Hilim Blaen Man, i kam long Carl Heinrich Bloch

19–25 Septemba

Aesea 40–49

“Yufala I Go Toktok Gud Long Ol Man blong Mi. Yufala i Leftemap Tingting blong Olgeta”

Sam pipol oli maet tingting blong no save serem tingting blong olgeta long klas from oli filim se oli no save gud ol skripja. ?Olsem wanem yu save helpem ol memba blong klas blong filim se save blong olgeta long saed blong spirit i gat valiu?

Raetemdaon Ol Filing mo Tingting blong Yu

Invaetem Ol Memba blong Serem Wanem Oli Gat

Tingting blong raetem wan kwestin olsem hemia long bod: Wanem nao Spirit i tijim yu taem yu stadi long Aesea 40–49? Ol memba blong klas oli save tingting hevi long kwestin ia mo raetem ansa blong olgeta daon, mo narawan oli save serem tingting blong olgeta.

Stap Tijim Doktrin

Aesea 40–49

Jisas Kraes i save givim kamfot mo hop long yumi.

• Aotlaen blong wik ia, insaed long Kam Folem Mi—Blong Wanwan Man, Woman mo Famli i talem blong yumi lukaotem ol mesej blong kamfot mo hop long Aesea 40–49 mo raetem sam long ol toktok blong stat wetem. Yu maet askem ol memba blong klas blong serem ol mesej we oli faenem. Leftemap tingting blong olgeta blong tokbaot from wanem ol mesej ia i maet bin helpem Ol Man Jiu taem oli stap long slef mo olsem wanem oli save helpem yumi tedei. Yu save soem long olgeta ol ves we yu yu faenem long stadi blong yuwan. ?Wanem nao Lod I wantem yumi blong save abaot Hem? ?Olsem wanem nao Hem i kamfotem yumi? Yu maet wantem blong rimaenem ol memba blong klas se Lod long OlTesteman i stap minim Jehova, o Jisas Kraes.

• Hym “Tijing blong Jisas Oli Stamba blong Yumi” (STSP, pej 6) i kamaot long ol toktok blong Aesea long Aesea 41:10; 43:2–5; 46:4. Afta oli ridim ol skripja ia mo singsing ol ves blong hym we i go wetem, ol memba blong klas oli save tokbaot ol taem we oli bin filim se Lod i stap wetem olgeta mo olsem wanem oli eksperiensem help long olgeta blong oli “no fraet.”

“Hem bae i fitim ol sipsip blong Hem olsem man blong lukaot sipsip” (Aesea 40:11).

Aesea 40:1–3, 9–11; 43:8–13; 48:20–21; 49:1–9

“Yufala ol witnes blong mi.”

• ?I minim wanem blong stap olsem “witnes” blong Lod? Ol memba blong klas oli save tingting hevi long kwestin ia taem oli rid insaed long ol ves ia: Aesea 40:1–3, 9–11; 48:20–21; 49:1–9. Stetmen ia long “Sam Moa Risos” i save givim sam ansa. ?Wanem ol “gud nius” we yumi serem olsem witnes blong Lod? ?Wanem long ves ia i helpem yumi “blong no fraet” blong serem witnes blong yumi? Aesea 40:9 Ol memba blong klas oli save tokbaot ol janis we oli gat blong stap olsem witnes blong Lod mo olsem wanem testemoni blong olgeta i save blesem ol narafala man.

• Blong ol memba blong klas blong folem tijing we i stap long Aesea 43:8–13, yu save invaetem olgeta blong tingting se oli bin singaotem olgeta blong stanap olsem witnes insaed long kot. Long kot kes ia, oli jajem Jisas Kraes from i mekem klem ia we stap long Aesea 43:11. Sapos oli singaotem yumi olsem ol witnes blong sapotem klem blong Jisas (luk long ves10), wanem testemoni nao bae yumi givim? ?Wanem pruf long laef blong yumi nao yumi save givim?

Aesea 48:10; 49:13–16

Lod bae i mekem yumi kam klin evriwan tru long ol hadtaem blong yumi.

• Ol memba blong klas oli tokbaot ol toktok blong Elda QuentinL. Cook i helpem yumi andastanem Aesea 48:10: “Taem yumi yusum ol gudfala mo stret fasin long taem blong ol hadtaem we yumi stap fesem hemia i mekem yumi kam moa stret mo klin evriwan” (“The Songs They Could Not Sing,” Liahona, Nov. 2011,106). Oli save tokbaot olsem wanem ol “hadtaem blong olgeta” tu i helpem olgeta oli kam stret evriwan long saed blong spirit. Olsem wanem Aesea 49:13–16 I helpem yumi taem yumi kasem hadtaem? Luk long vidio “The Refiner’s Fire” (ChurchofJesusChrist.org).

Sam Moa Risos

Stanap olsem wan witnes

Presiden MargaretD. Nadauld i eksplenem wanem i minim blong “stanap olsem ol witnes blong God long evri taem mo long evri samting, mo long evri ples” (Mosaea 18:9):

“Blong stanap olsem witnes blong oltaem, yumi promes blong lavem Lod, blong givim ona long Hem oltaem—long dei mo long naet, long sama mo long winta, gudtaem mo nogud taem—lavem Lod mo letem yumi soemaot lav ia long laef blong yumi.…

“Stanap olsem wan witnes long evri samting i minim evri samting—ol bigfala samting, ol smol samting, long evri toktok, long ol fani toktok, long ol gem we oli plei long hem mo ol buk we oli ridim mo miusik oli lisin long hem, long eni samting yumi givim sapot from, long seves we yumi givim, long klos we yumi werem, long fren we yumi mekem.…

“Laswan, yumi talem se yumi stap olsem wan witnes long evri ples. Hemia i no minim se long pablik ples nomo be long ol praevet ples, long sikret, long tudak o ples we i gat laet; long jos, long skul, long hom, o long ka; long ol ples we i maonten o long sanbij, long rod o long park.…

“Taem yumi tingting long naesfala presen ia blong [Sevya] i givim long yumi, wanem smol samting we yumi save mekem blong hem mo blong Papa blong yumi long Heven we i sendem Hem? Yumi save stanap olsem witnes blong lav blong Olgeta mo tijing long oltaem, long evri samting, mo long evri ples” (“Stand as a Witness,” Ensign, May 2000, 93,95).

Stap Kam Antap long Fasin blong Yumi blong Stap Tij

Invaetem fasin blong stap strong blong stap lanem samting. “Olgeta we oli stap lan, oli gat responsabiliti ia blong lanem samting blong olgetawan. Tingting long olsem wanem yu save helpem olgeta we oli stap lan oli akseptem mo fufilim responsabiliti ia” (Teaching in the Savior’s Way,29).