“Okitobwa 10–16. Ieremia 1–3; 7; 16–18; 20: ‘Ngke I Tuai ni Karikiko I Nanon te Biroto ao I Ataiko,’” Nakomai, Iriirai–Ibukiia Aomata n Tatabemaniia ao Utu: Te O Tetemanti 2022 (2021)
“Okitobwa 10–16. Ieremia 1–3; 7; 16–18; 20,” Nakomai, Iriirai–Ibukiia Aomata n Tatabemaniia ao Utu: 2022
Ieremia, iroun Walter Rane
Okitobwa 10–16
Ieremia 1–3; 7; 16–18; 20
“Ngke I Tuai ni Karikiko I Nanon te Biroto ao I Ataiko”
Unimwaane DavidA. E taku Bednar: “Teuana te kawai are I ongo iai bwanaan [te Uea] bon man koroboki aika tabu. Koroboki aika tabu a kaman raweaki iai bwanaan te Uea” (“‘Hear Him’ in Your Heart and in Your Mind,” ChurchofJesusChrist.org).
Korei Am Namakin
N te moan, Ieremia e aki iangoia bwa e na riki bwa te burabeti ae raoiroi. “Noria, I babanga n taetae,” e rawa ngke e moan weteia te Uea (Ieremia 1:6). Te Uea e a manga kamatoa riki nakoina, “I a tia ni karina au taeka inanon wiim” (kibu9). Ieremia e namakinna bwa te “teei” ngaia ae babanga taetae (kibu6), ma te Uea e kabwarabwara bwa e a bon tauraoi nakon are e ataia—e a tia ni kaman tabuaki nakon te wewete aei riki imwain bungiakina (taraa kibu5). Ngaia are Ieremia e a katuka taekan maakuna ao e a butimwaea te wewete. E kauringa uean Ierutarem ao ana ibuonga bwa aia bakan raoiroi e na aki kamaiuia man te tiringaki. Te “teei” are e taku bwa e aki kona n taetae e a roko namakinan ana taeka te Atua “i [nanona] n ai aron te ai ae ura” ao n aki kona ni kainabwabu (Ieremia 20:9).
Ana karaki Ieremia bon ara karaki naba. Te Atua e kinaira, naba, imwain ae ti bungiaki ao e katauraoira bwa tina karaoa Ana mwakuri iaon te aba. Ibuakon bwai tabeua, te mwakuri anne bon te bwai are e a kaman nooria Ieremia: ikotakiia ana aomata te Atua temanna imwiin temanna, ni “kairi [ia] nako Tion” (Ieremia 3:14). Ao e ngae ngkana ti aki ataia raoi bwa tera ae tina karaoia ke n taekinna, “kona tai maaku…; bwa I memena iroum, bon ana taeka Iehova” (Ieremia 1:8,19).
Ni kakimototoan rongorongon ana boki Ieremia, taraa “Ieremia” n te Rikitinare n te Baibara.
Iango ibukin te Kamatebwai i bon Iroum ni Koroboki aika Tabu
Ieremia 1:4–19; 7:1–7; 20:8–10
Burabeti a weteaki bwa a na taekina ana taeka te Uea.
Ngkai ko warekia n Ieremia 1:4–19 taekan wetean Ieremia bwa e na riki bwa te burabeti, iangoa tibwangan te burabeti inanon maium. Tera ae ko reiakinna n taekan te burabeti man ana taeka te Uea nakon Ieremia? (taraa naba Ieremia 7:1–7). Ana kabwarabwara Ieremia e totokoaki n tainako (taraa Ieremia 20:8,10). Tera ae ko reiakinna man ana taeka Ieremia n Ieremia 20:9? Katikui n am iango iango aikai inanon am tai ni kamatebwai n ana reirei Ieremia. Tera ae ko kunei inanon reirei aikai ae kaungako bwa ko na iriia burabeti ni boong aika kaitira?
Te Atua e ataai imwain are I bungiaki.
Imwain ae bungiaki Ieremia, te Atua e ataia ao e rineia, ke e a kaman katabua, bwa e na kakoroa bukin tibwangana ae onoti iaon te aba (taraa Ieremia 1:5). Bukin tera n am iango e kakaawaki iroun Ieremia bwa e na ata aio?
Te Atua e a kaman ataiko naba imwain ae ko bungiaki ao e katabuko nakon te tibwanga ae onoti (taraa Aramwa 13:1–4; Reirei ao Berita aika Tabu 138:53–56; Aberaam 3:22–23). Tera te bitaki ae kona ni karaoia ataakin aei inanon maium? Ngkana koa tia ni karekea am kakabwaia n tamanuea, kona riai n tataro mwaaka n rinanona ao n tuanga te Atua bwa kona kanga ni kakoroa bukin te bwai are E katabuko bwa kona karaoia.
Taraa naba Gospel Topics, “Foreordination,” “Premortality,” topics.ChurchofJesusChrist.org.
Aomata n taai akekei i Iteraera a kabongana te tititen ni kawakina iai te ran ae kakaawaki.
“A kiitanai Ngai ae koburaken ran aika a maiu.”
