“Aokati 1–7. Iobi 1–3; 12–14; 19; 21–24; 38–40; 42: ‘Ao I a Boni Kaantaningaia Naba,’” Nakomai, Iriirai—Ibukiia Aomata n Tatabemaniia ao Utu: Te O Tetemanti 2022 (2021)
“Aokati 1–7. Iobi 1–3; 12–14; 19; 21–24; 38–40; 42,” Nakomai, Iriirai—Ibukiia n Aomata Tatabemaniia ao Utu: 2022
The Judgments of Job (Ana Motikitaeka Iobi), iroun Joseph Brickey
Aokati 1–7
Iobi 1–3; 12–14; 19; 21–24; 38–40; 42
“Ao I a Boni Kantaningaia Naba”
Ngkana ko wareka taekan Iobi, ao e na kairiko te Tamnei ni kakaei koaua aika kakawaki aika kaineti nakoim. Koroi bwaai aika ko kunei, ao iangoia bwa a kanga koaua aikai ni kaineti nakoim.
Korei Am Namakin
Bon te bwai ae tataneiai te aba iai bwa bukin tera bwaai aika buakaka a riki nakoia aomata aika raoroi—ke ibukin te bwai anne, bukin tera bwaai aika raraoi a riki nakoia aomata aika buakaka. Bukin tera te Atua, ae raoiroi, e kariaia anne? Titiraki n aron aikai a kuneaki rinanon ana taneiai Iobi, te aomata ae raoiroi ae riki nakoina bwaai aika buakaka. Ibukin katakin Iobi, a mimi raoraona ngkana e bon raoiroi n aron are e a kaman tia n iangoaki bwa e bon koaua. E taekin raoiroina Iobi ao e mimi ngkana te Atua e raoiroi imwiina. Ma irarikin karawawatakina ao raraomana, Iobi e teimatoa ni kokoaua ao n onimaki iroun Iesu Kristo. N ana boki Iobi, te onimaki e titirakinaki ao e kataaki ma e aki kona ni katukaki. Tiaki nanona anne bwa titiraki ni kabane ana aki kaekaaki. Ma ana boki Iobi e reirei bwa ni karokoa ae a kaekaaki titiraki, temanna e kona ni karekea te onimaki ao titiraki n te tai naba anne, n aki tabe ma te bwai ae riki n te tai naba aei, ti kona n taekina te bwai ae taekinna ara Uea, “Ao I a Boni Kaantaningaia Naba” (Iobi 13:15).
Ibukin rinanoan ana boki Iobi, taraa “Iobi” inanon Kairi nakon Koroboki aika Tabu (scriptures.ChurchofJesusChrist.org).
Iango ibukin te Kamatebwai i bon Iroum ni Koroboki aika Tabu
Au onimaki iroun Tamara are i Karawa ao Iesu Kristo e kona ni buokai n teimatoa n onimaki ni bwaai ni kabane.
Moan mwakoro n ana boki Iobi a katauaki bwa ana kamatatai taben Tatan bwa ara tia kakaitara ke te tia kauntaeka, n aki kabwarabwara bwa e kanga te Atua ao Tatan n rangin n reitaki. Ngkana ko wareki ana bukibuki Tatan ibukin Iobi (taraa Iobi 1:9–11; 2:4–5), ko kona n iangoia ngkana e kona naba anne n taekinaki ibukim. Ko na bae n titirakiniko, Tera bukina irou ngkai n na teimatoa ni kakaonimaki nakon te Atua? Iangoi kataaki aika e anganki Iobi ao ana kaeka (taraa Iobi 1:20–22; 2:9–10). Tera ae ko reiakinna mai irouna are e na buokiko ni buoki am kangaanga?
E ngae ngke e kataia Iobi n tiku n onimaki, katakina ao kararawawatakina e teimatoa (tarai nanokawakina inanon te mwakoro 3). Ni koauana, e taraa n ae karawawatakina e a moanna ni korakora, ao a iangoia raoraona bwa e na riai te Atua ni katuaea (taraa Iobi 4–5; 8; 11). Ngkana ko wareki mwakoron ana kaeka Iobi inanon mwakoro 12–13, iangoa te bwai ae ataia Iobi ibukin te Atua are e kateimatoa bwa e na reitinako n onimaki, n aki tabe ma karawawatakina ao ana titiraki aika tuai kaekaaki. Tera ae ko ataia ibukin te Atua aika ana buokiko ni kaitarai kangaanga? Ko kanga n atai koaua aikai, ao a kanga ni kakorakora am onimaki?
Iesu Kristo bon te Tia Kabooa Maiu.
N tabetai koaua aika moan te kakawaki a kaotaki nakoira i nukan karawawatakira ae korakora. Iangoi kataaki aika e kabwarabwarai Iobi inanon Iobi 19:1–22 ao koaua aika e taekin inanon Iobi 19:23–27. Imwiina iangoia raoi bwa ko kanga n ataia ae am Tia Kabooi maiura e maiu. Tera te kaokoro ae karaoia te taneiai aei ngkana ko kaitara ma kataaki aika kangaanga?
Taraa naba Reirei ao Berita aika Tabu 121:1–12; 122.
Iobi, iroun Gary L. Kapp
“Ngkana e a tia ni kataai, ao N na oti nako n ai aron te koora.”
