« ថ្ងៃទី ២០–២៦ ខែមិថុនា ។ សាំយូអែលទី២ ៥–៧; ១១–១២; ពង្សាវតាក្សត្រ ទី១ ៣; ៨; ១១ ៖ ‹ រាជ្យរបស់ឯងនឹងបានតាំងជាប់នៅចំពោះឯង ជាដរាបទៅ › ចូរមកតាមខ្ញុំ—សម្រាប់សាលាថ្ងៃអាទិត្យ ៖ ព្រះគម្ពីរសញ្ញាចាស់ ឆ្នាំ ២០២២ ( ឆ្នាំ២០២១ )

« ថ្ងៃទី ២០–២៦ ខែមិថុនា ។ សាំយូអែលទី២ ៥–៧; ១១–១២; ពង្សាវតាក្សត្រ ទី១ ៣; ៨; ១១ » ចូរមកតាមខ្ញុំ—សម្រាប់សាលាថ្ងៃអាទិត្យ ៖ ឆ្នាំ ២០២២

ស្តេចដាវីឌបានឡើងគ្រងរាជ្យ ដោយ ជែរី ម៉ាល ហាស្តុន

ថ្ងៃទី ២០–២៦ ខែ មិថុនា

សាំយូអែលទី២ ៥–៧; ១១–១២; ពង្សាវតាក្សត្រ ទី១ ៣; ៨; ១១

« រាជ្យរបស់ឯងនឹងបានតាំងជាប់នៅចំពោះឯង ជាដរាបទៅ »

នៅពេលដែលបងប្អូនសិក្សាព្រះគម្ពីរ សូមស្វែងរកប្រកបដោយការអធិស្ឋានដើម្បីដឹងថាគោលការណ៍មួយណានឹងមានអត្ថន័យបំផុតចំពោះសមាជិកថ្នាក់របស់បងប្អូនដើម្បីឲ្យបងប្អូនអាចផ្តោតទៅ លើសេចក្តីត្រូវការរបស់ពួកគេ ។

កត់ត្រាចំណាប់អារម្មណ៍របស់បងប្អូន

អញ្ជើញឲ្យចែកចាយ

ដើម្បីរកឲ្យឃើញនូវអ្វីដែលសមាជិកថ្នាក់បានរកឃើញថាមានអត្ថន័យនៅក្នុងការសិក្សាព្រះគម្ពីររបស់ពួកគេ បងប្អូនអាចសូមឲ្យពួកគេសរសេរសេចក្តីយោងសម្រាប់បទគម្ពីរមួយដែលបានបំផុសគំនិតដល់ពួកគេនៅលើក្រដាសតូចៗហើយបន្ទាប់មកដាក់ក្រដាសតូចៗនោះទៅក្នុងប្រអប់មួយ ។ បន្ទាប់មក សមាជិកថ្នាក់អាចជ្រើសរើសយកក្រដាសទាំងនោះមកពីប្រអប់ ហើយអាន និងពិភាក្សាបទគម្ពីរទាំងនោះ ។

បង្រៀនគោលលទ្ធិ

សាំយូអែលទី២ ៦:១–៨

យើងត្រូវតែធ្វើកិច្ចការរបស់ព្រះទៅតាមរបៀបរបស់ទ្រង់ ។

បងប្អូនអាចសូមឲ្យសិស្សនៅក្នុងថ្នាក់អាន សាំយូអែលទី២ ៦:១–៨ ហើយពិចារណាថាអ្វីដែលអាចជាការព្រមានមកពីក្នុងដំណើររឿងនេះអាចមានចំពោះយើងនៅសព្វថ្ងៃនេះ ។ សេចក្តីថ្លែងការណ៍ដោយ ព្រិកហាំ យ៉ង់ នៅក្នុង « ធនធានបន្ថែមទាំងឡាយ » អាចជួយបាន ។ តើមានវិធីណាខ្លះដែលយើងអាចព្យាយាមធ្វើកិច្ចការរបស់ព្រះតាមរបៀបផ្សេងក្រៅពីរបៀបដែលទ្រង់បានដឹកនាំដែរ ឬ ទេ ? ហេតុអ្វីបានជាការណ៍នេះមានគ្រោះថ្នាក់ ? ប្រហែលជាសមាជិកថ្នាក់អាចចែកចាយនូវបទពិសោធន៍នានាដែលពួកគេបានរៀនទុកចិត្តទៅលើការដឹកនាំដែលព្រះអម្ចាស់ប្រទានឲ្យសម្រាប់ការសម្រេចបាននូវកិច្ចការរបស់ទ្រង់ ។

