“Tebetembwa 26–Okitobwa2. Itaia 50–57: ‘E anai Rawawatara, ao E uouoti Nanokawakira,’” Nakomai, Iriirai—Ibukiia Aomata n Tatabemaniia ao Utu: Te O Tetemanti 2022 (2021)
“Tebetembwa 26–Okitobwa2. Itaia 50–57,” Nakomai, Iriirai—Ibukiia Aomata n Tatabemaniia ao Utu: 2022
The Mocking of Christ [Bwaningarean Kristo] iroun Carl Heinrich Bloch
Tebetembwa 26–Okitobwa2
Itaia 50–57
“E anai rawawatara, ao e uououti nanokawakira”
Iangoa raoi te atatai man Itaia 50–57 are e buokiko ni kaaniko ma te Tia Kamaiu. Korea am namakin ake ko karekei.
Korea Am Namakin
N iteran nako ana mwakuri, Itaia e taekina te tia kamaiu ae moan te korakora (n aron te katooto, Itaia 9:3–7). Taetae ni burabeti aikai a tara n onoti nakon aia katebubua n ririki kaain Iteraera imwiina riki ngke a tautoronaki i Bwaburon. Temanna are e kona ni kabwaka oon Bwaburon ni koauana ao e riki bwa te tia tokanikai ae moan te korakora. Ma anne tiaki aekan te Meetia are e kabwarabwara Itaia ni mwakoro 52–53: “E riribaki ao e kakiaki irouia aomata; te aomata ae nanokawaki, ao e ata naba te rawawata: ao a karaba mataia aomata mairouna.… Ti taku bwa e boaki man oreaki iroun te Atua, ao e karawawaraki” (Itaia 53:3–4). Man kanakomaian te tia kamaiu n akea kantaningakin, e reireiniira te Atua ibukin te kamaiu ae koaua. Ni kamanoira man te bwainikirinaki ao te karawawataki, te Atua e kanakomaia Temanna are Ngaia “e bwainikirinaki, ao … karawawataki.” Ngke tabeman a kantaninga te raian, E kanakomaia te tiibu te tei (taraa Itaia 53:7). Ni koauana, ana kawai te Atua bon tiaki ara kawai (taraa Itaia 55:8–9). E aki tii kainaomataira Iesu Kristo ni kauka te karabuuti ma e oneimwiira ikekei. E karaui nanora man tienin rawawatara ao te nanokawakira ni keiakin n uouoti n tii Ngaia (taraa Itaia 53:4–5,12). E irekereke ma kamaiuara ngaira n tatabemaniira. E karawawataki mangaira, n te mwakuri n “nanoanga n atataiaomata ae akea tokina “e na aki nako mai roum” (Itaia 54:8,10).
Iango ibukin te Kamatebwai i bon Iroum ni Koroboki aika Tabu
Taai aika a na roko e kakukurei ao iai te kantaninga ibukiia ana aomata te Uea.
E ngae ngke a kabanei ririki aika a mwaiti kaain Iteraera inanon te tautoronaki—ao e ngae ngke te tautoronaki anne e riki bon mai imwiin aia rinerine aika a buakaka—e tangiria te Uea bwa a na taraai taai aika a na roko ma te kantaninga. Tera rongorongo aika iai te kantaninga iai ake ko kunei n Itaia 50–52? Tera ae e reireiniira te Uea Ibukina inanon mwakoro aikai, ao bukin tera ngkai aio e anganiko te kantaninga? (taraa, n aron te katooto, Itaia 50:2, 5–9; 51:3–8, 15–16; 52:3, 9–10).
Ko kona naba ni korei ni karinani bwaai ni mwakoro 51–52 bwa te Uea e kaoa Iteraera ni karaoa ae iai te iango ibukin taai aika a na roko ao e bon riki. Bukin tera ngkai ko namakinna ae e kaoko te Uea bwa kona karaoia rinanon taeka aikai? N aron te katooto, n am iango tera ae nanonaki n “uti” ao “karina te korakora”? (Itaia 51:9; taraa naba Itaia 52:1; Reirei ao Berita aika Tabu 113:7–10). Bukin tera n am iango ngkai te kakao n “kakauongo” (ke “n ongora ma nanom n ongeaaba”) e kaokiokaki n taainako? (RussellM. Nelson, “Ongo Irouna,” Riaona, Meei 2020,89).
Tara naba Motiaea 12:20–24; 15:13–18; 3Nibwaai 20:29–46.
Because of Love [Ibukin te Tangira], iroun sculptor Angela Johnson
Iesu Kristo e katokaa Iaona au bure, marakiu ao nanokawakiu.
Iai tabeua mwakoron koroboki aika tabu ae a kabwarabwara ana mition Iesu Kristo ibukin kaboan maiura ae a rangi n tamaroa riki nakon Itaia53. Karekea am tai n iangoi raoi taeka aikai. Ma kiibu n tatabeua nako, tooki n iangoia bwa tera ae rootaki iai te Tia Kamaiu—te “rawawata,” “nanokawaki,” ao “riaoan te tua” E uouotia—ibukiia aomata ni kabane ao ai moarara riki bon ibukim. Ko kona n onei mwiin taeka n aron “ngaira” ao “ara” ma “Ngai” ao “au” ngkai ko wareware. Tera namakin ke iango are ko kaungaaki ni kiibu aikai? Ingaoia ni korei.
