Teimatoa ao Kamatoa te Onimaki
Onimakinan te Uea e raonaki ma Ana tai ao n tangira te taonanano ao te rinanon te tiku ni maan ni kaangaangan te maiu.
E rangi n aoraki natira te mwaane ae Dan n ana mition i Aberika ao e uotaki nakon te tabo ni kuakua ma bwain aoraki aika aki tau. Ngke ti wareka ana moan reta nakoira imwiin aorakina, ti kantaningaia bwa e na bwara nanona, ma n onea mwina e koroboki, “E ngae ngke I mena n te ruu ibukin te kaangaanga ae karina, I namakina te rau. I bon tuai man n teimatoa ao ni waekoa ni kukurei inanon maiu.”
Ngke kainabau ao ngai ti wareki taeka aikai, ti onrake n te kukurei Teimatoa ao kukurei ni kamatoa te onimaki Ti tuai man ongo te kukurei ae kabwarabwaraaki n te kawai anne, n ana taeka a bon koaua. Ti ataia bwa te kukurei are e taekinna tiaki te kakukurei, ke te namakin ae rangi ni kakukurei, ma te rau ao te kukurei are roko ngkana ti anga ngaira nakon te Atua ao ni katuka ara onimaki Irouna ni bwaai ni kabane.1 Ti a tia naba ni karekei taai akanne inanon maiura ngke taekina te rau te Atua nakon tamneira ao ni karikira bwa a na iai ara kantaninga inanon Kristo e ngae ngkana e kaangaanga ao n aki koaua aron te maiu.2
Riaai e reirei bwa ngke Atam ao Ewa aki bwaka “a na tiku n aroia n aki ataibwai, akea kukureia irouia, bwa aki ata te bure. …
“Ma noria, bwaai ni kabane a bane ni karaoaki ni wanawanan teuare e atai bwaai ni kabane.
“E bwaka Atam bwa aonga n riki aomata; ao a riki aomata bwa aonga ni karekea te kimwareirei.”3
N te kawai ae kaokoro, karawawata ao nanokawaki a katauraoira bwa ti na namakina te kukurei ngkana ti onimaki inanon te Uea ao Ana baire ibukira. Te koaua aei e kabwarabwaraaki man te ka 13 n tienture n te otooto: Te rawawata e katauraoiko ibukin te kimwareirei. E kanakoi bwaai aika aki bongana man maium, bwa e aonga n reke nen te kukurei n rin. E ioi banikai aika babobo man mwangaan nanom, n te aro bwa a na manga riki baa aika boou, kiriin n aia tabo. E katikarake te wakaa ae mka, n te aro bwa wakaa aika raba iaana a na manga rikirake. Te nanokawaki are e ioaki mai nanom, ea na oneaki mwiia ni bwaai aika a tamaroa riki.”4
E reirei Beretitenti Russell M. Nelson, “Te kimwareirei are e [anganiira] te Uea … e na teimatoa, ni kakoaua nakoira bwa ara kangaanga ao karawawatakira a na riki ma tii n te tai ae uarereke’ [Reirei ao Berita aika Tabu 121:7] e na katabuaki nakon kakabwaiara.”5 Katakira ao karawawatakira a kona ni karekea te tai ibukin te kimwareirei ae korakora riki.6
Rongorongon te euangkerio ae raoiroi tiaki beritan te maiu ae inaomata man te nanokawaki ao karawawataakira ma te maiu ae e on n te mwakuri ao tamaroan—te maiu ike nanokawakira ao rawawatara a kona n “ongaki n kukurein Kristo.“7 Te Tia Kamaiu e katanoata, “Ami bwai i aon te aba te rawawata: ma kam na kabebetei nanomi; I a tia ni kataea ana kai te aba.”8 Ana euangkerio bon te rongorongon ae katauraoa te kantaninga. Te nanokawaki e ikotaki ma te kantaninga inanon Iesu Kristo are taua te berita aekateimatoa te kukurei.
