Bon Iehova te Tia Kawakinai Ngkai Kanga te Tiibu Ngai, iroun Yongsung Kim, havenlight.com

Aokati 8–14

Taian Areru 1–2; 8; 19–33; 40; 46

“Bon Iehova te Tia Kawakinai Ngkai Kanga te Tiibu Ngai”

Bairei kawai aika a na kona iai kain te kiraati n tibwaua te atatai n tamnei ake a karekei ngke a wareka Taian Areru.

Korei Am Namakin

Kaunga te Tibwatibwa

Kaoiia kain te kiraati bwa a na tibwaua te bwai ae a kunea inanon Taian Areru e kona ni bebete n aron tabekan titiraki n aron aikai: Tera te bwai ae reireiniko te Tamnei ngkai ko wareka Taian Areru n te wiiki aei? Tera taian areru ae na buokiko n namakina te kaniaki riki nakon te Uea?

Reirei te Reirei

Taian Areru 1; 23; 26–28; 46

E reireiniira Taian Areru bwa ti na onimakina te Uea.

• Te kamataata n te wiiki aei n Nakomai, Iriirai—Ibukiia Aomata n Tatabemaniia Nako ao Utu wareware aika katauaki Taian Areru 1; 23; 26–28; 46 ao n ukoukori bwaai aikai:

  • Kakao n onimakina te Uea

  • Taian taeka aika a kabwarabwara te Uea

  • Taian taeka aika a kabwarabwara te rau, te korakora, ao kakabwaia riki tabeua aika E katauraoi

  • Taian taeka aika e kabwarabwaraia naake a Onimakinna

  Ko na bae ni koroi taian kibu n taeka aikai iaon te burakibooti ao kaoiia kain te kiraati bwa a na korea, irarikin kibu n taeka ni kabane, bwaai aika a kona ni kunei inanon Taian Areru 1; 23; 26–28; ke 46. Ngkana a kainnanoa te ibuobuoki, ko kona n tuangiia kiibu aikai: Taian Areru 1:1–4; 23:1–6; 26:1, 6–8, 12; 27:1, 3, 8, 14; 28:1, 7; 46:1–3, 10. A kona kain te kiraati n tibwauai aia namakin iroun te Tia Kamaiu ngkai a wareki areru aikai.

• Bukina bwa ngkai Taian Areru aikai bon ti tebo ma anene ibukiia kain Iteraera, ko na bae ni kaoiia kain te kiraati bwa a na anga anene aika a kauringiia n taian areru ake a wareki n te wiiki aei. A kona n nakon te intekiti n “Koroboki aika Tabu” ni banen te boki n anene ibukin iango (taraa naba karinanniia inanon “Bwaai ni Ibuobuoki riki Tabeua”). A kona kain te kiraati n anenei tabeua anene aikai ao ni kinai kibunikoora n taian anene ao n taian areru. Tera rongorongo ibukin te rau ao te onimaki iroun Iesu Kristo aika ti kunei?

Taian Areru 2; 22; 31:5

Taian Areru e kairi ara iango nakon maiun ao ana mwakuri Iesu Kristo.

• Warekan Taian Areru—riki ake a taekina maiun te Tia Kamaiu—e kona n riki bwa te kawai ae korakora ni kakorakora te onimaki iroun Iesu Kristo. Ko kona n tibwaua te kiraati nakon uoua ke e raka riki ao anganiia kurubu n tatabeua teuana mai ibuakon kiibu aika a katoatoaaki aikai: Taian Areru 2:1–3 ao Mwakuri 4:24–28; Taian Areru 2:7 ao Mwakuri 13:30–33; Taian Areru 22:1 ao Mataio 27:45–46; Taian Areru 22:7–8 ao Mataio 27:39–43; Taian Areru 22:16 ao Ruka 23:32–33; Taian Areru 22:18 ao Mataio 27:35; Taian Areru 31:5 ao Ruka 23:46. Titirakiniia kurubu n tatabeua bwa a kanga taetae ni burabeti inanon Taian Areru aikai ni koro bukiia ni maiun te Tia Kamaiu ao maroroakinna bwa a kanga koroboki aika tabu aikai ni kakorakora aia onimaki iroun te Tia Kamaiu.