Ko na bae n tangiria n rinanoa Motiaea14; 15:1–13 n taraia bwa e kanga te burabeti ae Abinataai ni kabonganai ana taeka Itaia n reirei taekan te Tia Kamaiu.
Iesu Kristo e tangirai bwa N na oki nako Ina.
A bon bane n reke ara tai ngke ti namakina te raroa mairoun te Uea ibukin ara bure ao mamaarara. Tabeman a bwarannano n akea te kantaninga bwa E na bon kabwarai aia bure. Itaia54 ao57 bon mwakoro aika moan te korakora ni warekaki ibukin te kakoaua ao te kaunganano n aron taai akanne. Ma inanon Itaia 54:4–10; 57:15–19, tera ae ko reiakinna ibukin ana nanoanga te Tia Kamaiu ao Ana namakin ibukim? Tera te kaokoro ae riki nakon maium n atai bwaai aikai ibukina?
A kanga kakabwaia ni kabwarabwaraaki n Itaia 54:11–17 ni kaineti nakoim?
Te Uea e kaoia ni kabane “tautaua au berita.”
Ibukiia rooro, e a tia Iteraera ni kinaaki bwa ana aomata ni berita te Atua. E ngae n anne, n ana baibaire te Atua n taainako ao e karina ae mwaiti nakon ae tii teuana te aba, bwa “ngkami aika kam kani moi” a kaoaki n “nakomai … nakon ran” (Itaia 55:1). Iangoia n am iango ngkai ko wareka Itaia55 ao56, ao iangoia raoi tera ae nanonaki n riki bwa ana aomata ni berita te Atua. Tera ana rongorongo te Atua nakoia naake a namakina “te karaureaki” mai Irouna? (Itaia 56:3). Iangoia mwaakeni kiibu ake a kabwarabwarai anuaia naake a “tautaua au berita” (taraa Itaia 56:4–7).
Iango ibukin Kamatebwai ni Koroboki aika Tabu n te Utu ao te Bootaki n te Tairiki
-
Itaia 51–52.Ngkai ko maroroakina ana kakao te Uea inanon mwakoro aikai, ko kona ni kaoia kaain te utu bwa a na katea kaina. N aron te katooto, e na kanga aron ae “kam na kaeka matami nako karawa,” “uti, teirake,” ke “ko na ioa tanom”? (Itaia 51:6,17; 52:2). Teraa ae a reireiniira kibun taeka aikai ibukin iriiran Iesu Kristo?
-
Itaia 52:9.Imwiin warekan te kibu aei, a kona am utu n “kaai n anenea” te anene n taromauri ke aia boki n anene ataei are e uota te kimwareirei nakoia. Tera taian berita n Itaia52 e karikiira bwa ti na “karebwe nako ni kakatonga”?
-
Itaia 52:11; 55:7.Kiibu aikai a kona ni kairiko nakon kabwarabwaraan te mwakoro n taeka ae “Kam na itiaki” tera ae nanonaki iai. Ngkai e riki bwa iteran te kabwarabwara, ko kona n rinanoi atuun reirei inanon Ibukin Kakorakoraia Kairake (te boki ae uarereke, 2011) ke wareki koroboki aika tabu n taekan kakabwaia n te riki n itiaki n te maiu n tamnei (taraa 3Nibwaai 12:8; Reirei ao Berita aika Tabu 121:45–46).
-
Itaia53.Ni kamatataa ana kabwarabwara Itaia ibukin te Tia Kamaiu, a kona am utu ni maroroakinna bwa a kanga karaki, tamnei, ao tabeua bwaai ni kareke rongorongo n taainako ni kaotiia naake a ninikoria ni kamaiuia aomata. Ko kona ni kabotaua te kaokoro imarenan tamnei akanne ma kabwarabwaraan te Tia Kamaiu are ko warekia n Itaia53. Ko kona naba ni mataku n te witeo “My Kingdom Is Not of This World” (ChurchofJesusChrist.org) ao ni maroroakinna bwa a kanga taetae ni burabeti n Itaia53 ni kakoroaki bukiia. Tera tabeua rawawata ao nanokawaki are e uouotia te Tia Kamaiu ibukira?
-
Itaia 55:8–9.A kanga bwaai n taraa ni kaokoro ngke ko a mena n te tabo ae rietaata? Tera nanon aei iroum ae ana kawai te Atua ao ana iango a bon rietaata riki nakoira?
Ibukin iango aika a mwaiti riki ibukin reireinakiia ataei, taraa te kamataata n te wiiki aei n Nakomai, Iriirai—Ibukin te Moanrinan.
Te anene ae tamaroa “I Mimi N Ana Tangira,” Boki n Anene nambwa. 193.
Kanakoraoan Am Kamatebwai I Bon Iroum
Kabongana te katangitang. Te anene n taromauri e reirei reirein te euangkerio n ae korakora riki. Iangoia kakauongo nakon ke wareka taekan anenen te toa bwa e na buokiko n atai koaua ibukin ana Mwakuri ni kamaiu Iesu Kristo are e reiakinaki n Itaia53. (Taraa Reirei n ana Kawai te Tia Kamaiu, 22.)
His Light [Ootana], iroun MichaelT. Malm