“Tebetembwa 26–Okitobwa2. Itaia 50–57: ‘E Anai Rawawatara, ao E Uouoti Nanokawakira,’” Nakomai, Iriirai—Ibukin te Reirei n Tabati: Te O Tetemanti 2022 (2021)
“Tebetembwa 26–Okitobwa2. Itaia 50–57,” Nakomai, Iriirai—Ibukin te Reirei n Tabati: 2022
Bwainikirinan Kristo, iroun Carl Heinrich Bloch
Tebetembwa 26–Okitobwa2
Itaia 50–57
“E Anai Rawawatara, ao E Uououti Nanokawakira”
Te kawai ae moan te kakawaki ni katauraoi nakon te anga reirei bon man te wareware ao iangoan raoi bwaai ake n koroboki aika a tabu. Tera ae ko namakina ao n reiakina ngkai ko wareka Itaia 50–57?
Korei Am Namakin
Kaunga te Tibwatibwa
Ni kaungaia kaain te kiraati n tibwaa aia taneiai are a tia n rinanona ngke a wareka Itaia 50–57, ko kona ni koreia iaon te burakibooti taeka n aron Au koaua iroun Iesu Kristo e kakorakoraaki ngke I wareka… Kaoiia kaain te kiraati bwa a na tibwaia bwa a na kangaa ni kabwanina te tiententi.
Reirei te Reirei
A nakoraoi kanoan taai aika a na roko irouia ana aomata te Uea.
-
A bane ni iai ara tai ae ti namakina iai te kabwaka. Ni buokiia kain te kiraati ni katan iaan korakoran te Uea, ko kona n anganiia bwa a na warekii tabeua kiibu n tatabemaniia man Itaia 51–52 ao n tibwaua te bwai ae a kunea are e na kakorakora temanna ae namakina te kabwaka ke te bwaranano. Ko kona naba n taekina bwa te Tia Kamaiu are e a tia ni mangauti e taekinii naba tabeua ana take Itaia nakoia aomata n te aono n Amerika (taraa 3Nibwaai 20:32–45). Tera ana taeka te Tia Kamaiu inanon 3 Nibwaai 20:30–34 ae anganiira riki mataatara bwa ningai ae a na koro bukin taetae ni burabeti aikai?
-
Te kabwarabwara n te wiiki aio inanon Nakomai, Iriirai—Ibukiia Aomata n Tatabemaniia ao Utu e karinanii ni kabane baike inanon Itaia 50–52 are e kaoia iai Ana aomata te Uea bwa a na karaoia. Tao a na kona kain te kiraati n tibwaa te bwai are a kunea ao ni maroooro iaona bwa tera ae e nanonaki n taian kakao aikai nakoia. Ko na bae ni kabotoa riki iaon te kakao ake inanon Itaia 51:1–2, 6–8; 52:1–3, 9–11. Ti na kanga ni mwakurii taian kakao aikai? Ko na bae ni kaotia ae Reirei ao Berita aika Tabu 113:7–10 e katauraoi kabwaabwara ae mai iroun te tamnei iaon Itaia 52:1–2. Tera ae anga nakon mataatara taian taeka aikai?
Ibukin te Tangira, iroun te tia kaara te banna n te atiibu Angela Johnson
Iesu Kristo e katokaa Iaona ara bure, ao rawawatara.
-
Ni buokiia kaain te kiraati ni katamneia ana taeka Itaia inanon Itaia 53, ko kona ni katei tamnei aika mwaiti ni bwaai ake a riki inanon te tai are e karaoa Ana Mwakuri ni kamaiu Iesu Kristo (taraa Gospel Art Book nambwa 56–60). Ko kona ngkanne n titirakiniia kain te kiraati bwa a na kakaei kibuntaeka n Itaia 53 ake a kabwarabwarai bwaai aika riki n te tai anne ianon te tamnei. Tera ana taeka Itaia ae e reirei iaon korakain te Tia Kamaiu ibukira? Tera ae a kaotia bwa bukin teraa E korakai ni maraki ibukira? Tera ae kaungaa nanora te reirei aei bwa ti na karaoia?
