Tangin Ieremia te Burabeti, ma te koro boki are anaaki man te Reirei i Natareta

Okitobwa 17–23

Ieremia 30–33; 36; Baebaeti1; 3

“N na Onika Nanokawakiia n te Kimwareirei”

Iangoi iango ake ko karekei i nanon oin am kamatebwai n Ieremia ao Baebaeti. Tera taeka man mwakoro aikai aika a na uaana nakoia naake ko anga reirei nakoia?

Korei Am Namakin

Kaunga te Tibwatibwa

Buokakiia kaain te kiraati n reirei man oin aia kamatebwai ni koroboki aika a tabu, ko kona ni korei taeka aika iaon te burakiboti I a tia n ataia bwa…, Iai au koaua n te ke I a tia n rinanona… A kona kaain te kiraati n tibwaa te bwai teuana are a reiakinna man Ieremia ao Baebaeti.

Reirei te Reirei

Ieremia 30–31; 33; Baebaeti 1:1–7; 3:1–5

E na kaotinakoia tibun Iteraera man te tautoronaki ao ni bootia te Uea.

• Rongorongo ni kantaninga n ana taetae ni burabeti Ieremia e kona n angania kaain te kiraati te kantaninga n aia waaki nako. Tao a kona kain te kiraati ni maroro iaon aron namakinan te maroa n aroia aomata n ana tai Ieremia (tara Ieremia 30:5; 31:15; Baebaeti 1:1–7; 3:1–5; ao bwaninna “Additional Resources”). Ko kona ni bwenaa te kiraati nakon teniua kurubu ao kaoiia ni kabane kurubu bwa a taraa Ieremia30; 31; ao 33 rongorongo ake a uota te kantaninga nakon te aomata n te bong aei. E kanga ni buokiira ara kantaninga i nanon taai ni kataaki?

Ieremia 31:31–34; 32:37–42

“Ao ane kam na riki bwa au aomata, ao Ngai N na riki bwa Atuami”

• Warekan Ieremia 31:31–34; 32:37–42 e kona ni buoka kaain te kiraati n iangoi berita aika tabu ake a tia ni karaoi. Teuana te kawai ni kaunga te maroro iaon kiibu aikai bon anganakiia kaain te kiraati tabeua te miniti bwa e wareki kiibu aikai ao imwina e korea te titiraki iaon te mwakoro ni beba are a tangiria n tabekia nakon te kiraati. N aron te katooto, a kona ni maroro bwa tera nanon karekean ana tua te Atua i nanora (tara Ieremia 31:33) ao aron berita aika tabu ni buokiira ni kinaa riki te Uea (tara Ieremia 31:34). Ko kona ni anaia aia titiraki ao n rinei tabeua bwa a maroroakinaki. Tera ae ti reiakinna man te rongorongo aei are e kaungaira bwa ti na kawakin ara berita aika tabu?

A kona koroboki aika tabu ni kaungaira nakon te rairannano ao te Uea.

Ieremia36

Iai korakoran koroboki aika tabu n rairiira man te buakaka.

• A tia ni karekei nonoori kaain te kiraati ni kiibu ake a tia ni kamatebwaii Ieremia36 ni mweengaia. Kaoiia bwa a na tibwaua te bwai are a reiakinna. Ko kona naba n anga aran te aomata n te mwakoro nakoia kaain te kiraati ao n tuangia bwa a wareka ana mwakuri te aomata anne ma ana taeka te Atua. A kona kaain te kiraati ni kamatebwai taeka ma mwakuri aikai iroun te Uea (tara kiibu 1–3, 27–31); Ieremia (tara kiibu 4–7,32); Baruka (tara kiibu 4, 8–10, 14–18); Ieuri ao Uea Ieoiakin (tara kiibu 20–26); ao Erenatan, Teraia, ao Kemaria (tara kibu25). A kanga ara taeka ma ara mwakuri ni kaota ara namakin ibukin koroboki aika tabu?

Bwaai n Ibuobuoki Riki Tabeua

E riai n iai iroum te kantaninga n tainako.

Beretitenti M. Russell Ballard e taku bwa tabeua waaki ake a na kamaunaa te kantaninga, ao e reirei bwa e reke ia te kantaninga:

“Tabeman iroura a noria i nanon maiuia bwa a karawawataaki te raraoma, te aki kukurei, ao te rawawata. E bati ae namakina ae tii ngaiia ae a rinanon te mangaongao are e taraa n ekinanko n te aonaba. Tabeman a rawawata irouia kaain te utu ake a uotaki rikaaki n airan te karaanga, e bati iai aroaro aika kataorikaaki ao katei aika a kairua. … E mwaiti ae e a tia ni korea baina ao ni butimwaea te buakaka ao iowawan te aonaba bwa bon e aki kona ni katokaki. A kaki aia kantaninga.…

“…Tabeman iroura e a bua aia kantaninga ibukin te bure ma te kaairua. E kona te aomata n rinnako ni kawain te aonaba n te aro are e a noria bwa akea te kawai n otinako ao akea te bwai ae kariaaki. Au bubuti nakoia ake a tia ni mwane n te kai ni kamwane aei bwa kam na aki bwara n nano! Bwa e ngae ngke a rang kataweaki bwai ke aroia ae ngkai e a kataweaki, taiaoka kakoauaai, e kona n iai te kantaninga. N tainako” (“The Joy of Hope Fulfilled,” Ensign, Nov. 1992, 31–32).

“N arona, ara moan kantaninga ibukin kamanoan maiura n tamnei i nanon taaai ni kangaanga aikai bon rairan ara iango ma nanora nakon Iesu Kristo. … Te Onimaki inanon te Atua ao Natina, Iesu Kristo, e rangi ni kakaawaki ibukira bwa ti na karekea te tamaroa n te tai ni kangaanga aei” (“The Joy of Hope Fulfilled,”32).

Kanakoraoan Ara Anga reirei

Iriira te Tamnei. Ko aki kona n nora aron birin te reirei, ma ngkai ko kakauongo nakon wirikirikin te Tamnei, E na kaira te reirei. Ngkana ko tauraoi n te maiu n tamnei, te Uea e na anganiko “n te tai anne, are ko riai n taekinna” (Reirei ao Berita aika Tabu 100:6, tara naba Teaching in the Savior’s Way, 10).