«Սեպտեմբերի 19-25-ը, Եսայիա 40-49․ «Մխիթարեցէք իմ ժողովրդին», Եկ, հետևիր ինձ. Կիրակնօրյա դպրոցի համար. Հին Կտակարան 2022 (2021)
«Սեպտեմբերի 19-25-ը, Եսայիա 40-49», Եկ, հետևիր ինձ. Կիրակնօրյա դպրոցի համար. 2022
Կույր մարդու բժշկումը, Կարլ Հեյնրիխ Բլոխ
Սեպտեմբերի 19-25-ը
Եսայիա 40-49
«Մխիթարեցէք իմ ժողովրդին»
Որոշ մարդիկ կարող են երկմտել և դասարանում չկիսվել իրենց մտքերով, քանի որ մտածում են, որ լավ չգիտեն սուրբ գրությունները: Ինչպե՞ս կարող եք օգնել, որ դասարանի բոլոր անդամները հասկանան, որ իրենց հոգևոր ընկալումները գնահատվում են:
Գրի առեք ձեր տպավորությունները
Հրավիրեք կիսվել
Հետևյալի նման մի հարց գրեք գրատախտակին․ Ի՞նչ սովորեցրեց ձեզ Հոգին, երբ ուսումնասիրեցիք Եսայիա 40–49։ Դասարանի անդամները կարող են խորհել այս հարցի շուրջ և գրել իրենց պատասխանները, իսկ մի քանիսը կարող են կիսվել իրենց մտքերով:
Ուսուցանեք վարդապետությունը
Հիսուս Քրիստոսը կարող է մխիթարել մեզ և հույս տալ։
-
Այս շաբաթվա համառոտ շարադրանքը Եկ, հետևիր ինձ․ Անհատների ու ընտանիքների համար ձեռնարկում առաջարկում է փնտրել մխիթարության և հույսի ուղերձներ Եսայիա 40-49-ում և թվարկել որոշ հատվածներ, որոնցից կարելի է սկսել: Կարող եք խնդրել դասարանի անդամներին կիսվել իրենց գտած ուղերձներով։ Խրախուսեք նրանց խոսել այն մասին, թե այդ ուղերձներն ինչու կարող էին օգնել գերության մեջ գտնվող հրեաներին և այսօր ինչպես կարող են դրանք օգնել մեզ: Կարող եք նաև մատնանշել հատվածներ, որոնք գտել եք ձեր անձնական ուսումնասիրության ընթացքում: Ի՞նչ է Տերը ցանկանում, որ մենք իմանանք Իր մասին: Ինչպե՞ս է Նա մխիթարում մեզ: Կարող եք դասարանի անդամներին հիշեցնել, որ Հին Կտակարանում «Տերը» վերաբերում է Եհովային կամ Հիսուս Քրիստոսին:
-
«Աստծո Սրբեր» օրհներգը (Հիմներ, հր․ 6) հիմնված է Եսայիա 41․10, 43․2-5, 46․4 հատվածների Եսայիայի խոսքերի վրա։ Այս սուրբ գրությունները կարդալուց և օրհներգի համապատասխան հատվածները երգելուց հետո դասարանի անդամները կարող են խոսել այն պահերի մասին, երբ նրանք զգացել են, որ Տերն իրենց հետ է, և ինչպես են իրենց փորձառություններն օգնել նրանց «չվախենալ»:
«Հովիւի նման հովուելու է նա իր հօտին» (Եսայիա 40․11)։
Եսայիա 40․1-3, 9-11, 43․8-13, 48․20-21, 49․1-9
«Դուք էք իմ վկաները»:
-
Ի՞նչ է նշանակում լինել Տիրոջ «վկաները»: Դասարանի անդամները կարող են խորհել այս հարցի շուրջ, երբ կարդան հետևյալ հատվածներից մեկը կամ մի քանիսը. Եսայիա 40․1-3, 9-11, 48․20-21, 49․1-9։ «Օժանդակ նյութերի» մեջ բերված հայտարարությունը նույնպես կարող է որոշ պատասխաններ տալ: Որպես Տիրոջ վկաներ ի՞նչ «ավետաբերներ» ենք մենք հանդիսանում։ Այս հատվածներում ի՞նչն է մեզ օգնում «չվախենալ» մեր վկայությամբ կիսվելուց։ (Եսայիա 40․9)։ Դասարանի անդամները կարող են խոսել Տիրոջ վկաներ լինելու իրենց հնարավորությունների մասին, և թե ինչպես են իրենց վկայություններն օրհնում ուրիշներին:
