Josef Smit i luk Papa long Heven mo Jisas Kraes long Tabu Bus

Tabu Bus, i kam long Brent Borup

12–18 Septemba.

Aesea 13–14; 24–30;35

“From Samting Ya, Bambae Mi Mi Mekem Olgeta Oli Sek. Bambae Mi Stap Mekem Ol Samting blong Sapraes”

Bifo yu helpem ol man blong oli faenemaot ol trutok long buk blong Aesea, yu nid blong faenemaot ol trutok ia yuwan. Taem yu stap rid long wik ia, tingting long wanem ol trutok we yu filim se yu nidim blong tokbaot moa long klas.

Raetemdaon Ol Filing mo Tingting blong Yu

serem pikja aekon

Invaetem Ol Memba blong Serem Wanem Oli Gat

Blong leftemap tingting blong ol memba blong klas blong serem wanem oli stap lanem long Aesea, yu save askem olgeta, olsem wanem bae oli ansarem man we bae i talem se, “Buk blong Aesea i jes had tumas nomo blong man i andastanem.” ?Wanem i bin helpem yumi blong faenem mining long tijing blong Aesea? ?Wanem ol toktok blong skripja, we i givim insperesen long yumi?

tijing aekon

Stap Tijim Doktrin

Aesea 24:21–23; 25:6–8; 26:19; 28:16

Ol toktok blong Aesea oli lidim yumi i go long Jisas Kraes.

• Olsem Nifae, maet ol memba blong klas blong yu oli bin glad long witnes blong Aesea abaot Jisas Kraes (luk long 2Nifae 11:2). Yu maet askem olgeta blong serem eni ves we oli faenem long riding blong olgeta long wik ia we i tijim olgeta abaot Sevya. O yu save invaetem ol memba blong klas blong serem wanem oli lanem abaot Jisas Kraes insaed long Aesea 24:21–23; 25:6–8; 26:19; 28:16 o ol nara ves we yu faenem long stadi blong yu. ?From wanem ol trutok ia oli impoten tumas long yumi?

  Kraes long red klos

  Hem I Kam Bakegen blong Rul mo Kam King, i kam long MaryR. Sauer

Aesea 24:1–5; 28:1–8; 29:7–10; 30:8–14

Apostasi i minim blong tanem baksaed long Lod mo ol profet Hem.

• Aotlaen blong wik ia long Kam Folem Mi—blong Wanwan Man, Woman mo Famli i talem blong tingting hevi long sam long ol toktok simbol we Aesea i bin yusum blong tokbaot ol risal blong tanem baksaed long Lod mo no stap akseptem ol profet blong Hem. Invaetem ol memba blong klas blong serem wanem oli lanem. O yu save invaetem olgeta wanwan blong luklukbak long wan long ol ves we i stap ia: Aesea 24:1–5; 28:7–8; 29:7–10; 30:8–14. Folem wanem oli bin ridim, oli save finisim sentens we i stap ia: “Sapos yumi tanem baksaed long Lod, yumi olsem…” ?Wanem yumi save mekem blong stap fetful long Lod mo stap longwe long apostasi? (Luk long “Sam Moa Risos” blong sam tingting.) ?Olsem wanem Lod i blesem olgeta we oli stap fetful long Hem?

• Blong statem wan storian abaot ol fasin we i save lidim yumi go long apostasi, yu save askem ol memba blong klas blong lukluk gud long Aesea 24:1–5; 28:1–8; 29:7–10; 30:8–14. Askem olgeta blong lukaotem insaed long skripja ol samting we ol pipol long taem blong Aesea oli stap tinting long hem mo stap mekem. Raetem wan woning long bod we i talem olsem Woning: Ol fasin we i stap ia oli save lid i go long apostasi. ol memba blong klas oli save listim long bod wanem oli faenem long ol ves ia. Givim wan janis long olgeta blong serem olsem wanem oli save lukaotemgud olgetawan o ol famli blong olgeta from apostasi.

Aesea 29:13–24; 30:18–26;35

Lod i save putumbak wanem we i lus o i brokbrok.

• Hemia i wan kwestin we yu save raetem long bod we i save helpem ol memba blong klas blong tingting hevi long Aesea29: ?Olsem wanem nao ol raeting blong Aesea i go wetem Restoresen blong gospel long dei blong yumi? Leftemap tingting blong olgeta blong tingbaot kwestin ia taem oli stap rid olgetawan insaed long Aesea 29:13–24. Sapos oli nidim help, oli save luklukbak tu long ol ves olsem olgeta ia: 2Nifae 27:6–26; Josef Smit—Histri 1:17–19, 63–65. Afta oli tokbaot kwestin we i stap long bod, oli save toktokraon abaot from wanem “gudfala wok” mo “sapraes wok” (Aesea 29:14) oli ol gudfala toktok blong tokbaot Restoresen blong gospel. Wanem nao yumi lanem abaot Restoresen long “Restoresen blong Gospel blong Jisas Kraes, we I Fulwan: Tu Handred Yia Ofisol Toktok I Go long Wol”? (ChurchofJesusChrist.org/study?lang=bis).

• Japta30 mo35 blong Aesea i holem sam long ol toktok we i save givim insperesen blong gat moa bigfala fet long paoa blong Lod blong blesem olgeta we oli tanem olgeta i go long Hem. Blong helpem ol memba blong klas oli faenem ol ves ia, yu save invaetem olgeta blong stadi long wan long tufala ia Aesea 30:18–26 o Aesea35. Askem olgeta blong serem ol toktok o ol sentens we oli faenem we i save helpem wan man o woman blong i save tanem hem i go long Lod blong i save sef.

sam moa risos aekon

Sam Moa Risos

Stap strong long fet long Lod mo Jos blong Hem.

Presiden M.Russell Ballard i givim kaonsel ia blong helpem yumi stap strong long fet long Lod mo Jos blong Hem:

“Yumi nidim blong go tru long wan jenis long laef we i gogohed taem yumi gat moa fet long Jisas Kraes mo stap moa fetful long gospel blong Hem long ful laef blong yumi—i no wan taem nomo, be blong oltaem [luk long Alma 5:26].…

“…Ol toktok blong Lod, oli stap long ol skripja mo ol tijing blong ol aposol mo profet. Oli givim yumi advaes mo daereksen we, taem yumi folem, bae oli stap olsem ol laefjaket long saed blong spirit mo bae i helpem yumi save olsem wanem blong hang strong wetem tufala han.…

“Antap long fasin blong developem fasin blong ridim skripja yumiwan, yumi nidim blong stap olsem ol boe blong Mosaea, mo givim yumiwan blong ‘mekem plante prea, mo livim kakae’ [Alma 17:3]” (“Stay in the Boat and Hold On!” Liahona, Nov. 2014, 90–91).

Stap Kam Antap long Fasin blong Yumi blong Stap Tij

Talemaot we yu trastem se, olgeta ia we oli stap lan, oli save mekem samting ia. Sam pipol insaed long klas blong yu oli save filim se oli no gat tras long olgetawan, se oli no save lanem gospel. Helpem olgeta blong save gud se taem oli traehad blong lanem samting, Tabu Spirit bae i tijim olgeta. (Luk long Teaching in the Savior’s Way, 29–30.)