“Okitobwa 24–30. Etekiera 1–3; 33; 34; 36–37; 47: ‘Ao N na Karina te Tamnei naba Ngkai Inanomi,’” Nakomai, Iriirai—Ibukin te Reirei n Tabati: Te O Tetemanti 2022 (2021)
“Okitobwa 24–30. Etekiera 1–3; 33–34; 36–37; 47,” Nakomai, Iriirai—Ibukin te Reirei n Tabati 2022
Nakomai, Iriirai, iroun Scott Sumner
Okitobwa 24–30
Etekiera 1–3; 33–34; 36–37; 47
“Ao N na Karina te Tamnei naba Ngkai Inanomi”
Ana taeka Etekiera e a tia ni kawakinaki iroun te Uea bwa iai bukina ae kakawaki ao e kona ni kakabwaiaia kaain am kiraati. Iangoa raoi aei ngkai ko kamatebwaia ana koroboki Etekiera n te wiiki aei.
Korei Am Namakin
Kaunga te Tibwatibwa
Aomata ake a ongo iroun Etekiera a taku bwa ana taeka a “tamaroa” ao e “rerei banaana,” “ma a [aki] tou mwiia” (taraa Etekiera 33:30–33). Kain te kiraati a kona n tibwa te bwai are a kunea n ana koroboki Etekiera are e kaungai nanoia bwa a na karaoa te bwai teuana.
Reirei te Reirei
Te Uea e kaoiira bwa tina kamwarakeia Ana tiibu.
Ni buokiia kaain te kiraati ni kunea ae kaineti nakoia inanon Etekiera34, ko kona ni koreia iaon te burakibooti waaki aika a kona n rinanona, n aron te katauraoi ni beku n te mition, kaikawaakiia ataei, ke karekean te beku ibukin te mwakuri n ibuobuoki. A kona kaain te kiraati n rinea teuana ae a na iango iaona ngkai a karaurau ni wareka Etekiera 34:1–10. Kaoia bwa a na tibwaia bwa tera taeka n reirei ni kaineti ma kiibu aikai are a na angan temanna ae e rinanon te waaki are atia n rineia. Tera ae nanonaki n ae ti kakamwarakeira ao tiaki kamwarakeia ana nanai te Uea? Ti na kanga n riki bwa taan kawakin tiibu n ai aron te Tia Kamaiu? (taraa kiibu 11–16).
Ko na bae n namakina ana kairi te tamnei n anga titiraki are e na buokiia kaain te kiraati ni iangoi nanon kanikinaa inanon Etekiera 34:11–31. Te katooto, tera ae e tei ibukin “uteuten te tawana ae raoiroi” ao “te ne ni wene ae raoiroi” kibu 14? Tera te kaokoro i marenan te tiibu ae “bua” ao temanna are e “kakioaki nako”? (kibu16). E kanga te Tia Kamaiu ni kamauia aekaki n tiibu aikanne? Kain te kiraati a kona n tibwai tabeua kanikinaa ake a kunei ni kiibu aikai ao ni marooro iaona bwa teraa nanon kanikinaa aikai are e reireiniia iaon Iesu Kristo.
Te Uea e ikoikotiia Ana aomata ao e anganiia te maiu ae boou.
-
Warekakin Etekiera37 ao iangoakin ana berita te Uea ni ikota Iteraera e kona n anganiira te nonori riki bwa tera nanon te ikoikoti ao ti kangaa ni ira buakona. Ni buokiia kain te kiraati bwa a na nonori aikai, ko kona ni korei titiraki iaon te burakibooti n aron Tera ae e kataia te Uea ni kakoroa bukina rinanon ikotakia Iteraera? E kanga ni kakoroa nanoa? Ko kona n tuangiia iteran te kirati bwa a na wareka Etekiera 37:1–14 ao ake iterana ni wareka Etekiera 37:15–28 ngkai a ukerii nonori tabeua inanon mwakoro aika uoua aikai are aanga nakon titiraki ake iaon te burakibooti. E kona ni ibuobuoki kabwarabwaraan ae ana kai Iotebwa ao Iuta are a taekinaki ni kiibu 16–19 a tei ibukin Ana Boki Moomon ao te Baibwara. Ngkai a tibwai aia reke kaain te kiraati, kaungaia bwa a na marooro iaon tibwangaia are a na karaoia iaon ikotaia Iteraera.
Etekiera e noria n te mii bwa te karaanga e biri man te tembora ao e kamaiua te Nama ae Mate.
Te tembora e uota te kamaiu nakon tamneira.
-
Tamnei a kona ni buokiia kaain te kiraati ni mataata iaon te mii are e kabwarabwaraaki n Etekiera 47:1–12. Te katooto, ko kona ni kaota tamnein te tembora, te karaanga, te rereua, ao te Nama ae Mate (tarai tamnei inanon te kamataata n te wiik aei inanon Nakomai, Iriirai—Ibukiia Aomata n Tatabemaniia ao Utu ao Tamnei man te Baibwara, nambwa 3, “Judean Wilderness“). E na ibuobuoki kabwarabwaraana bwa te Nama ae Mate e rangi n tarikoko ngaia are ika ao aroka a aki maeu iai. A kona kaain te kiraati ni wareki kiibu 1–12 ao n tibwaia bwa tera ae e anai nanoia iaon te ran are e kabwarabwaraaki n te mii (taraa naba Te Kaotioti 22:1 ao te rongorongo are inanon “Bwaai ni Ibuobuoki riki Tabeua”). A kona naba ni korea tamnein miin Etekiera. Tera ae tao e tei ibukin te ran? Tera te kai are e kabwarabwaraaki n te kibu12 ae e tei ibukina? Tao kaain te kiraati a kona n tibwauaia bwa e kangaa te tembora ao kakabwaia ake iai n tia n uota nakoia te maiu n tamnei ao ni kamaoi maneka.
Bwaai n Ibuobuoki Riki Tabeua
Kakabwaia n te tembora a kona ni buokiira.
Ni kaineti nakon te ran are e ranganako man te tembora ni miin Etekiera (taraa Etekiera 47:1–12), Unimwaane Dale G. Renlund e taekinna:
Uoua kabwarabwaraan te ran aika a kakaawaki ataakiia. Te moan, rinanon raanga n ran aika uarereke akea tiaia, a rikirake bwa karaanga aika korakora, n rikirake n rababa ao n nano n raangana. E riki naba aekaki aei ma te kakabwaia are a raanga man te tembora ngkai aomata nako a kabaeaki bwa utu. Rikirake aika uaana a na oki rikaaki ao ni waerake rinanon roroo ngkai otenanti ni kabaebae a kabaeia n ikotiia utu.
“Te kauoua, te karaanga e kabowi bwaai ni kabane ake e riingi. Kakabwaia n te tembora iai naba ana konabwai ae kamimi ni kamaoi maneka. Kakabwaia n te tembora e kona ni kamaoi naano ao maiu ao utu” (“Family History and Temple Work: Sealing and Healing,” Riaona, Meei 2018, 47–48; taraa naba te witeo “And the River Will Grow,” ChurchofJesusChrist.org).
Kanakoraoan Ara Anga reirei
Buokiia tabeman ni karekea te Tamnei. “N tabetai taan reirei a na kariiriaki ni iangoia ae bon wanawanaia ke aia kawai ke kateia ae e anaa nanoia ake a reireiniia. … Te kantaninga ngkai te tia reirei ngkoe tiaki karaoan te angareirei ae anainano ma ko na buokiia tabeman bwa ana karekea ana kakairi te Tamnei ae Raoiroi” (Teaching in the Savior’s Way, 10).