Nakomai, Iriirai—ana Babaire te Uea ni Kaitarai ana Babaire Tatan ao te Babaire ni Kona ni Buoka te Kaangaanga Imwain ae na Riki

Iroun Mark L. Pace

Beretitenti ni Kabuta n te Reirei n Tabati

E katauraoia Ana aomata te Uea ni kaitara ana buaka te tia kakaitara. Nakomai, Iriirai bon ana babaire te Uea ni kaitarai ana babaire Tatan ao te babaire ni kona ni buoka te kaangaanga imwain ae na riki.

Ti kimwareirei ngkai ti bane ni ikotaki n te maungatabu ni kabuta aei n Ana Ekaretia Iesu Kristo ibukiia Aika Itiaki ni Boong aika Kaitira. Bon te kakabwaia ni karekea ana iango ao ana kantainga te Uea rinanon aia reirei Ana burabeti ao abotoro. Beretitenti Russell M. Nelson bon Ana burabeti te Uea ae maiu. Ti rangin ni kakaitau ibukin ana reirei ao ana kaetieti mai ieta aika ti karekei n te bong aei.

I kaaira au kakoaua n raonaki ma ake a tibwauaaki mai imwaina. I kaota au koaua iroun te Atua, Tamara ae Akea Tokina. E maiu ao e tangiriira ao e tararuaira. Ana babaire ni kakukurei e katauraoa te kakabwaia n te maiu ae mamatei ao n okira nako Matana.

I kaota naba au kakoaua iroun Iesu Kristo. Bon ti Ana Rikitemanna te Atua. E kamaiura man te mate, ao E kamaiura man te buakaka n arora ngkai ti kamwakura te onimaki Irouna ao ti rairinanora. Ana mwakuri ni kamaiu ae akea tokina ibukira e uoti kakabwaia n te maiu ae mamate ao n te maiu ae akea tokina. Indeed, “E na kaitauakai te Atua ibukin ana bwaintangira ae akea kabotauana Ana Rikitemanna ae akea tokina” (“The Living Christ: The Testimony of the Apostles,” Liahona, Meei 2017, inanon ana kawa mai moa).

Aika itiaki ni kabuta te aonaaba a kakabwaiakaki n neboa Iesu Kristo n Ana tembora. Teuana mai ibuakon tembora aikanne ae e a tibwa kateaki i Winnipeg, Canada. Kainabau, Anne Marie, ao ngai e reke ara tai n nakon te tabo are e kateaki iai n Aokati n te ririki aei. E kateaki te tembora n te aro ae moan te tikiraoi ao e na bon rangin ni kantara ngkana e tia. E ngae n anne, ko aki kona ni karekea te tembora ae moan te tikiraoi i Winnipeg, ke n tabo riki tabeua, n akean te aa ae matoatoa man teimatoa.

Kaangaanga n aron bibitakin aron matoan te mwaitoro ao ranin te tano i Winnipeg e riki bwa te kaangaanga ibukin karaoan aan te tembora. Ma ngaia ae, e iangoaki bwa aan te tembora aei e na iai inanona 70 bowa biiti aika a na kabwaroaki n tauaki n te timanti. Abwakin boua aikai bon 60 te buuti (18 te miita) abwakina ao 12 nakon 20 te inti (30 nakon 50 te tientemita) rababana. A kateboaki nako naano ni karokoa a toko ma te bwaa, e katautauaki bwa nakon (15 te miita) iaan te tano. N te kawai aei, boua ake 70 ana katauraoa te aa ae matoa ibukin te bwai ae na riki bwa te Winnipeg tembora ae tikiraoi.

Ngkai ngaira aomata Aika itiaki ni Boong aika Kaitira, ti ukoukora te aeka n aa aei ae na matoa ni maiura—te aa n tamnei ae kainnanoaki n ara mwananga rinanon te maiu aei ao n oki nakon mweengara i karawa. E kateaki te aa anne iaon te bwaa ae iaan tano n rairakira nakon te Uea Iesu Kristo.

Ti uring ana reirei Eremana man Ana Boki Moomon: “Ao ngkai, natiu mwane, uringa, uringa bwa bon i aon te bwaa are ara Tia Kaboomwi, are Kristo, natin te Atua, are kam na riai ni katea iai aami; bwa ngkana te riaboro e kanakoa te ang mairouna ae korakora, eng, ana kanoa ibuakon te ukeuke n anti, … bon akea korakoraia iaomi ni katiki-ngkami nakon marawan te nanokawaki ao te maraia ae aki totoki, ibukin te bwa are ko kateaki iaona, are bon aan te kateitei ni koaua, aan te kateitei are ngkana aomata a kateitei iaona ao aki kona ni bwaka” (Ereman 5:12).

Ti kakaitau, bwa ti maeka n te tai ae are burabeti ao abotoro a reireiniira taekan te Tia Kamaiu Iesu Kristo. Irakin aia reirei e buokira ni katea aara ae matoatoa iroun Kristo.