N te aono ae karako iai te ran are a maeka iai kain Iteraera, aomata a kawakin aia ran i aan te aba ni nnen te ran ae aranaki bwa te tititen. Bukin tera karekean te ran man koburaken te ran e tamaroa riki nakon te katan iaon te tititen? Tera ae e nanonaki ni kiitanan “koburaken ran aika a maiu”? Tera n am iango te “nen ran aika tabwena” ae taekinaki n Ieremia 2:13 ae kona n tei ibukina? Ngkai ko wareka Ieremia2 ao7, ataia bwa a kanga aomata ni kitan ana koburake n ran te Uea aika maiu, ao iangoia bwa ko kanga ni karekei ran aika maiu inanon maium.
Ieremia7 e taetae nakoia naake a rin “ni mataroan ana auti te Uea … n taromauria Iehova” (Ieremia 7:2). Ma n taraakiia mai itinanikuia n aia kakaonimaki, a bon bure ni mwakuri aika buakaka aika korakora (tarai kibu 2–11). Tera kibu aika ko namakinna bwa te Uea e katauraoia ibukim inanon kibu 21–23?
Te Uea e na bobotiia Ana botanaomata.
Ngke e taetae ni burabeti Ieremia n ikotakiia kain Iteraera, e taku bwa ena bon rang ni kanuring riki nakon Otinakoia mai Aikubita (taraa Ieremia 16:14–15). Inanon te namakin naba anne, Beretitenti RussellM. E taku Nelson: “Ko kanakoaki nakon te aonaaba n te tai ae kakaawaki aei … ni buoka ikotakiia kain Iteraera. Bon akea bwaai aika a riki n te aonaaba aei n te tai aei ae e rangi n kakaawaki riki nakon [te ikotaki] anne. … Te ikoikoti aei e riai n iai nanona ae kakaawaki nakoim” (RussellM. Nelson ao WendyW. Nelson, “Hope of Israel” [te taromauri ibukin te roronrikirake n te aonaaba, Tuun3, 2018], raonakin riki are n te New Era ao Ensign, Aokati 2018,12, ChurchofJesusChrist.org).
Ngkai ko kamatebwaia Ieremia 3:14–18; 16:14–21, tera ae e riinga nanom ibukin ikotakiia kain Iteraera ni boong aika kaitira? Tera ae e taekinna kibu akanne iaon aron karaon te ikotaki anne? Tera riki iango aika a raka ake ko kunei n nikiran ana rongorongo Beretitenti Nelson akana a taekinaki i eta?
Iango ibukin Kamatebwai ni Koroboki aika Tabu n te Utu ao te Bootaki n te Tairiki
-
Ieremia 1:5.Ko kona ni kabongana te kibu aei ni maroro iaon maiura ma Tamara arei Karawa imwain ae ti bungiaki. Bwaai n ibuobuoki n aron “I Lived in Heaven” (Aia Boki n Anene Ataei,4) ao “Introduction: Our Heavenly Father’s Plan” (n Karaki man te Nu Tetemanti, 1–5) a kona n ibuobuoki. E kanga ataakin maiura imwain te maiu aei n roota arora ni maiu ni maiura n rabwata?
-
Ieremia 2:13; 17:13–14.Ni buokiia kain te utu n noori kibu aikai, ko kona ni kabwarabwara te bwai ae riki ngkana ko katuka te ran inanon te kaonteina ae raeuaki ke e uruaki. Tera ae e kona n tei ibukin te “koburake n ran ae maiu” ao “tititen ae uruaki”? (Ieremia 2:13). Ti kanga ni mooi man ana ran ni kamaiu te Uea?
-
Ieremia 16:16.Beretitenti RussellM. Nelson e a tia ni kabotauia taan akawa ao taan kaeman n te kibu aei nakoia mitinare ni boong aika kaitira (taraa “The Gathering of Scattered Israel,” Ensign kee Riaona, Nobembwa 2006,81). Kain te utu a kona ni “kakai” bwaai irarikin mweenga ao ni maroro iaon aron am kona n ibuobuboki n “akawaia” ao ni “kaeman” ibukiia kain Iteraera aika uamaenako.
-
Ieremia 18:1–6.N neweabai kiibu aikai, ko kona ni maroroakin ke ni kaotia bwa e kanga aron mwangko ni karaoaki. Tera ana rongorongo te Uea ibukiia kain Iteraera n Ieremia 18:1–6? Tera e nanonaki n riki bwa te bokaboka ni bain te Uea? (taraa naba Itaia 64:8). Ibukin te karaki teuana are e kabotauira bwa ana bokaboka te tia karao mwangko, taraa ana rongorongo Unimwaane RichardJ. Maynes “The Joy of Living a Christ-Centered Life” (Ensign ke Liahona, Nobembwa 2015, 27–30).
Ibukin iango aika a mwaiti riki ibukin reireinakiia ataei, taraa te kamataata n te wiiki aei n Nakomai, Iriirai—Ibukin te Moanrinan.
Te kuna are e rineaki: “Israel, Israel, God Is Calling,” Boki n Anene, no.7.
Kanakoraoan Ara Anga reirei
Kabonganai karaki. Te Tia Kamaiu e reirei n tainako bwa ti na kabonganai karaki. Iangoi karaki inanon maium are e kona ni karika te reirei n te euangkerio bwa e na maiu. (Taraa Reirei n ana Kawai te Tia Kamaiu, 22.)
“Nooria, aron te bokaboka inanon bain te tia karao mwangko, ao ai aromi naba inanon baiu, O te bata ae Iteraera” (Ieremia 18:6).