Te ha’api’ira’a Iesu i roto i te sunago

Iesu i roto i te sunago i Nazareta, nā Greg K. Olsen

3–9 nō ’Ātopa

Isaia 58–66

« E tae mai ho’i te Fa’aora i Ziona »

’A tuatāpapa ai ’outou i te ha’api’ira’a tumu nehenehe i roto i teie mau pene, ’a ani i te Vārua ’ia arata’i ia ’outou i te mau parau poro’i ’o te riro ’ei mea faufa’a rahi roa nō te mau pīahi.

Pāpa’i i te mau mana’o e tae mai

ītona fa’a’itera’a

Tītau i te mana’o

E nehenehe ’outou e ani i te mau pīahi ’ia pāpa’i i ni’a i te tāpura ’ere’ere i te mau fa’ahorora’a nō te mau ’īrava tei fa’auru ia rātou i roto i tā rātou tuatāpapara’a pāpa’ira’a mo’a i teie hepetoma. ’Ei piha ha’api’ira’a, e nehenehe ’outou e hi’o i taua mau ’īrava ra ’e ’ia ’āparau i te mau parau mau e ’itehia i reira. E nehenehe teie mau mana’o e arata’i i te ’āparaura’a hōhonu o te hō’ē ’aore rā hau atu o te mau parau tumu i tāpurahia i raro nei.

ītona ha’api’ira’a

Ha’api’i i te ha’api’ira’a tumu

Isaia 58:3–12

E hōpoi mai te ha’apaera’a mā’a i te mau ha’amaita’ira’a.

• Nō te tauturu i te mau pīahi ’ia ’āparau nō te aha ’e e nāhea te Fatu ’ia fa’aue ia tātou ’ia ha’apae i te mā’a, e nehenehe ’outou e hāmani e piti ’āna’ira’a i ni’a i te tāpura ma te tāpa’ohia « ’Eiaha ’outou e nā reira i te ha’apaera’a mā’a mai te teie nei mahana » ’e « Teie te ha’apaera’a mā’a hina’aro nā’u ra ». I muri iho e nehenehe te mau pīahi ’ia tai’o i te Isaia 58:3–7, ma te fa’a’ī i te ’āna’ira’a mātāmua ma te fa’a’itera’a nō ni’a i te huru o te ’āti ’Īserā’ela ’ia ha’apae i te mā’a ’e te piti o te ’āna’ira’a te mau fa’a’itera’a nō te ha’apaera’a mā’a tā te Fatu i ’ōpua. Nāhea teie mau fa’a’itera’a i te ha’aputapū i te huru o tā tātou hi’ora’a i te ha’apaera’a mā’a ? E nehenehe ato’a te mau pīahi e fa’a’ite mai nāhea, i roto i tā rātou ’ohipa, e arata’i ai te ha’apaera’a mā’a i te mau ha’amaita’ira’a tā te Fatu i fafau mai i roto i te mau ’īrava 8–12.

• ’Ua fāri’i paha te tahi mau pīahi i te tahi mau ’ohipa i tupu i te fa’ata’ara’a ia vetahi ’ē nō te aha tātou e ha’apae ai i te mā’a. ’A ani ia rātou ’ia fa’a’ite mai e aha tā rātou i parau. E nehenehe ato’a ’outou e ani i te hō’ē melo o te ’episekōpora’a ’ia paraparau mai e mea nāhea te mau ō o te ha’apaera’a mā’a i te fa’a’ohipahia. ’Aore rā e nehenehe ’outou e fa’a’ite i te hō’ē o te mau hi’ora’a nō roto mai i te parau poro’i a te peresideni HenryB. Eyring, « E ’ere ānei teie i te ha’apaera’a mā’a hina’aro nā’u ra ? » (Ensign ’aore rā Liahona, Mē 2015, 22–25). Nāhea te ha’apaera’a mā’a ’e te ’aufaura’a i te mau ō nō te ha’apaera’a mā’a e tauturu ai ’ia « ha’ama’iri i te hōpoi’a teiaha ra » nō tātou iho ’e nō vetahi ’ē ? (Isaia 58:6).

Isaia 61:1–3 ; 63:7–9

’O Iesu Mesia tō tātou Fa’aora ’e Tāra’ehara.

• I tō Iesu Mesia fa’a’itera’a i te mau ta’ata nō Nazareta ē o ’oia te Mesia, ’ua fa’ahiti ’oia i roto i te Isaia 61:1–3 (hi’o Luka 4:16–21 ; hi’o ato’a i te video « Jesus Declares He Is the Messiah [Tē parau ra Iesu ē o ’oia te Mesia] », ChurchofJesusChrist.org). Penei a’e e nehenehe te mau pīahi e tai’o i te Isaia 61:1–3 ’e ’ia paraparau nō te aha teie mau ’īrava i riro ai ’ei fa’a’itera’a maita’i nō te misiōni a te Fa’aora. E nehenehe ’outou e pāpa’i i ni’a i te tāpura ’ere’ere te mau mea ato’a i fa’atāhinuhia ai te Fa’aora ’ia rave ’e ’ia ’āparau i te aura’a tāta’itahi o te reira. E mea nāhea tō te Fa’aora fa’aotira’a i teie mau tuha’a o tāna misiōni i roto i tōna orara’a tāhuti nei ? Nāhea ’oia i te fa’atupura’a i te reira i roto i tō tātou orara’a ?