-
Ni kaoa te Tamnei ae Raoiroi bwa e na kaota koauan baike a reiakinaki inanon Itaia 52:13–15; 53, ko na bae n titirakiniia kaain te kiraatibwa a na warekii kiibu aikai ni karaurau ngkai ko katanga te anene n taromauri iaon Ana Mwakuri ni kamaiu Iesu Kristo. Kaoiia kaain te kiraati bwa a na kakaei taeka ke kibu n taeka inanon koroboki aika a tabu are a namakinna bwa moan te kakawaki. Ngkanne tuangiia bwa a na tibwaa te bwai are a kunea ao tera aia namakin iroun te Tia Kamaiu. Iangoia naba ni kaoiia kaain te kiraati bwa a na wareka Motiaea 15:10–12, n are e kabwarabwaraa Abinataai bwa tera ae nanonaki n te kibu n taeka “riki bwa kanoana.” E kangaa aei ni buokiira bwa ti na mataata iaon Itaia 53:10?
E tangiriira Iesu Kristo bwa ti na oki nako Ina.
-
Kamatebwaian Itaia54 e na anga te kairi mai iroun te tamnei nakoia kaain te kiraati ake a namakina te bwaranano ibukin aia bure ke mamaraia. Ko kona ni kaoiia kain te kiraati bwa a na kakaea ni mwakoro54 kiibu n taeka ke kiibu are e kaotia bwa e kanga ana namakin te Tia Kamaiu ibukira. Tera ae E tangiria bwa ti na namakinna n ara bure ao mamarara ake mai imwaaina? Tera ae E tangiria bwa ti na namakinna Ibukina? Kaungaia kaain te kiraati bwa ana tibwauai tabeua riki baike a reiakin iaon Iesu Kristo man te mwakoro aio. Te rongorongo mairoun Beretitenti Dieter F. Uchtdorg inanon “Bwaai n Ibuobuoki Riki Tabeua” e kona ni karinaki n am marooro.
Bwaai n Ibuobuoki Riki Tabeua
Rinanon Iesu Kristo ti konaa ni karekea te kantaninga.
Beretitenti Dieter F. Uchtdorf e reirei:
“E aki kakawaki bwa tao aekakira aron uruakin maiura. E aki kakawaki bwa mwaitira aekakin ara bure, mwaitira te riribai iroura, te maroaa, kakeakira, ke uruakin nanora aika reke. Irouia naake akea irouia te kantaninga, aika a maeka ni iangoia bwa aakea manen maiuia, aika a tia ni kakea onimakinaia, ni katinanikua karaoan te etieti ke n tannako mairoun te Atua e kona ni manga kateaki.…
“Kakimwareirein te euangkerio e kangai: ibukin te babaire ni kakukurei ae akea tokina ae katauraoaki iroun Tamara are i Karawa ae tangira ao rinanon te anga karea ae akea tiana are e anga Iesu te Kristo, tiaki n ae ti na ti kamaiuaki man ara bure ao ni kaokaki nakon te itiaki, ma ti kona naba ni karekea are iaon riki ae e iangoaki n te maiu ae mamate aei ao n riki bwa taan bwaibwai n te maiu are akea tokina ao taan bwaibwai ni mimitongin te Atua ae akea aron kabwarabwarana” (“He Will Place You on His Shoulders and Carry You Home,” Riaona, Meei 2016, 102).
Kanakoaraoan Ara Anga reirei
Maiuakina ae tau ibukin ana kairiiri te Tamnei. Ngkana ko maiuakina te euangkerio ma te kororaoi, ko tau ibukin ana iraoraoi te Tamnei, are bon te tia reirei ni koaua. Ngkai ko ukoukora Ana kairiiri te Tamnei ae Raoiroi, E na anganiko iango, namakin, ao iango ni karaoi bwaai aika mwaiti ni buokii kainnanoia naake ko reireiniia. (Taraa Teaching in the Savior’s Way, 5.)