Iesu e reirei n te mwaneaba

Iesu n te Tabo n Taromauri i Natareta, iroun GregK. Olsen

Okitobwa 3–9

Itaia 58–66

“E na Nakomai te Tia Kamaiu ae te Tia Kabobo nako Tion”

Ngkai ko kamatebwaia Itaia 58–66, iangoia e kanga ana taeka Itaia ni uota te kimwareirei ao te kantaninga ibukin taai aika a na roko.

Korei Am Namakin

Ni moan ana mwakuri iaon te aba, Iesu Kristo e kawara te tinakoke i Natareta, te kaawa are E ikawairake iai. Ikekei e tei ni wareware man koroboki aika a tabu, kauka ana boki Itaia, ao e wareka te bwai are ti ataia ngkai bwa Itaia 61:1–2. Imwina e katanoata, “N te bong aei e a kakoroaki bukin ana taeka te Baibara aei inanon taningami.” Aio teuana ana katanoata te Tia Kamaiu ae rang eti bwa bon ngaia are E Rineaki, are e na “kanakoia akana a uruaki nanoia” ao “n tuangiia taenikai te kanakoaki” (taraa Ruka 4:16–21). Aio n te baibara ni koauana e koro bukina n te bong anne. Ao, n aekakiia burabeti ake tabeman aika a mwaiti n ana taetae ni burabeti Itaia, e reitinako ni kakoroaki bukiia inanon ara bong. Te Tia Kamaiu e reitinako ni kamaoi nanoia ake a uruaki nanoia ake a roko nako Ina. A mwaiti riki aika a kabaeaki ake a riai n tataekinaki te kainaomataaki nakoia. Ao iai te mimitong n taai aika a na roko are tina katauraoi nako iai—te tai are te Uea e na “karika karawa naba ngkai ao aonaaba naba ngkai” (Itaia 65:17) ao “e karikirakea te raoiroi ao te kamoamoaki i mataia bontanaomata ni kabaneia” (Itaia 61:11). Warekan Itaia e kaurei matara nakon te bwai are e a tia ni karaoi te Uea, n te bwai are E karaoi, ao ake E na karaoi ibukiia Ana aomata.

te aikaon ibukin te kamatebwai i bon iroum

Iango ibukin te Kamatebwai i bon Iroum ni Koroboki aika Tabu

Itaia 58:3–12

Te Aki Mamatam e uoti kakabwaia.

Kibu aikai a taekinna nakoia kaain Iteraera n taai akekei, bwa te aki mamatam e rawawata riki nakon te kakabwaia. Angiina mai iroura a kona ni kairekerekea te namakin anne n taai tabetai. Ngkana ko tangiria ni karekea nanona riki ao te kantaning n am aki mamatam, wareka Itaia 58:3–12 ni kakaea ana kaeka te Uea nakon te titiraki “Bukin tera ti aki mamatam?” N am taneiai, e kanga te aki mamatam ni “kabwara ana bwai ni kabaebae te buakaka ma “te kabane aamo n ururu i roumi”? (Itaia 58:6). E kanga te aki mamatam n uota te kakabwaia are e kabwarabwaraaki n Itaia 58:8–12? E kanga Itaia 58:3–12 ni bita aron am iango iaon te aki mamatam?

N ana rongorongo “Is Not This the Fast That I Have Chosen?” (Riaona, Meei 2015, 22–25), Beretitenti HenryB. Eyring e tibwai tabeua katooto n aroia aomata ake a tia ni kakabwaiaki man te aki mamatam ao te anganano n te aki mamatam. E kanga n tia ni karekei kakabwaia n aron aikai inanon maium?

Taraa naba Atuun Reirei n te Euangkerio, “Aki Mamatam ao Mwane n anganano ibukin te Aki Mamatam” (topics.ChurchofJesusChrist.org).

Itaia 59:9–21; 61:1–3; 63:1–9

Iesu Kristo bon au Tia Kamaiu ao te Tia Kabooai.

N Itaia 58–66 kona kunei booki aika a mwaiti ibukin ana mwakuri ni kamaiu Iesu Kristo. Aikai tabeua katooto, n raonaki ma tabeua titiraki ake a na buokiko n iangoia.

• Itaia 59:9–21. Ko na kanga ni kauarerekea aron te namakin n tamnei irouia aomata ake a kabwarabwaraaki n kibu 9–15? Tera ae katika nanom n kabwarabwaraan te “tia ibuobuoki” n kibu 16–21 ao te berita are E karaoi ma naake a rairaki nako Ina?

• Itaia 61:1–3. E kanga Iesu Kristo n tia ni kakabwaiako n aro ake a kabwarabwaraaki inanon kiibu aikai? Tera “uarongorongo aika raraoi” aika E a tia ni uotii nakoim? E kanga n tia n anganiko te tamaroa inanon te tabo ae mannang?

• Itaia 63:7–9. Tera “ana atataiaomata te Uea” are ko kona n taekinna? Tera namakin ibukin te Tia Kamaiu ae a roota nanom man kiibu aikai?

Tera kabotau riki nakon te Tia Kamaiu aika ko kunei inanon Itaia 58–66?