Ngkana ko wareka riki taekan te marooro imarenan Iobi ao raoraona ibukin karawawatakin Iobi, ko na bae n iangoia bwa ko na kanga ni kaekaa te titiraki i nukan aia marooro: Bukin tera n tabetai aomata aika raraoi a karawawataki ao n tabetai aika buakaka aki katuaeaki? Iangoa te titiraki aei ngkana ko wareka Iobi 21–24. Tera ae ko ataia ibukin Tamara are i Karawa ao Ana babaire aika a na kona ni karekei kaekaan titiraki aikai? Taraa, te katooto, 2 Nibwaai 2:11–13; Motiaea 23:21–23; 24:10–16; Aberaam 3:22–26; Dallin H. Oaks, “Opposition in All Things,” Liahona, Meei 2016, 114–17.
Taraa naba L. Todd Budge, “Consistent and Resilient Trust,” Liahona, Nobembwa. 2019, 47–49.
Ana taratara te Atua e korakora riki nakon au taratara.
N aki kukurei ma aia bukibuki raoraona (taraa Iobi 16:1–5; 19:1–3), Iobi ngke e tataro nakon te Atua ni ukoukora te kabwarabwara ibukin karawawataakina (taraa Iobi 19:6–7; 23:1–9; 31). Unimwaane Neal A. Maxwell e kunea bwa “ngkana ti rangi n aki taotaonaki n nano ma ana tai te Atua ,” n aron ana kawai Iobi, “ti taraa n ae ti ata te bwai ae te kabanea n raoiroi. Bon te bwai ae na iangoaki raoi—ngaira aika ti bwaina te tainibai e taraa n ae ko na reirei bwa e babairei ao e kairiira te Atua ” (“Hope through the Atonement of Jesus Christ,” Ensign, Nobembwa. 1998, 63). Iangoa te taeka are imwaina ngkana ko wareka ana kaeka te Atua nakon Iobi inanon mwakoro 38 ao 40. Tera koaua aika E reireina Iobi? Bukin tera ngkai a kakawaki koaua aikai nakoira bwa ti na atai ma te kakaitara ao titiraki aikai n te maiu ae mamate? Tera ae ana nanom n ana kaeka Iobi inanon Iobi 42:1–6?
Iango ibukin Kamatebwai ni Koroboki aika Tabu n te Utu ao te Bootaki n te Tairiki
-
Iobi 1:20–22.N ataia bwa e kanga ana namakin Iobi, n aron aika a kabwarabwaraaki ni kiibu aikai, a kona am utu ni wareka “Iobi” inanon Karaki n te O Tetemanti ke ni katea kain Iobi 1:13–22. Tera ae ti reiakinna man ana banna ni katooto Iobi?
-
Iobi 14:14.Ti na kanga ni kaeka ana titiraki Iobi n te kibu aei? E na kanga Aramwa 11:42–44 ni buokiira? (Taraa naba te witeo “He Lives—Celebrate Easter Because Jesus Christ Lives,” ChurchofJesusChrist.org.)
-
Iobi 16:1–5.Ti tebo ngaira ma raoraon Iobi, aika a momotikitaeka ao a wiwinantiiia Iobi ngkana e kainnanoa te rau? (taraa Iobi 16:1–4; taraa naba Ioane 7:24). A kanga ara taeka ni kakorakoraia tabeman n nanokawakiia? (taraa Iobi 16:5).
-
Iobi 19:23–27.Imwiin warekan kiibu aikai, a kona kaain te utu n tibwauaia bwa a kanga n ataia bwa e maiu te tia Kabooi maiura. Kam kona ni botaki ni mwakuri ni kaoti ami taeka ni kakoaua (ke aia korotamnei ami ataei ibukin te Tia Kamaiu) inanon te boki, n aron ana tieno te utu (taraa te kibu 23). Kam kona naba n anenea te kuna ae kakoaua te Tia Kamaiu, n aron “I Ataia Bwa E Maiu Iesu” (Anene n Taromauri, nambwa. 136), ao tibwauai kibuntaeka aika ana kakorakorai am onimaki Irouna.
-
Iobi 23:8–11.Tera ae nanonaki n ae “n na oti nako” man kataku “n aron te koora”? (taraa naba te witeo “The Refiner’s Fire,” ChurchofJesusChrist.org). Antai ae ti ataia ae e a tia ni kataaki n aron te koora? Ana kona ataei ni kimwareirei ni karaoa te bwai ma taeka man kibu 10 ae koreaki iaona. Ko na bae naba n titiraki bwa e kanga Iesu Kristo n tokanikai iaon Kataakina (taraa Ruka 22:41–44; Reirei ao Berita aika Tabu 19:16–19).
Ibukin iango aika a mwaiti riki ibukin reireinakiia ataei, taraa te kamataata n te wiiki aei inanon Nakomai, Iriirai—Ibukin te Moanrinan.
Te anene ae katauaki: “I Ataia Bwa E Maiu Iesu,” Anene n Taromauri, nambwa. 135.
Kanakoraoan Am Kamatebwai I Bon Iroum
Iangoia. Atatai aika uaana a kona n roko ngkana ti kataia ni kabotauira ma aomata ake inanon koroboki aika tabu. Te katooto, katukakim inanon ana kangaanga Iobi e kona ni buokiko n iangoi am reitaki ma Tamara are i Karawa ao Iesu Kristo.
Job an dHis Friends (Iobi ao Raoraona), iroun Ilya Repin