Rongorongon mwanangaia Iaretaite nakon te aba ni berita e kona ni kamanenaaki kabotauana ibukin ara mwananga rinanon te maiu ae mamate. E berita te Uea nakon tarin Iareta ao ana aomata ake E na “nako n [rimoaia] nakon te aba are e rine i aoia aaba n te aonaba.”9 E tuangiia bwa a na kabai booti, ao a ongeaba n nako ni buoka kabaakia n aron are tuangiia te Uea. Engae n anne, ngkai e a waaki te mwakuri, tarin Iareta e tabeaianga ibukin ana tamnei te Uea ibukin bwaati bwa e aki tau. E takarua:
“O te Uea, I a tia ni karaoa te mwakuri ae ko tuangai, ao I a tia ni karaoi taian bwaati nakon are ko a tia ni kairai iai.
“Ao noria, O te Uea, akea te oota inanoia.”10
“O te Uea, ko kona ni kariaia bwa ti na riaon te ran ae korakora inanon te roo?”11
Kam a tia ni kaota nanomi nakon te Atua inanon te kawai ae titebo ma anne? Ngkana kam ikakorakora n te kawai are e tuangkami te Uea ao ana kantaninga aika koro bukiia, kam a tia ni iangoia ngkana kam riai n rinanon te maiu aei n akea te kairiiri?12
Tarin Iareta e kaota ana kangaanga ae e korakora riki n aroa ni maiu inanon taian bwaati. E tang, “Ao ti na bon mate naba, bwa ti aki kona n ikeike inanoia, ma bon iai te ea ake inanoia.”13 Iai kangangan te maiu ae e a tia ni karaoaki bwa e na kaangaanga ibukim ni ikeike ao ni karikiko bwa ko na mimi bwa ko kangaa n rinanona n te bongina, karaoia n ti ngkoe n okira mwengam i karawa?
Imwiin mwakurin te Uea ma tarin Iareta ni buoki baika e katabeaki iai, E a manga kabwarabwara, “Kam aki kona n rinanon te marawa ae korakora aio ma ti ngkana I katuraoa te [kawai] ibukimi ni kaitarai naon taari, ma taian ang ake a waki nako, ao te ieka are e na roko.”14
E kamatata te Uea bwa n tokina Iaretaite aki kona n roko n te aba ni berita n akea Ngaia. A aki kona n tararuaia, ao te kawai are a kona ni karaoia iaon marawa bon ti man te onimaki Irouna. Taneiai ao reirei mairoun te Uea e a tia ni kakorakora ana onimaki tarin Iareta ao ni kakorakora ana mwioko inanon te Uea.
Taraiaa bwa a kanga ana tataro ni bitaki man taian titiraki ao tabeaianga ni kabwarabwarakin te onimaki ao te mwioko:
“I ataia, O te Uea, bwa iai mwaaka ni kabane, ao ni kona ni karaoa te bwai ae e na raoiroi ibukin te aomata; …
“Nooria, O te Uea, ko kona ni karaoa aei. Ti ataia bwa ko kona ni kaota mwaakam ae korakora, are e taraa ni uarereke n ana atatai te aomata.”14
E koreaki taekana bwa Iaretaite “a tokara aia … bwaati, ao ni mwananga nako taari, n anga ngaiia nakon te Uea ae Atuaia.”16 Te anga nanona te onimakinaki ke te anga ngkoe nakon temanna. Iaretaite a aki nako nakon aia bwaati bukina bwa a ataa raoi baika a na riki n aia mwananga. A toka n iaona bukina bwa a tia n reiakin bwa ana onimakina mwaakan, tamaroana, ao ana nanoanga te Uea, ao a motinanoia ngkanne bwa a na anga ngaiia ao taian nanououa ke maaku a na katikui iroun te Uea.
N te tai ae nako tibura te mwaane ae Abe e maaku n toka ni buti iaon maan ake a tamwarake ao a ruo. E tangira riki are e aki maeu. N te kabane ao e a kairoroia tibuna te unaine bwa e bon mano, ngaia are, ngkai e onimakiina, e a toka. Ngkanne e taetae ma te moangare ae bubura, “I namakinna bwa I aki mano, ma I bon mano.” Tao anne aron are a namakinna tenaan Iaretaite. Onimakinan te Atua ko bae n aki namakina te mano n te moantai, ma iai te kimwareirei imwiina.
