man we i stap stadi long skripja

29 Ogis–4Septemba

Ol Proveb 1–4; 15–16; 22; 31; Prija 1–3; 11–12

“Sipos Man I Wantem Haremsave Mining blong Ol Samting, Hem I Mas Savegud Hae God”

Olsem wanem ol mesej insaed long Proveb mo Prija i blesem laef blong olgeta we yu tijim? Folem ol tingting mo ol filing we yu kasem taem yu stap stadi mo rere blong tij.

Raetemdaon Ol Filing mo Tingting blong Yu

serem pikja aekon

Invaetem Ol Memba blong Serem Wanem Oli Gat

I gat plante mesej long Proveb mo Prija we oli naes mo oli gat paoa. Bifo yufala i toktokraon long skripja we oli stap daon ia, invaetem ol memba blong klas blong serem sam long ol fevret skripja blong olgeta we oli faenem long skripja stadi blong olgetawan o long famli blong olgeta long wik ia.

tijing aekon

Stap Tijim Doktrin

Ol Proveb 1–4; 15–16; Prija 1–3; 11–12

“Yu mas lesin long ol waestok ya.”

• Oli ripitim invitesen ia blong lukaotem waes mo andastaning long ful buk blong Proveb. ?Olsem wanem yu save helpem ol memba blong klas blong serem wanem oli bin lanem abaot waes long taem blong stadi blong olgeta? Wan gud wei i blong raetem waes long bod mo invaetem ol memba blong klas blong ademap ol namba blong ves o ol sentens long Proveb o Prija we oli filim se i givim moa klia tingting mo lukluk abaot wanem i waes. (Sapos hemia i help, yu maet givim tingting blong ol memba blong klas oli lukaotem long Ol Proveb 1–4; 15–16; Prija 1–3; 11–12.) ?Wanem yumi lanem abaot waes long ol skripja ia? ?Olsem wanem nao yumi kasem blesing taem yumi lukaotem waes long God?

Ol Proveb 1:7; 2:5; 3:7; 8:13; 15:33; 16:6; 31:30; Prija 12:13

“Yu no lukluk long waes blong yuwan: fraet long Lod.”

• Nara stamba tingting we yumi faenem truaot long buk blong Proveb mo Prija hem i blong “stap fraet long Lod” (Ol Proveb 1:7; luk tu long Ol Proveb 2:5; 3:7; 8:13; 15:33; 16:6; 31:30; Prija 12:13). Maet ol memba blong klas oli save ridim sam long ol ves ia mo serem wanem oli filim we i minim blong stap fraet long Lod. ?Olsem wanem blong stap fraet long Lod i defren long ol nara kaen fraet? Yu save serem ol tingting o lukluk we i kam long Elda DavidA. Yu save faenem eksplenesen blong Elda Bednar long “Sam Moa Risos.”

woman wetem Flaoa

Lan blong Trastem Lod, i kam long Kathleen Peterson

Ol Proveb 3:5–7

“Trastem Lod wetem ful hat blong yu.”

• Ol memba blong klas maet bae oli glad blong folem wan lesen we i yusum wan objek we bae i helpem olgeta blong andastanem wanem i minim blong “gat tras long Lod” mo “mo no stap dipen long andastaning blong olgetawan” (Ol Proveb 3:5). Eksampol, yu save invaetem wan memba blong klas blong lei long wan strong samting we i stanap, olsem wan wol. Afta man ia bae i traem blong lei agensem wan samting we i no strong, olsem wan brum. ?Olsem wanem rol plei ia i helpem yumi andastanem Ol Proveb 3:5? ?Wanem nao Ol Proveb 3:5–7 i stap tijim abaot wanem i minim blong trastem Lod? ?From wanem hem i no waes blong dipen long andastaning blong yumiwan? ?Olsem wanem nao yumi filim se Lod i stap lidim yumi taem yumi putum tras blong yumi long Hem?

Ol Proveb 15:1–2, 4, 18,28; 16:24–32

“Spos yu toktok gud long wan man we i kros, bambae yu save mekem tingting blong hem i kam kwaet.”

• Blong helpem ol klas memba blong oli toktokraon abaot olsem wanem oli save gat moa pis mo no gat tumas raorao long laef blong olgeta, yu save invaetem olgeta blong rid long Proveb 15:1–2,18; 16:32. Afta oli save serem ol eksperiens we oli bin gat we i soemaot ol trutok we i stap long ol ves ia. Olsem wan eksampol, ?wetaem nao wan i yusum “wan kwaet ansa” blong 0help blong “[ronem] aot kros”? (Ol Proveb 15:1). O oli save tingbaot ol taem we Sevya i bin soem eksampol ia we oli bin tijim insaed long ol ves ia (luk long Jon 8:1–11; 18:1–11). ?Olsem wanem yumi save folem eksampol blong Hem taem yumi stap wok wetem ol narafala man?

• Nomata we ol man we oli raetem Ol Proveb oli no bin save abaot ol plante wei long fasin blong toktok we i stap long taem blong yumi tedei, kaonsel we i stap long Ol Proveb 15 mo16 i save aplae long eni kaen fasin blong toktok . Blong helpem ol memba blong klas blong andastanem hemia, yu save invaetem wanwan man o woman blong jusum wan long ol skripja ia mo ridim: Ol Proveb 15:1–2, 4, 18,28; 16:24, 27–30. Afta long riding, ol memba blong klas oli save talem ol proveb ia bakegen long toktok blong olgetawan olsem wan advaes abaot olsem wanem wan i save wok wetem ol narawan tru long sosol media, tru long teks, o onlaen. Oli save faenem sam moa kaonsel we i save help long “Lanwis” insaed long Blong Ol Yut Oli Kam Strong (ol pej 20–21).

sam moa risos aekon

Sam Moa Risos

“Fraet long God Hem i blong lavem mo trastem Hem.”

Elda DavidA. Bednar i eksplenem:

“Fraet long God i gro aot long wan stret save blong tabu fasin mo misin blong Lod Jisas Kraes, wan strong tingting blong givim hat blong yumi i go long Hem blong i save mekem wanem i wantem long yumi, wan save we evri man mo woman bae oli holem olgeta responsibol long sin blong olgetawan long Dei blong Jajmen.…

“Fraet long God i blong gat lav mo gat tras ia long Hem. Taem yumi fraet long God fulwan, bae lav blong yumi long Hem i kam moa stret evriwan. From ‘lav we i stret gud i sakemaot evri fraet’ (Moronae 8:16). Mi promes se laet blong fraet long God we i saen strong bae i ronemaot ol tudak sado blong fraet we i save ded (luk long Doktrin mo Ol Kavenan 50:25) taem yumi lukluk long Sevya, Hem i stap olsem fandesen blong yumi, mo go fored long kavenan rod blong Hem wetem strong tingting” (“Therefore They Hushed Their Fears,” Liahona, Mei 2015, 48–49).

Kam Antap long Fasin blong Yumi blong Stap Tij

Lukluk Nomo long Kraes I no gat wan nara wei blong mekem fet blong olgeta we yu tijim olgeta i kam antap sapos yu no putum Sevya i stap olsem stamba blong evri lesen we yu stap tijim. Tru long tijing blong yu, invaetem ol memba blong klas blong oli bildim “antap long ston blong Ridima blong yumi, we i Kraes, Pikinini blong God” (Hileman 5:12).