• E nehenehe ato’a te mau pīahi e tai’o i te Isaia 63:7–9 ’e e fa’a’ite mai e mea nāhea Iesu Mesia i te ha’amaita’ira’a ia rātou i roto i teie mau rāve’a.

• Tē fa’a’ohipa nei te Isaia 61:1–3 i te reo nehenehe ’e te pehepehe nō te fa’a’ite i te mana o Iesu Mesia nō te fa’aora i te mea e au ra ’ua ’ino roa. Nō te tauturu i te fa’ahōho’ara’a i teie mau ’īrava, ’a feruri i te fa’a’ite atu i te hō’ē ’ā’amu nō ni’a i te hō’ē mea tei mana’ohia ē, ’ua mo’e ’aore rā ’ua ’ino roa ’e ’o tei riro mai rā ’ei mea nehenehe roa. ’Ei mau hi’ora’a, e hi’o i te video « Provo City Center Temple [Te hiero nō Provo City Center »(ChurchofJesusChrist.org ; e hi’o ato’a « Te tahi atu ā mātēria tauturu ») ’aore rā te ’ā’amu i te ha’amatara’a o te parau poro’i a te peresideni Dieter F. Uchtdorf « E tu’u ’oia ia ’outou i ni’a iho i tōna tapono nō te amo mai ia ’outou i te fare » (Ensign ’aore rā Liahona, Mē 2016, 101–4). E nehenehe te mau pīahi e paraparau mai e mea nāhea tō rātou ’itera’a i te Fatu i te hōro’ara’a i te hō’ē mea nehenehe i te ta’ata ’o tā rātou i feruri ē ’ua ’ino roa tō rātou orara’a.

Isaia 65:17–25

I tōna tae-piti-ra’a mai, e riro te Fatu i te « hāmani i te ra’i ’āpī ’e te fenua ’āpī ».

• Tē fa’ata’a nei te Isaia 65:17–25 i te mau huru o te fenua i muri a’e i te tae-piti-ra’a mai o te Fa’aora. E nehenehe ’outou e ani i te mau pīahi ’ia hi’o fa’ahou i teie mau ’īrava nō te ’imi i te mau pāhonora’a i te mau uira’a mai teie : Nāhea te orara’a i te « ao ’āpī » e ta’a ’ē ai i te huru orara’a i teienei i ni’a i te fenua nei ? E aha tā ’outou e ’ite ra i roto i teie mau ’īrava ’o te fa’atupu i te ’oa’oa ia ’outou ?

ītona te tahi atu ā mātēria tauturu

Te tahi atu ā mātēria tauturu

« E ’ore roa te Fatu e vaiiho ia tātou i roto i te rehu auahi ».

I muri a’e i tōna fa’ati’ara’a e mea nāhea te auahi i fātata ai i te ha’amou i te fare menemene nō Provo, ’a fa’ati’ahia ai te reira ’ia patu-fa’ahou-hia i muri mai, i raro a’e i te i’oa ra, te hiero nō Provo City Center, ’ua parau te tuahine Linda S. Reeves : « E fa’ati’a te Fatu ’ia tāmatahia tātou, i te tahi mau taime, i te fāito hope’a o tō tātou pa’ari. ’Ua ’ite nā tātou i te orara’a o tei herehia e tātou—’e tō tātou ato’a iho paha—’ei fa’ahōho’ara’a, ’ia ’ama roa i te auahi, ’e ’ua ui māere tātou ē nō te aha te hō’ē Metua here ’e te aupuru i te ao ra e fa’ati’a ai i te mau ’ohipa mai teie te huru ’ia tupu mai. ’Aita rā ’oia e vaiiho ia tātou i roto i te rehu ; e ti’a ’oia ma te hōhora i tōna rima, ’a ani manihini ai ia tātou ma te onoono ’ia haere iāna ra. Tē patu nei ’oia i tō tātou orara’a i roto i te mau hiero nehenehe i reira ho’i tōna Vārua e nehenehe ai e pārahi e ’a muri noa atu » (« ’A tītau i te mau ha’amaita’ira’a nō tā ’outou mau fafaura’a », Ensign ’aore rā Liahona, Novema 2013,119).

Ha’amaita’ira’a i tā tātou ha’api’ira’a

Ha’amātau i te mau ta’ata tā ’outou e ha’api’i nei. E orara’a, e hi’ora’a ātea, ’e e mau tāreni ta’a ’ē tō te ta’ata tāta’itahi tā ’outou e ha’api’i nei. ’A feruri i teie mau ta’a-’ē-ra’a ’a tūtava ai ’outou i te tauturu i te mau ta’ata ato’a ’ia ha’api’i mai i roto i te mau rāve’a faufa’a ’e te fa’ahiahia. (Hi’o Ha’api’ira’a mai tā te Fa’aora, 7.)