Taraa naba Motiaea 3:7; Reirei ao Berita aika Tabu 133:46–53.

te aine ngke e kaura te taura te nenea man bain te mwane

“Bon otam ae akea tokina Iehova” (Itaia 60:19). A Gift of Light, iroun Eva Timothy

Itaia60; 62

“Bon otam ae akea tokina Iehova.”

Itaia60 ao62 a taekina te ota n te roo, ao mata ao nonoori, ao e reirei aron ana euangkeiro Iesu Kristo are e na kakabwaia te aonaaba ni boong aika kaitira. Taratarai reirei aikai riki n Itaia 60:1–5, 19–20; 62:1–2. Ngkai ko wareki kiibu aikai, iangoia bwa e kanga te Atua n ikotiia Natina ni kaotinakoia man te roo nakon Otana. Tera tibwangam n te mwakuri aei?

Taraa naba 1Nibwaai 22:3–12; 3Nibwaai 18:24; Reirei ao Berita aika Tabu 14:9; BonnieH. Cordon, “That They May See,” Riaona, Meei 2020, 78–80.

Itaia 64:1–5; 65:17–25; 66

Kristo e na tautaeka iaon te aba n tain te Mireniam.

Itaia e taekina te bong are a na “mwanuokaki rawawata ake rimoa” (Itaia 65:16). Ngkai te taetae ni burabeti aei tabeua a tia ni koro bukiia, n nanona ae bwanin, bwa e na roko te bong—are e na roko iai Iesu nako aon te aba ao e na katea te tai n te rau ao te raoiroi ae e aranaki bwa te Mireniam. Itaia e kabwarabwara te bong ae e na roko aei n Itaia 64:1–5; 65:17–25; 66. Nooria n tainako e kabonganai taeka n aron “kakatonga” ao “kimwareirei.” Iangoia bukin tera okin te Tia Kamaiu e na riki bwa te bong ni kimwareirei nakoim. Tera ae ko kona ni katauraoia ibukin Rokona?

Taraa naba Taekan te Onimaki 1:10; RussellM. Nelson, “The Future of the Church: Preparing the World for the Savior’s Second Coming,” Ensign, Apr. 2020, 13–17.

te aikaon ibukin te kamatebwai n te utu

Iango ibukin Kamatebwai ni Koroboki aika Tabu n te Utu ao te Bootaki n te Tairiki

Itaia 58:3–11.Kain te utu a kona ni matata riki n ana rongorongo Itaia iaon te aki mamatam ngkana a karaoa aekakin te aki mamatam are e kabwarabwaraaki n Itaia 58:3–5 ao aekakin te aki mamatam are e kabwarabwaraaki n Itaia 58:6–8. Tina kana ni karaoa ara aki mamatam bwa e na riki bwa aeakin riki “ana aki mamatam are e a tia n rineia [te Atua]”? Tera kakabwaia aika ti a tia n noori man te aki mamatam?

Itaia 58:13–14.Tera te kaokoro imarenan “kakaean oin kukurei[ra]” ao kakaean “te kakukurei … inanon te Uea” n te Tabati? Tina kanga ni karaoa te Tabati “bwa te kakukurei”?

Itaia 60:1–5.Ngkai ko wareka Itaia 60:1–3, a kona kain te utu ni kaura te taura ngana e taekinaki n te kibu ao n tiringnga ngkana e taekinaki n te kibu te rotongitong. E na kanga ana euangkerio Iesu Kristo n riki na ron te ota nakoira? Tera ae a kaman nooria ae e na riki ngkai ana aomata te Atua a tibwaua otan te euangkerio? (taraa Itaia 60:3–5).

Itaia 61:1–3.E kanga n tia ni kakoroa bukin ana taetae ni burabeti Itaia te Tia Kamaiu ni kiibu aikai? Ko kona ni kaoia kain te utu bwa a na tarai tamnein te Tia Kamaiu are a namakinna bwa e kabwarabwarai kantaninga n Ana mwakuri (tamnei a kona n reke n ana maekatiin te Ekaretia ke n te Bokin Tamnein te Euangkerio). Ko kona naba n anenea te kuna iaon aron te Tia Kamaiu ni kakabwaiaira, n aron “I Feel My Savior’s Love” (Aia Boki n Anene Ataei, 74–75).

Ibukin iango aika a mwaiti riki ibukin reireinakiia ataei, taraa te kamataata n te wiiki aei n Nakomai, Iriirai—Ibukin te Moanrinan.

Te kuna are e rineaki: “When He Comes Again,” Aia Boki n Anene Ataei, 82–83.

Kanakoraoan Am Kamatebwai I Bon Iroum

Katauraoa am otabwanin. Bwaai ake a otabwaniniira a kona n roota ara konabwai ni kamatebwai. Kakaea am tabo ni kamatebwaia koroboki aika tabu are ko na kona n namakina iai ana wirikiriki te Tamnei. (Taraa Reirei n Ana Kawai te Tia Kamaiu, 15.)

Iesu i karawa

“Tei rake, ota; bwa e a roko otam, ao e oti mimitongin Iehova iaom” (Itaia 60:1). Ota ao te Maiu, iroun Mark Mabry