“Aokati 22–28. Taian Areru 102–103; 110; 116–119; 127–128; 135–139; 146–150: ‘Ke a Bane Ni Kamoamo Iehova Akana Iai Ikeikeiai,’” Nakomai, Iriirai—Ibukin te Reirei n Tabati: O Tetemanti 2022 (2021)
“Aokati 22–28. Taian Areru 102–103; 110; 116–119; 127–128; 135–139; 146–150,” Nakomai, Iriirai—Ibukin te Reirei n Tabati: 2022
A na Katorobubua Bubua Ni Wae Ni Bane, iroun J. Kirk Richards
Aokati 22–28
Taian Areru 102–103; 110; 116–119; 127–128; 135–139; 146–150
“Ke a Bane Ni Kamoamoa Iehova Akana Iai Ikeikeia”
Tera mai ibuakon reirei inanon Taian Areru ae ko namakinna bwa e na rang n ibuobuoki nakoia kain am kiraati? N am kamatebwai n te wiiki aei, iangoia bwa ko na kanga ni buokiia kain am kiraati ni kakaai nanon taeka inanon taian areru aikai.
Korei Am Namakin
Kaunga te Tibwatibwa
Anganiia tabeman kain te kiraati tabeua te miniti bwa a na rinanon taian areru aika a wareki n te wiiki aei, ao kaoiia tabeman bwa a na tibwauai aia kibuntaeka ae mamaten nanoia. Kaungaia bwa ana tibwaua te bwai ae e reireiniia te Tamnei. E kanga Taian Areru ni kanakoraoa aron ara nebonebo iroun te Uea?
Reirei te Reirei
E kona te Uea ni buokiira n ara kangaanga.
-
A tia kain am kiraati n namakina aron ana namakin te tia koro rongorongo n Taian Areru 102 namakina? Ti na kanga n nakon te Uea ngkana ti namakina te bwarannano ke te aki nakoraoi? Ngkai a kamatebwaia Taian Areru 102, 103, ao 116 n te mweenga n te wiiki aei, a na bae kain te kiraati n tia ni karekei kibuntaeka ake e kaungaia bwa a na rairaki nakon te Uea ni katakiia. Kaungaiia bwa a na tibwaua te bwai ae a kunea, ke ni bootaki n aia kiraati n tarai tabeua kibuntaeka aika anainano. A kona naba kain te kiraati ni maroroakinna aron ana boutoka te Uea nakoia n taai ni kakaitara.
-
A kona kain am kiraati ni kimwareirei ni koroi oin aia areru bwa e kanga te Uea n tia ni buokiia n taai ni kangaanga. Bwaai aikai aki kainnanoi areru aika abwabwaki ke ni kangaanga—ti kabwarabwara aika bebete n te onimaki, te kakaitau, ao te kamoamoa. A kona kain te kiraati ni mwakuri i bon irouia ke ni katoatoa, ao a kona n rinanon Taian Areru 102, 103, ao 116 ibukin te kareke iango. Kaoiia aomata tabeman bwa a na tibwaua aia areru, ngkana a kukurei. Kam kona naba n ikotaki n anene bwa e kanga te Uea ni karaunanora, n aron “Where Can I Turn for Peace?” (Anene n Taromauri, nambwa, no.129).
Te Kamaiu, iroun J. Kirk Richards
Ana taeka te Atua e na kateimatoaira ni Kawaina.
-
Ni moanakin te marooro iaon Taian Areru 119, ko kona ni kaoiia kain te kiraati bwa a na taekina te tai ngke a ira te kawai ni karokoia n tokin kawaia (e kona n ibuobuoki n tuanga temanna imwain taina bwa e na katauraoa ana taetae teuanne ke neienne iaon te bwai aei). Tera te taneiai ae karika te kangaanga n teimatoa n tiku iaon te kawai? Tera ae e buokiia bwa a na tei iaona? Ko kona ngkanne ni koreia iaon te burakibooti te kawai ao kaoiia kain te kiraati bwa a na koroi kibuntaeka man Taian Areru 119 are e taekina te bwai ae e a tia te Uea ni karaoia ni buokiira bwa ti na tiku iaon Kawaina ni berita. Iangoa tibwauaan te taetae iroun Beretitenti Russell M. Nelson inanon “Bwaai n Ibuobuoki Riki Tabeua” bwa mwakoron am marooro.