សាំយូអែលទី ២ ១១

យើងគួរគប្បីតែងតែមានភាពប្រុងប្រយ័ត្នជានិច្ចប្រឆាំងនឹងអំពើបាប ។

ការរៀនមកពីជម្រើសដ៏គួរឲ្យខ្លោចផ្សាររបស់ ដាវីឌ ដែលបានកត់ត្រានៅក្នុង សាំយូអែលទី២ ១១ អាចជួយយើងជៀសវាងកំហុសស្រដៀងគ្នានោះបាន ។ ប្រហែលជាបងប្អូនអាចសូមឲ្យសមាជិកនៅក្នុងថ្នាក់អានជាមួយគ្នា សាំយូអែលទី២ ១១:១–១៧ ហើយកត់សម្គាល់មើលនូវជម្រើសទាំងឡាយដែល ដាវីឌ បានធ្វើដែលបាននាំឲ្យគាត់មានបាប ។ តើ ដាវីឌ អាចធ្វើអ្វីផ្សេងពីកំហុសទាំងនោះដែរឬទេ ? បងប្អូនក៏អាចសូមឲ្យសមាជិកថ្នាក់សរសេរប្រយោគមួយដែលអាចជួយបំផុសគំនិតនរណាម្នាក់ឲ្យជៀសវាងអំពើបាប ដោយផ្អែកទៅលើអ្វីដែលពួកគេបានរៀនមកពី សាំយូអែល ទី ២ ១១ ។ សូមអញ្ជើញសមាជិកថ្នាក់ពីរបីនាក់ឲ្យចែកចាយគំនិតរបស់ពួកគេ ។
បងប្អូនអាចប្រើ សាំយូអែល ទី ២ ១១ ដើម្បីពិភាក្សាអំពីគ្រោះថ្នាក់នៃការណ៍អាសគ្រាម និងអំពើបាបខាងផ្លូវភេទផ្សេងៗទៀត ។ ដើម្បីធ្វើបែបនេះ ថ្នាក់អាចរំឭករួមគ្នានូវចំណែកនៃ សាររបស់អែលឌើរ អិល វិតនី ក្លេតុន « Blessed Are All the Pure in Heart » ( Liahona, ខែវិច្ឆិកា ឆ្នាំ ២០០៧ , ៥១–៥៣ ) . តើការប្រឹក្សាអ្វីដែល អែលឌើរ ក្លេតុន ផ្តល់ឲ្យអំពីគ្រោះថ្នាក់នៃការណ៍អាសគ្រាម ? បងប្អូនក៏អាចមើលវីដេអូ « To Look Upon » (នៅលើគេហទំព័រChurchofJesusChrist.orgបានដែរ ) ។ តើព្រះអង្គសង្គ្រោះអាចជួយយើងឲ្យយកឈ្នះលើការល្បួង ឬអាកប្បកិរិយាទាំងនេះដោយរបៀបណា ?

2:3

ប្រហែលជាសមាជិកថ្នាក់អាចចែកចាយនូវគំនិតទាំងឡាយដែលពួកគេបានរកឃើញនៅក្នុង កិច្ចខិតខំប្រឹងប្រែងរបស់ពួកគេដើម្បីការពារក្រុមគ្រួសាររបស់ខ្លួនពីការណ៍អាសគ្រាម ឬ យកឈ្នះលើផលប៉ះពាល់នៃការណ៍អាសគ្រាម ។ សារលិខិតរបស់បងស្រី លីនដា អេស រីវស៍ នៅក្នុង «Protection from Pornography—a Christ-Focused Home» អាចជួយបាន( Liahona, ខែ ឧសភា ឆ្នាំ ២០១៤ ១៥–១៧; សូមមើលផងដែរ « ធនធានបន្ថែមទាំងឡាយ »ឬ » ) ។

ព្រះវិហារបរិសុទ្ធ បារាន់ហ្គីលឡា កូឡុំប៊ី — ព្រះវិហារបរិសុទ្ធគឺជាដំណាក់របស់ព្រះអម្ចាស់ ។

ពង្សាវតាក្សត្រ ទី ១ ៨:២២–៦១

ព្រះវិហារនាំមកនូវពរជ័យ ។

ពង្សាវតាក្សត្រទី១ ៨ ពិពណ៌នាអំពីពរជ័យដែល សាឡូម៉ូន បានស្វែងរកសម្រាប់ប្រជាជនរបស់ទ្រង់នៅពេលដែលព្រះវិហារបរិសុទ្ធបានសាងសង់រួច ។ បងប្អូនអាចបែងចែក ខគម្ពីរ ២២–៦១ ក្នុងចំណោមសមាជិកថ្នាក់ហើយសុំឲ្យពួកគេចែកចាយនូវអ្វីដែលពួកគេរកឃើញនៅក្នុងខគម្ពីរទាំងនោះដែលបំផុសគំនិតពួកគេឲ្យថ្វាយបង្គំនៅក្នុងព្រះវិហារបរិសុទ្ធរបស់ពួកគេ ។ សមាជិកថ្នាក់អាចចែកចាយថាតើការថ្វាយបង្គំនៅក្នុងព្រះរាជដំណាក់របស់ព្រះអម្ចាស់បានប្រទានពរដល់ជីវិតរបស់ពួកគេយ៉ាងដូចម្តេច ។