E aki bebete te mwananga ibukiia Iaretaite. “E mwaiti te tai are a taunaki i kabin marawa, “ibukin naao aika maunga ake a roko iaoia.”17 Ma e koreaki bwa “te ang e aki toki ni uki [nakoia] nakon te aba ni berita.”18 Ngkai e kaangaanga bwa e na ataaki, riki n ara tai ni maiura ngkana e korakora te kakaitara ao maiura a kaangaanga, ti kona n namakina te rau n atakina bwa te Atua n raoiroina ae aki totoki ni buokiira ni karokoira nakon mweengara i karawa.
E reitaki te rekooti, “A uotaki nako, ao akea manintaari ae kakamaaku ae kona ni uruaniia, akea te kua ae kona ni uruaniia; ao iai aia taura n taainako, neither whale that could mar them; and they did have light continually, ngkana a mena ieta ke iaaan taari.”19 Ti maeka n te aonaaba are iai kaangaangan te mate, aorakin te rabwata ke te iango, ao taian kataaki ao kaangaanga n aekakina nako aika taoniira nako. Ma, rinanon te onimaki inanon Iesu Kristo ao n Rineia,bwa a na mwioko Irouna, ti kona ni karekea Ana kairoro, ni kairiira n taai aika raoiroi ke aika a buakaka. Ti kona ni karekea te karaunano are e aki kona ni katokiira te Atua ni ukiira nakon mweengara i karawa.
Ngke ti bon tabe ni kakibakibarakeaki inanon taian bwaati Iaretaite “a anenen n nebonebo nakon te Uea; … ao [a] bane ni karabwa ma n neboa te Uea ni kabwanina te bong; ao ngke e a roko te bong, a bon aki toki n nebonebo nakon te Uea.”20 A namakikna te kukurei ao te kakaitau e ngae ngke a rinanon te karawawataaaki. A tuai n roko n aban te berita, ma a bon kukurei n te kakabwaia ae beritaaki ibukin nanomatoaia ao kamatoaan te onimaki Irouna.21
A uotaki rake riki i aon te ran Iaretaite iaon te 344 te bong.22 Ko kona n iangoa anne? Onimakinan te Uea e raonaki ma Ana tai ao n tangira te taonanano ao te rinanon te tiku ni maan ni kaangaangan te maiu.23
Tokina, taian Iaretaite “a waerake ni biken te aba ni berita. Ao ngke a toua mataniwiin biken te aba ni berita a bobaraaki iaon te aba, ao a karinanoia imatan te Uea, ma ni bwaro ranin mataia ibukin te kimwareirei i matan te Uea, ibukin mwaitin ana nanonga iaoia.”24
Ngkana ti kakaonimaki ni kawakin berita, n te taina ti na roko ni mweengara n akea ara kaangaanga ao ni bobaraaki imataan te Uea ao ni katui rani matara ni kukurei n Ana nanoanga inanon maiura, n raonaki ma taian n nanokawaki are karekea riki nen te kukurei.25
I kakoaua bwa ti teimatoa ni karinerine nakon te Uea ao n teimatoa ni kamatoa te onimaki inanon Iesu Kristo ao Ana mwakuri ae mimitong inanon maiura, E na kawarira ma te karaunano, n taekina te rau nakon tamneira, ao ni karekea nakoira “kantaningan kainaomataaki i rouna.”26
I kakoaua bwa Iesu bon te Kristo. Bon Ngaia ae e nako mai irouna te kimwareirei ni kabane.27 E na tau Ana akoi, ao E mwaaka ni kamaiu.28 Bon te oota, te maiu, ao ana kaantaninga te aonnaba.29 E na aki kariaia bwa ti na mate.30 N aran Iesu Kristo, amen.