“Aokati 8–14. Taian Areru 1–2; 8; 19–33; 40; 46: ‘Bon Iehova te Tia Kawakinai Ngkai Kaanga te Tiibu Ngai,’” Nakomai, Iriirai—Ibukiia Aomata n Tatabemaniia ao Utu: Te O Tetemanti 2022 (2021)
“Aokati 8–14. Taian Areru 1–2; 8; 19–33; 40; 46,” Nakomai, Iriirai—Ibukiia Aomata n Tatabemaniia ao Utu: 2022
Bon Iehova te Tia Kawakinai Ngkai Kaanga te Tiibu Ngai, iroun Yongsung Kim, havenlight.com
Aokati 8–14
Taian Areru 1–2; 8; 19–33; 40; 46
“Bon Iehova te Tia Kawakinai Ngkai Kaanga te Tiibu Ngai”
Tai namakina te tianaki nakon rinerine man Taian Areru ke reirei aika katauaki n te kamataata aei. Kariaia te Tamnei bwa e na kairiko nakon koaua aika ana buokiko n namakina riki te kaan nakon te Uea.
Korei Am Namakin
Tiaki ataia raoi bwa antai ae korea Taian Areru. Tabeman a bukina te Uea Tawita, ma angiia, taan kororongorongo a tiku n tuai ataia. E ngae n anne imwiin warekan Taian Areru, ti kona n namakinna ae kanga ti ataa nanon te tia korea te Areru, e ngae ngke ti aki atai araia. Ti ataia bwa Taian Areru bon mwakoron iteran te nebonebo ae kakawaki irouia kaain Iteraera, ao ti ataia bwa e taekina n tainako te Uea. Inanon Taian Areru, ti karekea te bwai are e kamatatai ao ni kaota raoi tamneia ana aomata te Atua n taai ake ngkoa. Ti noria bwa a kanga aia namakin aomata n taai ake rimoa iroun te Atua, te bwai ae a raraomaeakinna, ao a kanga ni karekea te rau. Ngkai taan onimaki n te bong aei, ni kabuta te aonaaba, ti teimatoa ni kabonganai taeka aikai n ara nebonebo iroun te Atua. Taan korei Taian Areru a taraa n ae iai aia kamaama nakon tamneira ao n taraa n ae a tia ni kunea te kawai ni kaotia bwa e kanga ara namakin iroun te Atua, n te bwai ae ti raraoma iai, ao ti kanga ni karekea te rau.
Ni kakimototoan rongorongon te boki ni Karikani Bwaai, taraa “Taian Areru” inanon te Kairi nakon Koroboki aika Tabu.
Iango ibukin te Kamatebwai i bon Iroum ni Koroboki aika Tabu
Taian Areru 1; 23; 26–28; 46
Taian Areru e reireiniira bwa ti na onimakina te Uea.
Ko na bae ni kunea ngkana ko wareka Taian Areru aroia taan ni koroboki ni kaota te maaku, te nanokawaki, ke te ingainga n nano. Naano aikanne bon bwaai aika e tataneiai te aba iai, riki ibukiia aomatan te onimaki. Ma tera ae kaungaa nanoia Taian Areru bon katokana ae a anga, n raonaki ma bwaninin onimakinan te Uea. Iangoi rongorongo aika kaunganano aikai ngkana ko wareka Taian Areru 1; 23; 26–28; 46. Tarai bwaai aikai, ao korea te bwaai ae ko kunea:
-
Kakao nakon onimakinan te Uea:
-
Taeka aika a kabwarabwara te Uea:
-
Taeka aika a kabwarabwara te rau, te korakora, ao kakabwaia riki tabeua ake E katauraoi:
-
Taeka aika a kabwarabwaraia naake a Onimakinna:
Taian Areru a kairi ara iango nakon maiun ao ana mwakuri Iesu Kristo.
Tabeua man Taian Areru a kairiia nakon maiun Iesu Kristo ae mamate. Kiritian n te Nu Tetemant a noori reitaki naba aikai—te katooto, a kunea inanon Taian Areru 2 taekan kataakin Iesu imatan te Uea Erote ao Bonto Birato (taraa Acts 4:24–30). Iangoa warekan Taian Areru 2 ao 22 n raonaki ma Mataio 27:35–46; Ruka 23:34–35; ao Ioane 19:23–24. Tarai reitaki imarenan taeka inanon taian areru aikai ao maiun te Tia Kamaiu, ao waaki nako n tarai reitaki ae aekan aikanne ngkana ko kamatebwaia ana boki Taian Areru ni kabuta te wiiki are imwiina.
Iangoia bwa ngkoe te Iuta n ana tai Iesu ake a taneiai ma Taian Areru ao noori reitaki ma maiun te Tia Kamaiu. E na kanga te taneiai aei n tia n riki bwa te kakabwaia nakoim?
Taraa naba Taian Areru 31:5; 34:20; 41:9; Ruka 24:44; Ebera 2:9–12.
“A buta aonaba n ana atataiaomata te Uea.”
Warekan Taian Areru 8; 19; ao 33 e na kaungako bwa ko na iangoi ana karikibwai te Uea aika mwaiti. Mutiakin am iango ao am namakin ngkana ko karaoia. E kanga ana karikibwai te Uea ni “katanoata mimitongin te Atua” nakoim? (Taian Areru 19:1).
