“Okitobwa 17–23. Ieremia 30–33; 36; Baebaeti 1; 3: ‘N na Onika Nanokawakiia n te Kimareirei,’” Nakomai, Iriirai–Ibukiia Aomata n Tatabemaniia ao Utu:Te O Tetemanti 2022 (2021)
“Okitobwa 17–23. Ieremia 30–33; 36; Baebaeti 1; 3,” Nakomai, Iriirai—Ibukiia Aomata n Tatabemaniia ao Utu: 2022
The Cry of Jeremiah the Prophet, from an engraving by the Nazarene School
Okitobwa 17–23
Ieremia 30–33; 36; Baebaeti1; 3
“N na Onika Nanokawakiia n te Kimareirei”
Ngkai ko korei am namakin, iangoia bwa a kanga aia reirei Ieremia ao Baebaeti n irekereke nakon bwaai tabeua ake ko reiakin n Te O Tetemanti.
Korei Am Namakin
Ngke e moan wetea Ieremia te Uea bwa e na riki ni burabeti, E tuangnga bwa ana mition e na “taetaeki ma n ururu” (Ieremia 1:10)—ao i Ierutarem, e mwaiti te buakaka n taetaeki ma n ururu. Ma aio bon tii iteran ana mition Ieremia—e weteaki naba bwa e na “kateitei, ao n ununiki” (Ieremia 1:10). Tera ae kona ni kateaki ao unikaki n te tabo ae uruakaki man kamaroaa are e kitanaki man ana kaakaitara Iteraera? N ae ti te arona, ngkana te bure ke te kaaitara a uruani aron maiura, ti na kanga ni manga kateia ao n ununiki riki? Te kaeka e katan iaan “te Bwebwe ae Raoiroi” (Ieremia 33:15), te Meetia ae e taekinaki n te berita. Te Meetia e uota “te berita nabangkai” (Ieremia 31:31)—teuana ae kainnanoa ae riaon riki te motinnano ae akea n ai arona ke taraakin am anganano mai itinanikum. Ana tua a riai n “rin i [nanora],”ni koreia “i [nanora].” Anne raoi ae nanonaki ibukin te Uea n “riki bwa [Atuara]” ao ngaira n “riki bwa [Ana] aomata” (Ieremia 31:33). Bon te waaki ni karokoa tokin maium, ao ti na teimatoa ni karaoi kairua ao ni karika ae ti na tang man te tai teuana ma teuana. Ma ngkana ti karaoia, ti karekea te berita aei mairoun te Uea: “N na Onika Nanokawakiia n te Kimareirei” (Ieremia 31:13).
Ibukin rinanoan Baebaeti, taraa “Baebaeti, Ana boki” n te Kairi nakon Koroboki aika Tabu (scriptures.ChurchofJesusChrist.org).
Iango ibukin te Kamatebwai i bon Iroum ni Koroboki aika Tabu
Te Uea e na kaotinakoa Iteraera man te tautoronaki ao ni bobootiia.
N Ieremia 30–31; 33 te Uea e ataa te “tang, ma te tanginiwenei” (Ieremia 31:15) are a rinanona Iteraera ngkai a mena inanon te tautoronaki. E ngae n anne, E anga taeka ni karaunano ao te kantaninga. Tera mwakoro n taeka ni mwakoro aikai ae ko taku bwa e anganiia Iteraera te kabebeteaki n nano ao te kantaninga? Tera berita ake ko kunei mairoun te Uea nakoia Ana aomata? A na kanga berita aikai ni kaineti nakoim?
“ … Ao ane kam na riki bwa au aomata, ao Ngai N na riki bwa Atuami.”
E ngae ngke a tia I-Iteraera n urui aia berita ae tabu ma te Uea, e taetae ni burabeti Ieremia bwa te Uea e na manga katea riki ae “boou” ao “te berita ae tabu ae akea tokina” ma Ana aomata (Ieremia 31:31; 32:40). Te berita ae tabu ae akea tokina ae boou aei bon “bwaninin ana euangkerio Iesu Kristo [taraa Reirei ao Berita aika Tabu 66:2]. E boou ni katoa tai are e kaotaki iai boouna imwiin tain kitanan te koaua. Bon akea tokina n te kantaninga are bon ana berita ae tabu te Atua ao e kakukurei aron te waaki ni katoa bongin te euangkerio are aomata a tauraoi nanoia ni butimwaia” (Kairi nakon Koroboki aika Tabu, “Te Berita ae Tabu ae Boou ao Akea Tokina,” scriptures.ChurchofJesusChrist.org; e kairaki te itaeriki).
Ngkai ko wareka Ieremia 31:31–34; 32:37–42, iangoia raoi tera nanona iroum ae ko na riki bwa mwakoron ana aomata ni berita te Atua. A kanga kiibu aikai n roota aron taraan am reitaki n am berita ae tabu ma te Atua? Tera nanon ae ti na karekei Ana tua bwa a na koreaki inanora? (taraa Ieremia 31:33).
Taraa naba Ieremia 24:7; Ebera 8:6–12.
A kona koroboki aika tabu ni kaungaira n rairinanora ao n rairaki nakon te Uea.
