novema 2019, 100–101, 103).

Ha’amaita’ira’a i tā tātou ha’api’ira’a

’A fa’a’ohipa i te pehe mo’a. E nehenehe te mau parau poro’i i roto i te mau hīmene e ha’apūai i te ha’api’ira’a tumu i roto i te mau pāpa’ira’a mo’a. ’Ei hi’ora’a, te hīmenera’a i te hō’ē hīmene mai te « E te Fatu here » ’aore rā, « Tē māere nei au » (Te mau Hīmene, no. 65, 111) e nehenehe te reira e ha’apūai i te tahi ’o te mau parau poro’i tei ha’api’ihia i roto i te Levitiko 16 ’e 19.