N te ririki ae nako, n ana taeka ni kaukuki n te maungatabu ni kabuta Okitobwa 2018 Beretitenti Russell Nelson e katauraoa te katanoata aei ao te kauring, “Te kouru are iai iroun te Ekaretia bon buokaia membwa nako ni karikirakea aia onimaki iroun ara Uea Iesu Kristo ao n Ana Mwakuri ni Kamaiu, ni buokiia ni karaoi ao ni kawakinii aia berita ma te Atua, ao ni kakorakoraiia ao ni kabaeei aia utu. N te aonaaba ae kamangaongao aei, e bon aki bebete. Te tia kakaitara e karikirakea ana buaka iaon te onimaki ao iaora ao ara utu n te aro ae e rangi ni waekoa. Ni kamaiuaki n te tamnei, ti kainnanoi counterstrategies and proactive plans” (“Opening Remarks,” Liahona, Nobembwa. 2018, 7; e kairaki ma katuruturuana).

Imwiin ana rongorongo Beretitenti Nelson, Unimwaane Quentin L. Cook man te Kooram n te Tengaun ma Uoman e kabwarabwara Nakomai, Iriirai bwaai n ibuobuoki ibukira n tatabemaniira ao utu. E raonaki ana marooro ma rongorongo aikai:

• “Te bwai n reirei n te mweenga ae boou Nakomai, Iriirai … e karaoaki bwa e na buokiia membwa n reiakina te eunagkerio n te mweenga.”

• “‘Te bwai n reirei aei bon ibukiia aomata n tatabemaniia ao utu n te Ekaretia’ [Nakomai, Iriirai—Ibukiia aomata n Tatabemaniia ao Utu (2019), vi].”

• “Ara kantaninga bwa ti na kaboraoi bwaai ake a namakinaki n te Ekaretia ao te mweenga n te aro bwa e na kakorakora te onimaki ao te maiu n tamnei ao ni kakorakora te rairaki nakon Tamara are i Karawa ao te Uea Iesu Kristo.” (“Te Rairaki ae e Nene ao n Reitinako iroun Tamara are i Karawa ao te Uea Iesu Kristo,” Riaona, Nobembwa 2018, 8–12.)

Ni moan Tianuare n te ririki aei, Aika Itiaki ni Boong aika Kaitira ni kabuta te aonaaba a moana aia kamatebwai n te Nu Tetemanti, ma te bwai n ibuobuoki ae Nakomai, Iriirai bwa kairan kawaira. Ma te tieture n te wiiki n, Nakomai, Iriirai e buokiira ni kamatebwai booki aika tabu, reirein te euangkerio, ao aia reirei burabeti ao abotoro. Bon te bwai n ibuobuoki ae moan te tamaroa ibukira ni kabane.

Imwiin ruaia te namwakaina n te kamatebwai iaon booki aika tabu aikai, tera mwiina aika ti a tia n noori? Ti noriia Aika Itiaki ni Boong aika Kaitira n taabo ni kabane bwa a rikirake n aia onimaki ao nanoia nakon te Uea Iesu Kristo. Ti noriia aomata n tatabemaniia ao utu bwa a karekea aia tai inanon te wiiki ni kamatebwaia ana taeka ara Tia Kamaiu. Ti nora tamaroan te kairi n te euangkerio n ara kiraati n te Reirei n Tabati n ara tai ni kamatebwai boki aika tabu n te mweenga ao n tibwauai otara n te taromauri. Ti noora te kimwareirei ao te katiteuanaaki n te utu ngki ti a tia ni karaoa te bitaki man ti warekan boki aika tabu nakon kamatebwaiakan booki aika tabu n te kawai ae uaana.

E a tia n riki bwa au tai ae tamaroa ni kawariia aomata Aika Itiaki ni Boong aika Kaitira ao n ongora mai irouia aia atatai ma Nakomai, Iriirai. Kaotan aia onimaki e kaona nanou ma te kimwareirei. Aikai tabeua iango ae I a tia n ongo mairouia kaain te Ekaretia aika kakaokoro ni mwakoron te aonaaba aika kakaokoro:

• E taku te karo, “I kimwareirei n Nakomai, Iriirai, bwa e karekea te tai ni kakoaua te Tia Kamaiu nakoia au ataei.”

• N te mweenga are teuana, e taku te ataei: “Aio te tai are n na ongora iai aia koaua au karo.”

• E tibwauaia te tina: “Ti a tia ni kaungaaki ni kaineti ma arora ni karimoa te Atua. Te tai ae ti [taku bwa ] ‘akea iroura’ e a tia ni [kaonaki] ma te kantaninga, kimwareirei, te rau, ao te tokanikai ni kawai aika ti taku bwa a kaangaanga.”

• A taku taanga: “Ti a wareki booki aika tabu n ae kaokoro ni kabotauaki ma are ti a tia ni wareki n taai aika nako. Ti a reiakina ae mwaiti riki nakon are ti a tia n reiakinna n taai aika a nako. E tangiria te Uea bwa ti na tarai bwaai n ae kaokoro. E katauraoira te Uea.”

• E taku te tina: “I tangiria bwa ti reiakin bwaai aika ti tebo ni kabane. Imwain, ae ti bane ni warekia. N te bong aei, ti a reiakinna.”