Iai mwaakan koroboki aika tabu ni kararoaai man te buakaka.
Te Uea e tuanga Ieremia bwa e na korei ana taetae ni burabeti n “te nira ni boki,” ke te ninira ni boki, ni kabwarabwara bwa ngkana aomata a ongo taetae ni burabeti aikai, “karaoia nako iai bwa …aonga ni bane n oki mani kawaiia aika bubuaka; ba I aonga ani kabara aia buakaka ma aia bure” (Ieremia 36:2–3). Ngkai ko wareka Ieremia36, iangoia n ataia bwa a kanga aomata aika imwiina n namakini taetae ni burabeti aikai:
Te Uea:
Ieremia:
Baruka:
Ieuri ao te Uea Ieoiakim:
Erenatan, Teraia, ao Kemaria:
Iangoia raoi e kanga aron am namakin ibukin koroboki aika a tabu ao aia mwakuri inanon maium. A kanga ni buokiko ni kararoako man te buakaka?
Taraa nabaJulieB. Beck, “My Soul Delighteth in the Scriptures,” Ensign ke Riaona, Meei 2004, 107–9.
E kona te Uea ni katoka te nanokawaki are ti namakinna ibukin te bure.
Ana boki Baebaeti bon taian boem aika a rikoaki ake a koreaki imwiin uruakan Ierutarem ao ana tembora. Bukin tera ngkai n am iango a kakawaki baebaeti aikai ngkai a kawakinaki ao ni karinaki n Te O Tetemanti? Iangoia tera taeka ni kabootau ae kananonaaki ni Baebaeti1 ao3 ni buoka otam ibukin namakinan te nanokawaki ae moan te korakora iroun Iteraera. Tera taian rongorongo n te kantaninga inanon Kristo ake ko kunei? (taraa riki Baebaeti 3:20–33; taraa naba Mataio 5:4; Iakobo 4:8–10; Aramwa 36:17–20).
Iango ibukin Kamatebwai ni Koroboki aika Tabu n te Utu ao te Bootaki n te Tairiki
-
Ieremia 31:3.E kanga Tamara are i Karawa ao Iesu Kristo ni kaota Aia “tangira ae akea tokina” ibukira? Ni kaotii tamnein bwaai ake e karikii Kristo ibukira ke ake e karaoi n tain Ana mwakuri n te maiu ae mamate a kona ni buoka am utu n namakina Ana “burimauniko n te atataiaomata.”
-
Ieremia 31:31–34; 32:38–41.Iangoia ni korei ni karinani bwaai inanon kiibu aikai are e berita te Uea ngke ti karaoa ara berita ae tabu ma Ngaia. Tera ae a reireiniira rongorongo aikai iaon kakawakin ara berita aika tabu?
A kona kaain am utu ni korea naba (ke ni korea te tamnei) iaon te aati beeba te bwai ae kaota aron aia namakin ibukin te Tia Kamaiu. Tera nanon ae ti na karekei Ana tua bwa a na koreaki inanora? (taraa Ieremia 31:33). Ti na kanga ni kaotia nakon te Uea bwa ti tangiria ni kan riki bwa Ana aomata?
-
Ieremia36.Ko kanga ni kabongana Ieremia36 ni buokiia am utu n reiakina kakawakin koroboki aika tabu? (taraa, n aron te katooto, kiibu 1–6, 10, 23–24, 27–28,32). Ko na bae n tuanga temanna kaain am utu bwa e na wareka te kibu man te mwakoro aei inanon are ngke temanna riki kaain am utu e tabe ni koreia, n aron Baruka n te bwai are e karaoia ibukin Ieremia. Bukin tera ngkai ti kakaitau ibukin aia konabwai aomata n aron Baruka, are e kawakin aia taeka burabeti? Tera ae ti kona ni karaoia ni kaotia nakon te Uea bwa ti kawakin Ana taeka ni koroboki aika tabu?
-
Baebaeti 3:1–17, 21–25, 31–32.N aron te utu, ko na bae ni maroroakina aron te namakin are e kabwarabwaraki ni Baebaeti 3:1–17 n irekereke nakon namakin are ti karekei ngkana ti karaoa te bure. A kanga rongorongo inanon kiibu 21–25, 31–32 n rooti maiura?
Ibukin iango aika a mwaiti riki ibukin reireinakiia ataei, taraa te kamataata n te wiiki aei n Nakomai, Iriirai—Ibukin te Moanrinan.
Te anene ae katauaki: “I Feel My Savior’s Love,” Aia Boki n Anene Ataei, 74–75.
Kanakoraoan Am Kamatebwai I Bon Iroum
Ukora te kaotioti. Ngkai ko iango ni karokoa banen te bong ae, ko na bae ni karekei iango riki tabeua ao namakin ibukin koroboki aika tabu ake ko kamatebwaii. Tai iangoa kamatebwaian te euangkerio bwa te bwai ae ko na karekea taina ma te bwai ae ko na kakaraoia n taainakio. (Taraa Reirei n Ana Kawai te Tia Kamaiu, 12.)
E tang n Nanoanga Ieremia ibukin Uruan Ierutarem, iroun Rembrandt van Rijn