ពង្សាវតារក្សត្រ ទី១ ៨:៦១; ១១:១–១១

« ព្រះទ័យទ្រង់មិនបានស្មោះត្រង់ នៅចំពោះព្រះយេហូវ៉ា »

តើការ « សូមឲ្យ[ ចិត្ត ]យើងរាល់គ្នា … បានគ្រប់លក្ខណ៍ចំពោះព្រះយេហូវ៉ា » មានន័យយ៉ាងដូចម្តេច ? ( ពង្សាវតារក្សត្រ ទី១ ៨:៦១ ) ។ តើវាខុសគ្នាពីសកម្មភាពរបស់យើងដែលល្អឥតខ្ចោះឬទេ ? តើវាខុសគ្នាដោយរបៀបណា ? នៅពេលដែលសមាជិកថ្នាក់ពិចារណាសំណួរទាំងនេះ ពួកគេអាចអាន ពង្សាវតារក្សត្រ ទី១ ១១:១–១១ ហើយសម្គាល់មើលអ្វីដែលព្រះអម្ចាស់មានបន្ទូលអំពីចិត្តរបស់សាឡូម៉ូន ។ តើយើងអាចជៀសវាងនូវកំហុសដែលគាត់បានធ្វើដោយរបៀបណា ?

ធនធានបន្ថែមទាំងឡាយ

ការចាប់ទប់ទូក ។

ប្រធាន ព្រិកហាំ យ៉ង់ បានបង្រៀនថា ៖ « សូមទុកនគរនេះតាមដំណើរវាចុះ ព្រះអម្ចាស់នឹងទប់ទូកធំនោះ ហើយប្រសិនបើវារំកិលមែន ហើយបើវាត្រូវការលំនឹង បើពេលខ្លះផ្លូវនោះវៀចវេរបន្ដិច ហើយអ្វីៗទាំងអស់ធ្វើឲ្យវាខូចខាតសូមប្រយ័ត្នពីរបៀបដែលអ្នកនឹងឈោងដៃរបស់អ្នកទៅចាប់ទប់វា សូមយើងកុំរហ័សធ្វើអ្វីដែលមិនមែនជាការទទួលខុសត្រូវរបស់យើងអី សូមទុកឲ្យវាដំណើរការដោយខ្លួនឯង វាគឺជាកិច្ចការរបស់ព្រះអម្ចាស់ » ( Discourses of Brigham Youngបានជ្រើសរើសដោយ ចន អេ. វីឌសូ [ ឆ្នាំ ១៩៥៤ ] ទំព័រ ៦៦ ) ។

ការការពារក្រុមគ្រួសារពីការណ៍អាសគ្រាម ។

បងស្រី លីនដា អេស រីវស៍ បានបង្រៀនថា ៖ « តើយើងការពារកូនៗនិងយុវជនរបស់យើងដោយរបៀបណា ? តម្រងគឺជាឧបករណ៍ដ៏មានប្រយោជន៍ ប៉ុន្តែតម្រងដ៏អស្ចារ្យបំផុតនៅក្នុងពិភពលោក ដែលជារបៀបតែមួយគត់ដែលនឹងមានដំណើរការបំផុតនោះ គឺជាតម្រងខាងក្នុងផ្ទាល់ខ្លួន ដែលកើតឡើងមកពីទីបន្ទាល់ដ៏ជ្រាលជ្រៅនិងខ្ជាប់ខ្ជួននៃសេចក្តីស្រឡាញ់របស់ព្រះវបិតាសួគ៌និងការបូជាដ៏ធួនរបស់ព្រះអង្គសង្គ្រោះរបស់យើងសម្រាប់យើងម្នាក់ៗ » ( « Protection from Pornography—a Christ-Focused Home » Liahona ខែឧសភា ឆ្នាំ២០១៤ ទំព័រ ១៦; សូមមើលផងដែរ Joy D. Jones, « Addressing Pornography: Protect, Respond, and Heal » Ensign ខែតុលា ឆ្នាំ២០១៩ ទំព័រ ២២–២៧ ) ។

ការកែលម្អការបង្រៀនរបស់យើង

សូមប្រាកដថា បងប្អូនកំពុងបង្រៀនគោលលទ្ធិពិត ។ « សូមសួរខ្លួនឯងជាបន្ដបន្ទាប់ថា ‹ តើអ្វីដែលខ្ញុំកំពុងបង្រៀន នឹងជួយសមាជិកនៅក្នុងថ្នាក់របស់ខ្ញុំឲ្យស្ថាបនាសេចក្ដីជំនឿទៅលើព្រះគ្រីស្ទ ប្រែចិត្ត និងរក្សាសេចក្ដីសញ្ញាជាមួយព្រះ ហើយទទួលបានព្រះវិញ្ញាណបរិសុទ្ធដោយរបៀបណា ? › »( ការបង្រៀនតាមរបៀបរបស់ព្រះអង្គសង្គ្រោះទំព័រ ២០ ) ។