Te Burabeti Itaia e Taetae ni Burabetia Bungiakin Kristo iroun Harry Anderson

Tebetembwa 5–11

Itaia 1–12

“Bon au Tia Kamaiu te Atua”

Iangoi kawai ake a kaungaia kaain te kiraati bwa a na tibwai namakin ao mataata ake a karekei i nanon aia kamatebwai ibon irouia ao n te utu.

Korei Am Namakin

Kaunga te Tibwatibwa

Te Kabwarabwara n te wiiki aei inanon Nakomai, Iriirai—Ibukiia Aomata n Tatabemaniia ao Utu e anga iango ibukin karekean te oota n ana koroboki Itaia. Ko kona n kaoia kaain te kiraati bwa a tibwaa aron teuana te iango mai ikai, ke te bwai teuana, ae ibuobuoki nakoia n oota n Itaia 1–12.

Reirei te Reirei

IItaia 1–12

A na bane ni koro nanon ana taeka Itaia.

• Ngke e taetae ni kaineti ma Itaia, e reirei te Tia Kamaiu bwa “bwaai nako ake e taekin a tia ao a na bon riki, ni kaineti ma taeka ake e taekin” (3Nibwaai 23:3). Ko kona ni moana te maroro iaon Itaia man tibwaan te kibu aei ao te koroboki are i nanon “Additional Resources.” Ngkana ko kona ni koroi aikai iaon te burakibooti Ana tai Itaia, Ana mwakuri te Tia Kamaiu ngke maiu, ao Boong aika kaitira. A kona kaain te kiraati ni kakaei taeka n Itaia 1–12 are e na uaana nakon teuana ke e raka riki taeka ake iaon te burakibooti (N aron te katooto, Itaia 2:1–5; 7:1–7; 7:10–14; 9:2–7; 10:20; 11:10; 12:1). Bukin tera bon te kakabwaia karekean taetae ni burabeti aikai ni bong aikai?

Itaia1; 3;5

“Katoka karaoan te buakaka.”

• Ko kona n tuangiia kaain te kiraati bwa a na tibwaa are a reiakinna man aia kamatebwai ibon irouia ao n te utu n Itaia1, 3,5 iaon aron taraan te maiu n tamnei n Abanuean Iuta n ana tai Itaia. Tao a kona ni manga tarai mwakoro aikai ao korei kibu ao te bwa ae na riki ae a kabwarabwara. Tera rongorongo aika tamaroa ae e reke iroura ni mwakoro aikai? (Ngkana e riai, ko kona ni kairiia kaain te kiraati nakon Itaia 1:16–20, 25–27; 3:10.) Ngkana arona bwa iai ana rongorongo Iuta nakoira, tao e na tera?

• A kona kaain te kiraati n taraia bwa aongkoa a maeka i Ierutarem ngke e taetae ni burabeti Itaia. Ko kona n intawiuniia tabeman mai irouia, titirakinia bwa tera ana taeka Itaia ao tera aia namakin iai. N aron te katoto, ko kona n tuangia kaain te kiraati bwa a na maroroakini ana taeka Itaia ake a kuneaki n Itaia 1:16–20; 3:16–26; 5:20–23. Tera ana taeka Itaia ae e a kaunga te raira n nano?

Itaia2; 4; 11–12

E na korakora ana mwakuri te Atua ni boong aika kaitira.

• Buokaia kaain te kiraati n iangoi ana taetae ni burabeti Itaia iaon koron nanon boong aika kaitira, ko kona rinei tabeua kibu man Itaia2; 4; 11–12 (such as Itaia 2:2–3; 4:5–6). Ngkanne tuangia kaain te kiraati bwa a kakaei weaba aika i mwaira ni kibu aikai (n aron “e na riki” ke “e na nako”). Kaoiia bwa a onei mwin tabeua weaba aika ngkai (n aron “e riki” ke “a riki”). A kanga ni koro bukin taetae ni burabeti aikai i nanon maiura? Bukin tera e kakaawaki ataakin taetae ni burabeti aikai?

• Ko kona ni katerea bwa ngke Moronaai e kawara Iotebwa Timiti n 1823, e mwanewea Itaia11 ao n taku bwa e iaon kawaina ni koro nanona (tara Iotebwa Timiti—Rongorongo 1:40; tara naba Reirei ao Berita aika Tabu 113:1–6). A kona kaain te kiraati ni wareki tabeua kibu man Itaia11 (n aron kibu 6–12) ao ni kakimototoa n oin aia taeka are e noria Itaia. Tera tabera ni kakoroan nanon taetae ni burabeti aikai?

“Bwa e bungiaki te ataei nakoira, ti anganaki natira te mwaane” (Itaia 9:6).

Itaia 7–9

E taetae ni burabetei Itaia ibukin Iesu Kristo.

• Ko kona n titirakinia kaain te kiraati bwa tera ae a reiakinna ibukin Iesu Kristo man kibu n aron Itaia 7:14; 8:13–14; 9:2, 6–7. N aron te katooto, bukin tera Emanuera bon te ara ae tamaroa ibukin te Tia Kamaiu? (tara Mataio 1:23). E kanga n tia n riki Iesu Kristo bwa “te Tia Reirei” ke “Uean te Rau” nakoira? A kona naba n tibwatibwa kaain te kiraati iaon kibu ake a kunei inanon Itaia 1–12 are e a kauringia taekan Iesu Kristo. Tera ae a reirei kibu aikai i bukina?

• Imwain te kiraati, ko kona ni kaoiia tabeman kaain te kiraati bwa a uota tamnein Kristo are a namakinna bwa e kaota kabwarabwaran te Tia Kamaiu i nanon Itaia 7–9. N tain te kiraati, angania te tai bwa a kaoti tamnei ake a uoti ao kabwarabwara irekerekena ma ana taeka Itaia.

Bwaai n Ibuobuoki Riki Tabeua

E kona ni bati koron nanon ana taetae ni burabeti Itaia.

Beretitenti DallinH. Oaks e reirei: Ana boki Itaia iai inanon taetae ni burabeti aika bati are e taraa ni bati aron kakoroan nanoia. Teuana ae taraa n rootia aomata n ana bong Itaia ke n aia waaki te roro are imwina. Teuana riki nanona, ngkana te banna, e taraa ni kaeineti ma taai ake ngkoa, ngke e uruakaki Ierutarem ao a maenako aomatana imwin tauran Natin te Atua. Ma nanona teuana ke kakoroan nanona e taraa n irekereke ma baike a na riki n te Kauaoki iroun te Tia Kamaiu. Te koaua bwa e mwaiti taetae ni burabeti aika kona ni bati nanoia e kaota kakaawakin ukoran te reitaki ae tabu mairoun te Taetae ae Raoiroi ni buokira ni kabwara nanoia” (“Scripture Reading and Revelation,” Ensign, Jan. 1995,8).

Kanakoraoan Ara Anga reirei

Kaoa te Tamnei. Katangitang aika tabu, koroboki aika tabu, aia taeka burabeti n taai aikai, kaotan te tangira ao te koaua, ao taai n aki kakarongoa ni iango a bane ni kona ni kaoa rokon te Tamnei” (Reirei n Ana Kawai te Tia Kamaiu,10).