E mwaka ana taeka te Atua, “e kakimwareireia te nano.”
Inanon Taian Areru, taeka n aron te kakoaua, te boua ae karaki, te tua, ao motikitaeka a kona n nanonaki bwa ana taeka te Uea. Urinnga te bwai anne ngkana ko wareki Taian Areru 19:7–11. Tera ae e kaotia nakoim kibuntaeka aikai ibukin ana taeka te Uea? Tera ae reireiniko Taian Areru 29 ibukin Bwanaana? N am taneiai, e kanga ana taeka ke bwanaan te Uea ni botau ma kabwarabwara aikai?
Ti riai n nakoraoi ao n itiraki n tamneira ngkana ti na reitaki ma te Uea.
Te rin n ana tabo te Uea e kainnanoa te itiaki.
Bukina bwa te tembora i Ierutarem e kateaki iaon te tabuki, te kibuntaeka “ana maunga Iehova” (Taian Areru 24:3) e kona n nanonaki bwa te tembora ke te nako matan te Atua. Tera ae te bwai ae karaka otam inanon Taian Areru 24? Tera ae nanonaki nakoim ni karekei “baina aika aki bareka, ao iai nanona ae itiaki”? (Taian Areru 24:4).
Tera ae a reireiniko n Taian Areru 26 ao 27 ibukin maneaban te Uea?
Taraa naba Taian Areru 15; David A. Bednar, “Clean Hands and a Pure Heart,” Liahona, Nobembwa. 2007, 80–83.
Iango ibukin Kamatebwai ni Koroboki aika Tabu n te Utu ao te Bootaki n te Tairiki
-
Taian Areru 22.Ngkai temanna kaain te utu e wareka te areru aei, ake tabeman a kona n tarai kabotau inanon Mataio 27:35–46. A kona n tibwaua aia namakin ibukin Iesu Kristo ao Ana karea ibukira.
-
Taian Areru 23.Taian Areru 23 bon te iango ae tamaroa ibukin anene tabeua, n aron “Bon Iehova te Tia Kawakinai Ngkai Kaanga te Tiibu Ngai” ao “The Lord My Pasture Will Prepare” (Boki n Anene, nambwa. 108, 109). Tao ana kona am utu n anenea teuana mai ibuakon anene aikai ao kinai taeka inanon te areru aika ana kaunga mwanewen te kuna. Ke a na kukurei ni korotamneia te bwai ae a kunea inanon te areru ke te anene ao n tuangiia kaain te utu bwa ana ketina te kibu ke mwanewen te kuna are e kaineti ma taian tamnei. E kanga te Uea n riki bwa kanga te tia kawakin tiibu nakoira?
-
Taian Areru 24:3–5.Ni katuruturua kakawakin baai aika aki bareka ao te nano ae itiaki, ko kona ni wareka Taian Areru 24:3–5 ngkai a kaitiaki baia kaain te utu. Tera ae a tei ibukin baai inanon te areru aei? Tera ae na kona ni kanikinaea te nano? Tera ae ti kona ni karaoia ni kaitiaki baira n te tamnei ao ni kaitiaki nanora?
-
Taian Areru 30:5, 11.Taian Areru 30:5 iai inanona te berita bwa “tao e tang te aba ni kangaina, ma e kakatonga te aba n te ingabong.” E kanga te Uea ni bita nanokawakira nakon te kimwareirei? Tabeman kaain te utu ana kukurei ni katea kain te bwai ae kabwarabwaraaki n te kibu 11 .
-
Taian Areru 33.Tiaki mwaitin te tai ae kabonganaki iai te taeka ni kabane n te areru aei. Tera ae ti reiakinna ibukin te Uea man kaokiokan kabonganakin te taeka aei, riki inanon te kiibu 13–15?
-
Taian Areru 46:10.Kam na bae ni botaki ni karaoa te bwai ae e na kainnanoia kaain te utu bwa ana “kainabaabu.” E kanga te kainabaabu ni buokira bwa ti na ataa te Atua? Tera taai aika ti na kainabaabu ao ni kona ni kina iai te Atua?
Ibukin iango aika a mwaiti riki ibukn reireinakiia ataei, taraa te kamataata n te wiiki aei n Nakomai, Iriirai—Ibukin te Moanrinan.
Te anene ae katauaki: “Bon Iehova te Tia Kawakinai Ngkai Kaanga te Tiibu Ngai,” Boki n Anene, nambwa. 108.
Kanakoraoan Am Kamatebwai I Bon Iroum
Bwaina te kakauiango. Koroboki n aron Taian Areru n tainako a kaungaia aomata bwa ana kamoamoa te Uea ni kawai aika kakauiango. Ngkana ko namakinna bwa ko na karaoa am kabwarabwara rinanon te katangitang, te kuna, bwaai ni korotamnei, ke ni kawai riki tabeua, mwakuri iaon namakin aikanne. Iangoia n tibwaua te bwai ae ko karaoia ni buokiia tabeman ni karikirakea aia onimaki iroun Tamara are i Karawa ao Iesu Kristo.
Te Tia Kawakin Tiibu ae Raoiroi, iroun Ken Spencer