  Ko kona ni koroi kibuntaeka man koroboki aika tabu iaon te burakibooti ao kaoiia kain te kiraati bwa a na kabotaua te kibuntaeka man Taian Areru ma te bwai ae riki n te Nu Tetemanti.

  Ko kona naba ni kaoiia kain te kiraati bwa a na tibwauai kibuntaeka aika kaineti ma te Tia Kamaiu aika a kunei n aia kamatebwai n Taian Areru (n aron Taian Areru 34:20; 41:9; taraa naba Ruka 24:44).

  Imwiin aia marooro kain te kiraati iaon koroboki aika tabu aikai, ana maroroakinna bwa bukin tera taian areru aikai a na uaana nakoia Iutaia aika iai ataakin te Tia Kamaiu irouia. Bukin tera a uaana nakoira?

Taian Areru 23

“Te Uea bon au tia kawakin tiibu.”

• Ni buokiia kain te kiraati bwa a na maroroakin iango ao kanikina inanon Taian Areru 23, iangoia ni kaoti tamnei aika a kaineti nakon iango inanon taian areru, n aron aikai Nakomai, Iriirai—Ibukiia Aomata n Tatabemaniia ao Utu. Ko kona n titirakiniia kain te kiraati bwa a na katebenakoi taeka ke kibuntaeka aika uaana inanon taian areru ao maroroakina te bwai ae a tei ibukina. Ibukin te katooto, tera ae uoti kibuntaeka n aron aikai “e kaweneai n tawana n uteute” ke “raan aika e rau te aba iai” bwa ti na iangoi? Tera ae te “kai” ao “te oko” ni karaunano n tei ibukina? Tera ae nanonaki n ae ara “mwangko” e taonako? Tera ae a reireiniira kanikina aikai ibukin Iesu Kristo? Ko kona ni bubuti bwa a na manga taekinna kain te kiraati te areru, n onoi tabeua kanikina ma nanoia aika a maroroakinna kain te kiraati.

Bwaai n Ibuobuoki Riki Tabeua

Boki n Anene aika kaineti nakon Taian Areru.

• Taian Areru 8:3–9; 9:1–2. “How Great Thou Art” (Anene n Taromauri, nambwa 86)

• Taian Areru 23. “The Lord Is My Shepherd,” “The Lord My Pasture Will Prepare” (Anene Taromauri, nambwa 108, 109)

• Taian Areru 23:6; 150. “Praise to the Lord, the Almighty” (Anene n Taromauri, nambwa 72)

• Taian Areru 26:8. “We Love Thy House, O God” (Anene n Taromauri, nambwa 247)

• Taian Areru 27:1. “The Lord Is My Light” (Anene Taromauri, nambwa 89)

• Taian Areru 33:1–6; 95:1–6. “For the Beauty of the Earth” (Anene, nambwa 92)

• Taian Areru 37:3–9. “Be Still, My Soul” (Anene n taromauri, nambwa 124)

• Taian Areru 148. “All Creatures of Our God and King” (Anene n taromauri, nambwa. 62)

Kanakoraoan Ara Anga reirei

Kabongana te katangitang. “Anenen taromauri a kaoa Tamnein te Uea, a karekea te namakin ni karinerine, e katiteuanaira bwa membwa, ao ni katauraoi kawai ibukira n anga ara nebo nakon te Uea. … A uotiira anene n taromauri nakon te rairannano ao mwakuri aika raraoi, ni katea te koaua ao te onimaki, ni karaunano nakon ae kua, ni kakukureia ae tang, ao ni kaunga te teimatoa ni uaa te toki.” (Anene n taromauri,ix).