aure’are’a Davida ’e te pata

Davida ’e ’o Golia, nā Steve Nethercott

13–19 nō Tiunu

1 Samuela 8–10 ; 13 ; 15–18

« Nā Iehova ho’i teie nei tama’i e »

’A fa’aineine ai ’outou nō te ha’api’i, ’a ha’amana’o e mea pāpū ē, ’ua fāri’i te mau pīahi i te mau ’itera’a faufa’a nā roto i te tuatāpapara’a i te mau pāpa’ira’a mo’a i te fare. E aha tā ’outou e nehenehe e rave nō te patu i ni’a i te reira mau ’itera’a ?

Pāpa’i i te mau mana’o e tae mai

’ītona fa’a’itera’a

Tītau i te mana’o

Nō te fa’aitoito i te mau pīahi ’ia fa’a’ite mai i te mau mea tei ’apohia mai e rātou i teie hepetoma, ’a hōro’a ia rātou i te taime nō te feruri i te mau mana’o tei fāri’ihia e rātou nō ni’a i te 1 Samuel 8–10 ; 13 ; 15–18. I muri iho, ’a ani ia rātou ’ia fa’a’ite mai i te hō’ē ’īrava ’o tei fa’auru mai i te hō’ē mana’o.

ītona ha’api’ira’a

Ha’api’i i te ha’api’ira’a tumu

1 Samuela 9:15–17 ; 10:1–12 ; 16:1–13

E pi’i te Atua i te ta’ata nā roto i te tohura’a nō te tāvini i roto i tōna bāsileia.

• E nehenehe te mau ’ā’amu ’o te Atua i te mā’itira’a ia Saula ’e ’o Davida nā roto i te tohura’a ’e te heheura’a, e tauturu i te mau pīahi ’ia hāro’aro’a e mea nāhea te ta’ata i te mā’itihia nō te tāvini i roto i te ’Ēkālesia i teie mahana. E nehenehe ’outou e ani i te mau pīahi ’ia tai’o i te 1 Samuela 9:15–17 ; 10:1–12 ; ’e 16:1–13, ma te ’imi i te mau ’īrava ’o tē nehenehe e tauturu ia rātou ’ia hāro’aro’a i te aura’a « pi’ihia e te Atua » (Te Hīro’a Fa’aro’o 1:5). E aha te ta’a-’ē-ra’a, nō te mau ta’ata tei pi’ihia ’e nō te feiā e pāturu ia rātou, nō te ’ite ē, e mā’iti te Atua i te ta’ata nō te tāvini i roto i tāna ’Ēkālesia ?

  te fa’atāhinu nei Samuela ia Saula

  Fa’ahōho’ara’a nō Samuela i te fa’atāhinura’a ia Saula © Lifeway Collection/licensed nō roto goodsalt.com

1 Samuela 13:5–14 ; 15

« E mea maita’i a’e te ha’apa’o i te fa’atusiara’a »

• Nō te tāu’aparau nō te aha e mea faufa’a ’ia ha’apa’o i te Fatu, e nehenehe ’outou e ani i te piha ha’api’ira’a ’ia hi’o fa’ahou i te 1 Samuela 13:5–14 ’e ’ia ’imi i te mau huru ’e te mau peu i tae atu ai i te topara’a o Saula. E aha tā tātou e nehenehe e ha’api’i mai i roto i te mau hapehape o Saula ?

• Noa atu ē, ’aita tātou i ’ite i te mau tumu ato’a i fa’auehia ai ia Saula ’ia taparahi pohe pauroa i te mau ’āti Amaleti ’e tā rātou mau ’ānimara, tē vai ra te mau ha’api’ira’a e ’apo mai i roto i tāna pāhonora’a i taua fa’auera’a ra. Nō te tauturu i te mau pīahi ’ia ’imi i teie mau ha’api’ira’a, e nehenehe ’outou e pāpa’i i ni’a i te tāpura ’ere’ere E mea maita’i a’e te ha’apa’o i te … ’e e ani i te mau pīahi ’ia feruri i teie pereota ’a hi’o ’āmui fa’ahou ai ’outou i te mau ’ohipa i tupu i roto i te 1 Samuela 15. E aha te tahi mau mea maita’i tā tātou e rave i roto i tō tātou orara’a tā tātou e mā’iti i te tahi taime, ’eiaha rā te ha’apa’ora’a i te parau a te Atua ? Nō te aha e mea maita’i a’e te ha’apa’o i te parau a te Atua i te tahi atu mau ’ohipa maita’i ?

1 Samuela 16:6–7

« Are’a ’o Iehova, e hi’o ïa i te ’ā’au ».

• I muri a’e i te tai’ora’a i te 1 Samuela 16:6–7, e nehenehe te mau pīahi e fa’a’ite mai i tō rātou mau mana’o nō ni’a i te aura’a o te parau ē, « e hi’o i te ’ā’au » (’īrava 7). Nāhea e nehenehe ai ia tātou ’ia ha’api’i mai ’ia hi’o mai tā te Fatu e hi’o ra ? E nehenehe te mau pīahi e fa’a’ite mai i te mau ’itera’a tei ha’api’i ia rātou i te faufa’a i te hi’ora’a i te ’ā’au, ’eiaha rā i te rāpae’au.

