Tanielu o loo faamatala le miti a le tupu

Ua Faamatala e Tanielu le Miti a Nepukanesa, saunia e Grant Romney Clawson

31 Oketopa–6 Novema

Tanielu 1–6

“Aua e Leai se Isi Atua Na te Mafai Ona Laveaiina”

E toatele tagata o le vasega o le a masani i nisi o tala i le tusi o Tanielu. A o e suesue ma saunia e aoao atu, saili le taitaiga a le Agaga pe mafai faapefea ona e fesoasoani i tagata o le vasega e maua uiga patino mai nei mataupu.

Tusi Faamaumau Ou Lagona Uunaia

aikona o le fefaasoaai

Valaaulia le Fefaasoaai

E mafai ona fesoasoani le valaaulia o tagata o le vasega e faasoa mai pe o faapefea mai a latou suesuega o tusitusiga paia patino ma faaleāiga. Pe a faasoa mai e tagata o le vasega se manatu i se mea na aoaoina ai i latou e le Agaga i lenei vaiaso, e mafai ona e fesili ia i latou i mea na latou faia na taitai atu ai i na manatu.

aikona o le aoao atu

Aoao Atu le Aoaoga Faavae

Tanielu1; 3; 6

E mafai ona tatou faalagolago i le Alii pe a luiina lo tatou faatuatua.

• Ina ia amata se talanoaga i le ala na faaalia ai e Tanielu, Sataraka, Mesako, ma Apeteniko le faatuatua i le Alii, e mafai ona e fai i nisi o tagata o le vasega e otooto mai luitau na feagai ma nei alii e toafa, i le Tanielu1, 3, ma le6. Aisea o le a faigata ai le faatuatua i nei tulaga? O a tulaga o tatou feagai e luitau ai lo tatou faatuatua? E mafai e tagata o le vasega ona suesue le Tanielu 1:10–13; 3:15–18; 6:10, ma vaai pe na faapefea ona tali atu nei alii e toafa i o latou luitau. E faapefea ona mafai ona fesoasoani a latou faataitaiga ia i tatou i a tatou taumafaiga ia avea ma ni soo faatuatua o Iesu Keriso?

• O le toatele o i tatou, e pei o Tanielu ma ana uo, na lagonaina le mamafatū o le teena o a tatou tulaga faatonuina. O a nisi o punāvai o lenei mamafatū i o tatou olaga? Ina ia fesoasoani i tagata o le vasega e aoao mai le faataitaiga a Tanielu ma ana uo, e mafai ona e vaevaeina le vasega i ni vaega se tolu ma tofia vaega taitasi e iloilo se tasi o nei mataupu: Tanielu1, 3, or6. Na faapefea ona faamanuia e le Alii Tanielu, Sataraka, Mesako, ma Apeteniko ina ua latou filifili ia faatuatua e ui lava i le faigata na latou feagai? E mafai e vaega taitasi ona faasoa mai i le vasega mea na latou maua. Ona mafai lea e tagata o le vasega ona fefautuaa’i faatasi pe faapefea ona tumau i le faatuatua e ui i faigata faaagafesootai po o isi ituaiga o faigata. E mafai foi ona latou talanoaina le taua o le sailia o uo lelei o le a lagolagoina i tatou i o tatou tulaga faatonuina.

Tanielu2

O Le Ekalesia a Iesu Keriso o le Au Paia o Aso e Gata Ai o le malo lea o le Atua i le lalolagi.

• O le talanoaina o le Tanielu2 e mafai ona fesoasoani i lau vasega ia malamalama i le ala ua faataunuuina ai e le Ekalesia a Iesu Keriso o le Au Paia o Aso e Gata Ai lona taunuuga o le maa na valoia “na tofia le maa i le mauga” (fuaiupu45). Ina ia amata, e mafai ona e iloiloina o se vasega le faamatalaga a Tanielu ma le faaliliuga o le miti a Nepukanesa, i le Tanielu 2:31–45. Ona mafai lea ona e faaali atu se ata o se maa (pe tusi se ata i le laupapa). Valaaulia tagata o le vasega e faasoa mai mea na latou aoaoina e uiga i le malo o le Atua i le faatusatusaina i faamatalaga o le maa i le Tanielu 2:34–35, 44–45. Atonu e iloa e tagata o le vasega se talafaasolopito o le Ekalesia i lou eria e mafai ona latou faasoa mai. O faapefea ona tatou vaaia le faataunuuina o valoaga a Tanielu i o tatou olaga taitoatasi?

Tanielu 2:1–30

O le mauaina o faaaliga e manaomia ai le saunia faaleagaga.

• Atonu o le a aogā i tagata o le vasega le aoao e uiga i le ala na saunia ai Tanielu lava ia e maua le faaaliga na manaomia e faamatala ai ma faaliliu le miti a Nepukanesa. E mafai ona e amata i le fai atu i tagata o le vasega e iloilo le Tanielu 2:1–15 ona faasoa mai lea o o latou lagona pe a latou maua i latou lava i le tulaga o Tanielu. Valaaulia i latou e suesue le Tanielu 2:16–18 e aoao ai i le mea na fai e Tanielu. O a mea ua tatou aoao mai le Tanielu 1:17 e uiga i le ala na saunia ai e le Atua Tanielu? O le a se mea e mafai ona tatou aoao mai ia Tanielu e mafai ona fesoasoani ia i tatou a o tatou sailia faaaliga patino? O le a se mea e mafai ona tatou aoao mai upu ma faatinoga a Tanielu ina ua uma ona ia maua le fesoasoani a le Alii? (tagai Tanielu 2:20--30).

tama e toafā i se laulau o loo teena aano o manu na ofo atu e se alii

Atatusi o Tanielu ma ana uo o loo teena meaai a le tupu, saunia e Brian Call

Tanielu3

Pe a le mautinoa le taunuuga, e mafai lava ona filifili le faatuatua.

• O le aafiaga o Sataraka, Mesako, ma Apeteniko i le Tanielu3 e mafai ona fesoasoani i tagata o lau vasega ia sili atu ona malamalama atoatoa i le uiga o le maua o le faatuatua ia Iesu Keriso. E mafai ona e valaaulia tagata o le vasega e otooto le luitau na feagai ma Sataraka, Mesako, ma Apeteniko (tagai Tanielu 3:1–12) ona talanoaina lea o le ala na latou tali atu ai (tagai Tanielu 3:13–18). O le a se mea e mafai ona tatou aoao e uiga i le faatuatua mai le tali a nei tagata? E mafai ona e tusia i le laupapa ia fuaitau E mafai e le Atua ona… ma Ae afai e leai… mai fuaiupu 17–18. E mafai e tagata o le vasega ona fautuaina le ala e mafai ona latou faatumu ai avanoa i tulaga atonu latou te feagai. Mo se faataitaiga, e mafai ona latou fautuaina “E mafai e lo tatou Atua ona tali uma a’u fesili” ma “Ae afai e leai, o le a ou faalagolago ma le onosai ia te Ia.” A o faasoa mai e tagata o le vasega faataitaiga, uunaia i latou e talanoa i le ala e lagolago ma faamalosia ai i tatou e le Faaola e tusa lava pe tatou te le iloa le taunuuga o mea.

Faaleleia o Lo Tatou Aoao Atu

Faaaoga mea faitino. “O faatufugaga, e aofia ai ata, vitio, ma tala faatino, e mafai ona fesoasoani e faaaofia mai ai tagata aoao—aemaise lava tagata aoao e mafai ona vaai—ma faia tala faatusipaia ia sili atu ona manatuaina” (Aoao Atu i le Ala a le Faaola, 22).