-
Որպեսզի օգնեք դասարանի անդամներին, որ կիրառեն Եսայիա 43.8-13-ում տրված ուսմունքները, կարող եք հրավիրել, որ նրանք պատկերացնեն, որ վկայի կարգավիճակով կանչվել են դատարան։ Այս դատավարության ընթացքում Հիսուս Քրիստոսին մեղադրանք է առաջադրվել Եսայիա 43․11-ում արձանագրված պահանջը ներկայացնելու մեջ: Եթե մեզ կանչեին որպես վկաներ՝ ի պաշտպանություն Հիսուսի պնդմանը (տես հատված 10), ի՞նչ վկայություն կարող ենք առաջարկել: Ի՞նչ ապացույցներ կներկայացնեինք մեր կյանքից:
Տերը կարող է մաքրագործել մեզ տառապանքների միջոցով:
-
Գուցե դասարանի անդամները կարողանան քննարկել, թե երեց Քվենթին Լ․ Քուքի հետևյալ խոսքերն ինչպես են օգնում մեզ հասկանալ Եսայիա 48․10 հատվածը․ «Բնավորության գծերը և արդարակեցությունը, որ կոփվում են չարչարանքի հնոցում, կատարելագործում և մաքրագործում են մեզ» («Երգեր, որ նրանք չկարողացան երգել», Ensign կամ Լիահոնա, նոյ. 2011, 106)։ Նրանք կարող են նաև խոսել այն մասին, թե ինչպես է իրենց սեփական «նեղության հալոցը» հոգևորապես մաքրել իրենց: Ինչպե՞ս է Եսայիա 49․13-16 օգնում մեզ, երբ մենք տառապում ենք։ Տես նաև “The Refiner’s Fire” տեսանյութը (ChurchofJesusChrist.org)։
Օժանդակ նյութեր
Կանգնել որպես վկա
Նախագահ Մարգարեթ Դ․ Նադաուլդը բացատրել է, թե ինչ է նշանակում «կանգնել որպես Աստծո վկաներ բոլոր ժամանակներում, և բոլոր բաներում, և բոլոր տեղերում» (Մոսիա 18․9)։
«Բոլոր ժամանակներում որպես վկա կանգնելիս մենք խոստանում ենք սիրել Տիրոջը, պատվել Նրան բոլոր ժամանակներում՝ գիշեր և ցերեկ, ամառ և ձմեռ, լավ ժամանակներում և վատ ժամանակներում, սիրել Տիրոջը և այդ սերն ի ցույց դնել մեր ապրելակերպով: …
Վկա կանգնելը բոլոր բաներում բառացիորեն նշանակում է բոլոր բաներում՝ մեծ բաներում, փոքր բաներում, բոլոր զրույցներում, կատակներում, խաղացած խաղերի, կարդացած գրքերի, ունկնդրած երաժշտության,աջակցող գործերի, մատուցած ծառայության,հագուստ մաշելու, ընկերներ ընտրելու հարցերում: …
Վերջապես, մենք ասում ենք, որ բոլոր տեղերում վկա ենք կանգնելու: Դա նշանակում է՝ ոչ միայն հանրային վայրերում, այլ նաև մասնավոր վայրերում, գաղտնի, մութ, թե լուսավոր տեղերում. եկեղեցում, դպրոցում, տանը, թե մեքենայում, լեռներում, թե լողափին, փողոցում, թե այգում: …
Երբ մենք մտածում ենք մեզ շնորհված [Փրկիչի] պարգևի մեծության մասին, ի՞նչ փոքր բան կարող ենք անել Նրա և Նրան ուղարկող մեր Երկնային Հոր համար: Մենք կարող ենք Նրանց սիրո և ուսմունքների վկաները լինել բոլոր ժամանակներում, բոլոր բաներում և բոլոր տեղերում» (“Stand as a Witness,” Ensign, May 2000, 93, 95)։
Բարելավել մեր ուսուցումը
Ջանասիրաբար սովորելու կոչ արեք։ «Սովորողները ծայրաստիճան պատասխանատու են իրենց ուսման համար։ Մտածեք, թե ինչպես կարող եք օգնել սովորողներին ընդունել և կատարել այդ պարտականությունը» (Ուսուցանել Փրկիչի ձևով,29)։