fofoga o Iesu ua suluia e moliga’o i le potu pogisa

Areto o le Ola, saunia e Chris Young

14–20 Novema

Amosa; Opetaia

“Ia Outou Saili ia Ieova, Tou Te Ola Ai”

A o e suesue i le Amosa ma Opetaia, ia mataala i uunaiga i mea e tatau ona e aoao atu i tagata o lau vasega. Ia faamaumau nei manatu, ma vaavaai mo avanoa e faasoa atu ai ia i latou i lau vasega o le Aso Sa.

Tusi Faamaumau Ou Lagona Uunaia

aikona o le fefaasoaai

Valaaulia le Fefaasoaai

E pei lava ona tuuina atu e Amosa ma Opetaia ni lapataiga i tagata i o la aso, ua tuuina mai foi e a la upu ni lapataiga ia i tatou i le asō. E mafai ona e valaaulia tagata o le vasega e faasoa mai ni aoaoga mai le Amosa ma Opetaia e faatatau ia i tatou.

aikona o le aoao atu

Aoao Atu le Aoaoga Faavae

Amosa 3:7–8; 7:10–15

E faaali mai e le Alii upumoni e ala mai i Ana perofeta.

• Valaaulia tagata o le vasega e faasoa mai ni upumoni e uiga i perofeta na latou maua ia latou suesuega patino pe faaleāiga o le Amosa3 ma le Amosa7. E mafai ona e faia se lisi o a latou tali i luga o le laupapa. O a isi upumoni e uiga i perofeta ua tatou iloa? (Mo ni manatu, tagai i le tusiga o le Gospel Topics “Prophets” [topics.ChurchofJesusChrist.org].) Uunaia ni nai tagata o le vasega e faasoa mai le ala na maua ai a latou molimau i le tāua o le matafaioi a perofeta i le fuafuaga a le Atua.

• E ono mafai faapefea ona tatou faasoa atu i se uo pe aisea e taua ai le i ai o se perofeta i o tatou aso? E mafai ona e lisi i le laupapa ni fesili e ono fai mai e se tasi e le auai i le Ekalesia e uiga i perofeta. E faapefea ona tatou taliina nisi o nei fesili e faaaoga ai le Amosa 3:7–8 ma le 7:10–15?

• I le avea ai o se vaega o la outou talanoaga i perofeta, e mafai ona e faasoa atu se tasi o nei vitio: “We Need Living Prophets” po o “Words of the Prophets” (ChurchofJesusChrist.org). Ua faapefea ona fesoasoani perofeta o aso e gata ai ia i tatou e faalatalata atili ia Iesu Keriso?

Amosa5; 8:11–12

O le liliuese e pei o se oge i le faalogo i afioga a le Alii.

• Ina ia amata se talanoaga i le oge na faamatalaina e Amosa i le Amosa 8:11–12, atonu e mafai ona e iloaina e fesoasoani le iloilo puupuu o le tulaga faaleagaga o tagata na ia tala’i i ai. Na faapefea ona liliuese Isaraelu mai le Alii? (tagai, mo se faataitaiga, Amosa 2:6–8; 5:11–12). Aisea e tāua ai le iloa e uiga i lo latou pa’u’ū? Ona mafai lea ona faitau e tagata o le vasega le Amosa 8:11–12 ma talanoa pe aisea e avea ai le “oge” ma le “galala” o ni upu lelei e faamatala ai le tulaga o i latou e liliuese mai le Alii. E mafai foi e tagata o le vasega ona suesue le Amosa5 mo fuaiupu e mafai ona fesoasoani ia i tatou e aloese mai ai i le liliuese i o tatou olaga (tagai, mo se faataitaiga, fuaiupu 4, 11–12, 14–15, 25–26).

• O le malamalama i le oge faaleagaga lena e o mai faatasi ma le liliuese e fesoasoani ia i tatou e malamalama ai i le taumafataga faaleagaga tatou te olioli ai ona o le Toefuataiga. E mafai ona e tusia i le laupapa ni nai fesili i le Liliuese ma le Toefuataiga, e pei o le Aisea na i ai le Liliuese? O le a le aafiaga o le Liliuese i fanau a le Atua? O le a le aafiaga o le Toefuataiga? Uunaia tagata o le vasega e sue tali i nei fesili ma isi e faaaoga ai punaoa e pei o nei: “O le Sāvali o le Toefuataiga o le Talalelei a Iesu Keriso” i le mataupu3 o le Tala’i La’u Talalelei ([2019], 36–39); the Gospel Topics article “Apostasy” (topics.ChurchofJesusChrist.org); le vitio “The Great Apostasy” (ChurchofJesusChrist.org); ma le upusii i le “Punaoa Faaopoopo.” Valaaulia tagata o le vasega e talanoa i upumoni na toefuataiina i o tatou aso e faapitoa lava le tāua ia i latou.

vaega o talavou o loo tutū i luma o le malumalu

E mafai ona avea i tatou ma faaola i Luga o le Mauga o Siona i le faia o galuega o le malumalu ma talafaasolopito.

Opetaia 1:21

“E o a’e foi faaola i le Mauga o Siona.”

• Aisea e avea ai le fuaitau “faaola … i le mauga o Siona” (Opetaia 1:21) o se faamatalaga lelei mo i tatou pe a tatou faia galuega o le malumalu ma talafaasolopito o aiga? E faapefea e galuega tatou te faia mo o tatou tua’ā i le malumalu ona fesoasoani tatou te lagona ai le latalata atili i le Faaola o Iesu Keriso? E mafai e tagata o le vasega ona faasoa mai ni aafiaga na latou oo i ai talu ai nei a o faia galuega i le malumalu ma talafaasolopito o aiga.

aikona o punaoa faaopoopo

Punaoa Faaopoopo

Lesona mai aso ua mavae.

Na aoao mai Peresitene M. Russell Ballard:

“I se taimi puupuu o tausaga na aofia i le Feagaiga Fou, … sa fulitua ai tagata ia Keriso ma Ana Aposetolo. Sa matua telē lava le faaletonu lea ua tatou ta’ua o le Liliuese Tele, lea na taitai atu ai i le tele o seneturi o le paiē ma le valelea faaleagaga e ta’a o le Vaitau o le Pogisa.

“…E alofa lo tatou Tama Faalelagi i Ana fanau uma lava, ma e finagalo o Ia ia latou maua uma faamanuiaga o le talalelei i o latou olaga. E le o aveesea le malamalama faaleagaga ona ua tuulafoai e le Atua ia Lana fanau. Ae, e tupu le pogisa faaleagaga pe a fulitua uma Lana fanau ia te Ia. O se taunuuga masani o filifiliga leaga na faia e tagata taitoatasi, nuu, atunuu, ma tagata uma lava. Ua faafia ona faamaonia lenei mea i le āluga o le olaga. O se tasi o lesona maoa’e o lenei mamanu iloga o le, o a tatou filifiliga, o se tagata toatasi pe o tagata uma foi, e iu ai i taunuuga faaleagaga mo i tatou lava ma a tatou fanau” (Aoaoina o Lesona o Aso ua Mavae,” Liahona, Me 2009, 32).

Faaleleia o Lo Tatou Aoao Atu

Fesoasoani i tagata aoao ia iloa le Agaga Paia. “A o musuia e le Agaga Paia, fai atu i tagata aoao poo a ni o latou lagona ma poo a ni mea ua musuia i latou e fai. Fesoasoani ia i latou e faafesootai o latou lagona faaleagaga ma le faatosinaga a le Agaga Paia” (Aoao Atu i le Ala a le Faaola, 11).