1 Samuela 17

E nehenehe te Fatu e tauturu ia tātou ’ia upo’oti’a i ni’a i te mau huru tāmatara’a ato’a.

• I roto i te arata’i nō teie hepetoma i roto Mai, pe’e mai—nō te ta’ata hō’ē ’e te ’utuāfare, ’ua feruri paha te mau melo o te piha ha’api’ira’a i te mau parau a te mau ta’ata rau i roto i te 1 Samuela 17. E nehenehe e ani i te piha ha’api’ira’a ’ia fa’a’ite mai i te mau mea tā rātou i ’apo mai i roto i teie ’ohipara’a. E aha iho ā rā tā rātou i ’apo mai nō ni’a ia Davida ?

• Tē fārerei nei paha te tahi mau melo nō tā ’outou piha ha’api’ira’a i te mau tāmatara’a tei te fāito paha o te ri’ari’a tā Golia i rave i ni’a ia Saula ’e tāna nu’u tama’i. Nāhea ’outou ’ia fa’a’ohipa i te ’ā’amu ’o Davida ’e ’o Golia nō te tauturu i te mau pīahi ’ia fa’aruru i tō rātou mau tāmatara’a ma te fa’aro’o i te Fatu ? E nehenehe ’outou e pia i te hō’ē hōho’a nō Davida ’e nō Golia (mai terā i roto te arata’i nō teie hepetoma i roto Mai, pe’e mai—nō te ta’ata hō’ē ’e te ’utuāfare.). I muri iho e nehenehe te mau pīahi e tāpura i ni’a i te tāpura ’ere’ere i te tahi mau mea ’o tē nehenehe e riro ’ei « mau Golia » i tō tātou nei ’anotau. I muri iho e nehenehe rātou e ’imi i te mau ’īrava i roto i te 1 Samuela 17 ’o tē fa’a’ite nei i te fa’aro’o o Davida, tei fa’ati’a iāna ’ia taparahi ia Golia (hi’o ato’a i te fa’ahitira’a parau i roto i « Te tahi atu mau rāve’a tauturu »). E nehenehe paha te mau pīahi e fa’a’ite mai i te mau ’itera’a i reira tō rātou ’itera’a i te Fatu i te tauturura’a ’ia ’aro i tā rātou mau ’arora’a.

ītona te tahi atu mau rāve’a tauturu

Te tahi atu mau rāve’a tauturu

’Ia upo’oti’a i ni’a i tō tātou mau Golia.

’Ua ha’api’i te peresideni Gordon B. Hinckley :

« Tē vai nei te mau Golia ’ati a’e ia ’outou, e mau ta’ata rarahi ’e te mana’o ’ino nō te ha’amou ia ’outou. E ’ere teie i te mau ta’ata e iva ’āvae i te roa, e mau ta’ata rā ’e e mau fa’anahora’a ’o tē arai nei i te mau mea au, e mau mea ’ino rā, ’o tē nehenehe e tāmata, ’e ha’aparuparu ’e e ha’amou ia ’outou.

« Terā rā e’ita ’outou e mata’u mai te mea tei roto te pata o te parau mau i tō ’outou rima. Tei ia ’outou na te ’ōfa’i nō te vi’ivi’i ’ore ’e te tura ’e te para ti’a, nō te fa’a’ohipa i ni’a i teie mau ’enemi e hina’aro nei e haru ia ’outou. Nō ’outou, e nehenehe ’outou e tā’iri ia rātou i ’rōpū mau i nā mata’, e aura’a parau pa’i. E nehenehe ’outou e upo’oti’a i ni’a ia rātou nā roto i te fa’atītī’aifarora’a ia ’outou iho nō te ’ape ia rātou. E nehenehe ’outou e parau i te tā’āto’ara’a o rātou mai tā Davida i parau atu ia Golia, ’Tē haere mai ra ’oe iā’u nei, ma te ’o’e, ’e te mahae, ’e te pāruru : Tē haere atu nei rā vau ia ’oe ma te i’oa o te Atua sabaota га ’o Iehova, te Atua nō te nu’u a ’Īserā’ela ra, tei vahavahahia e ’oe ra’ [1 Samuela 17:45] » (« Overpowering the Goliaths in Our Lives [Te upo’oti’ara’a i te mau Golia i roto i tō tātou orara’a] », Ensign, Mē 1983, 46, 51).

Ha’amaita’ira’a i tā tātou ha’api’ira’a

E mea fa’auruhia tō ’oe pi’ira’a. ’Ei ’orometua ha’api’i, ’ua pi’ihia ’oe nā te Atua nō te ha’amaita’i i tāna mau tamari’i. Mai te mea e ora ’outou ma te ti’amā ’ia fāri’i i tāna tauturu, e hōro’a ’oia ia ’outou i te heheura’a tā ’outou e ’imi ra. (Hi’o Ha’api’ira’a mai tā te Fa’aora, 5.)