-
A kona kain am kiiraati ni kabwaia man kabotauan te bwai ae e reirei Taian Areru 119 iaon taekan te tiku n ana kawai te Uea ma koroboki aika tabu aika a reirei koaua naba aikanne. Iangoia n tibwaua te kiraati nakon kurubu ao tuangiia kurubu n tatabemaniia bwa a na rinanon kibuntaeka man koroboki aika tabu n aron: Taian Areru 119:33–40, 105; Taeka n Rabakau 4:11–19; 1 Nibwaai 8:20–28; 11:25; 2 Nibwaai 31:17–21; Aramwa 7:9, 19–20. Kaoiia kurubu n tatabeua nako bwa a na tibwauai bwaai aika a reiakin. Anganiia kain te kiraati aia tai ni iangoa te bwai ae a na kaungaaki iai bwa a na karaoia ae boboto iaon te bwai ae a reiakinna.
E atai nanora te Uea.
-
Ataakina ae e atai te Uea—ara iango ara mwakuri, korakorara ao mamarara—ao E tangiriira e kona n reke te kairoro ae moan te korakora iaon rinerine aika ti karaoi. Ko kona ni kaoiia kain te kiraati bwa a na tarai kibuntaeka inanon Taian Areru 139 ae reirei te koaua ae kakawaki aei. A kanga maiura n rootaki man ataakin te koaua aei? A kona naba kain te kiraati ni maroroakin kawai aika ti kona iai ni kaoa te Uea bwa e na “tirotiroai, O te Atua, ao ata nanou” (kibu 23).
Bwaai n Ibuobuoki Riki Tabeua
Te kawai ae e eti ma n irariki.
E taku Beretitenti Russell M. Nelson:
“Ngkana mwanangara ae abwabwaki n te maiu aei e na nakoraoi, ti riai n iri kaetieti mai eta. E taku te Uea, ‘Tanimai nakoiu n ami iango n taai nako; tai nanououa, tai maaku’ [Reirei ao Berita aika Tabu 6:36]. Ao te Tia anene e koroia, ‘Boni baeni waeu am taeka, ao otani kawaiu’ [Taian Areru 119:105]. …
“Inanon mwanangam rinanon te maiu, ko kaitara ma kangaanga aika mwaiti ao ni karaoi kaairua tabeua. Kairi ni koroboki aika tabu e buokiko ni atai kaairua ao ni karaoa kaetakina. Katoka nakom nakon te kawai ae bure. Kamatebwai raoi kawai aika a koreaki inanon koroboki aika tabu. Ngkanne waaki nako ma te rairannano ao te kaitiaki ae kainnanoaki bwa ko na nakonako n ‘te kawai ae e eti man irariki are e na kairi ngkami nakon te maiu ae akea tokina’ [2 Nibwaai 31:18]” (“Living by Scriptural Guidance,” Ensign, Nobembwa. 2000, 17).
Kanakoraoan Ara Anga reirei
Kairekerekeia te koraki ake a rinanon te kangaanga. N tabetai kain te kiraati ake a rinanon te kangaanga a ti tangira kairakiia bwa aonga n namakina ae a tangiraki. Iangoia n tuangiia bwa a na ira buakon te waaki n tain te reirei ae e na roko, kaoiia nakon te kiraati, ke ni kakoaua bwa a na nakon te taromauri. Tai kabwara nanom ngkana aki kaekako n aron am kekeiaki n te moan tai. (Taraa Reirei n ana Kawai te Tia Kamaiu, 8–9.)