• Te titita e tibwaua ana atata iaon aei: “Imwain, ko karekea te reirei, ao kiibu a kabatiai riki. Ngkai, a reke am kibu, ao e a buokaki ni kabatia riki n te reirei.”

• Temanna riki te titita e taku: “I namakina te kaokoro ngkana I kamatebwaia [ni kabotaua nakon] ngkana I aki. I kunea bwa e bebete riki taekinan Iesu Kristo ao ara koaua nakoia tabeman.”

• Te tibu te aine e taku: “I tareboniia au ataei ao tibu n te Tabati ao ti tibwauai ara atatai man Nakomai, Iriirai ni kabane.”

• E kunea te titita n: “Nakomai, Iriirai e karekea te namakin ae kanga e karaoa te mwakuri n ibuobuoki te Tia Kamaiu nakoiu. Bon te kairoro mai i karawa.”

• E taku te karo, “Ngkana ti kabonganaa Nakomai, Iriirai, ti tebo ngaira ma natin Iteraera, mwakena rarikin te boua n ara mataroa, kamanoi ara utu man ana kairoro te tia kamamate.”

Tariu ao mwaneu, bon te kakukurei kawarakimi ao n ongora aron ami kekeiaki ma Nakomai, Iriirai ni kakabwaiai maiumi. Kam rabwa n ami botumwaaka.

Kamatebwaiakan koroboki aika tabu ma Nakomai, Iriirai bwa kanga kairara e kakorakorai rairakira nakon Iesu Kristo ao Ana euangkerio. Ti aki ti kabanea ae kerikaki iaan teuana te aoa n te taromauri n te Tabati ibukin teuana riki te aoa n kamatebwaiakin booki aika tabu n te mweenga. Reiakinan te euangkerio bon te mwakuri ae teimatoa ni kabuta te wiiki. N aron are e tibwauaia ni kamatataa temanna te titita nakoiu, “Te kouru bwa ti na aki karaoa te taromauri bwa e na kerikaaki teuana te aoa; bon karaoakin te taromauri bwa e na kerake nakon onoua te bong!”

Ngkai, iangoa riki te kauring are e anga ara burabeti, Beretitenti Nelson, ngke e kauka te maungatabu ni kabuta n Okitobwa 2018:

“Te kakaitara e karikirakea ana buaka iaon te onimaki ao iaora ao ara utu e rikirake n te aro ae waetata. Bwa ti aonga ni maiu n te aro n tamnei, ti kainnanoa ana babaire te Uea ni kaitarai ana babaire Tatan ao te babaire ni kona ni buoka te kaangaanga imwain ae na riki” (Taeka ni Kaukuki,” 7).

Ngkanne (tao 29 te aoa imwiina) n tawanoun te Tabati, e kaina te maungatabu ma te berita aei: “Ngkana ko mwakuri korakora ni bita aron tarakin bwaai ni mwengam nakon te tabo n reiakinan te euangkerio, … ana kairoro te kakaitara ni maium ao ni mwengam e na kerikaki” (“Becoming Exemplary Latter-day Saints,” Liahona, Nobembwa 2018, 113).

E na kanga aron ana buaka te kakaitara n rikirake n rangi ni birimwaaka, ngke n te tai naba anne ana kairoro te kakaitara e kerikaki? E kona n riki ao e riki rinanon te Ekaretia, bukina bwa e katauraoia Ana aomata te Uea ni kaitara ana buaka te kakaitara. Nakomai, Iriirai bon ana kainibaire ao ana katautau te Uea n ana babaire. N aron are e taekinna Beretitenti Nelson, “Te karikiram ae boou ae e boboto n te mweenga , ao e boutokaki n te Ekaretia iai ana kona ni kanakoa te mwakaia n te utu.” E ngae n anne, e tangira ao e kantaninga ara kabanea n tamaroa; ti kainnanoia ni “[waaki nako] rinanon te mwakuri raoi ao te karaurau ni bita [mwengara] bwa nen te onimaki” (“Becoming Exemplary Latter-day Saints,” 113).

Imwiina ni kabane, n aron are e taekinna naba Beretitenti Nelson, “Ngaira n tatabemaniira ti mwiokoaki ibukin rikirakera n tamnei” (“Taeka ni Kaukuki,” 8).

Ma te bwai n ibuobuoki Nakomai, Iriirai e katauraoira te Uea “ibukin taai aika kararaoma aika ti kaitara ma ngaai ngkai” (Quentin L. Cook, “Deep and Lasting Conversion,” 10). E buokira ni katea “aan te kateitei ni koaua, te aa are ngkana a kateitei iaona aomata ao aki kona ni bwaka” (Ereman 5:12)—aan te koaua are e kamatoaki n te reirei are ngaia are kamatoa rairakira nakon te Uea Iesu Kristo.

E bia riki ara mwakuri ni katoabong ni kamatebwaian booki aika tabu ni kateira ni kamatoatoaira ao ni kakoaua nakoira bwa ti tau nakon berita aika beritanaki aikai. I tataro, n aran Iesu Kristo, amen.