ta’ata ne’e i te pae tahatai ē te tohorā i roto i te aeha’a i muri mai iāna

Jonah on the Beach at Nineveh [Iona i te pae tahatai i Nineve], nā DanielA. Lewis

21–27 nō Novema

Iona ; Mika

« E mea au iāna te aroha »

E tītau te faʼafāriuraʼa tāmau hau atu i te hōʼē haʼapiʼiraʼa fa’auruhia i te Haʼapiʼiraʼa Sābati i te tahi atu mau taime i te hepetoma. E faʼaʼitoito i te mau pīahi ʼia ʼimi i te mau ’itera’a pae vārua nō rātou iho i te roara’a o tō rātou orara’a.

Pāpa’i i te mau mana’o e tae mai

ītona fa’a’itera’a

Tītau i te mana’o

’A feruri i tē pāpa’i i te mau pereota mai teie i muri nei i ni’a i te tāpura : te hō’ē parau mau tā’u i fa’aha’amana’o , te tahi mea ’āpī o tā’u i ha’api’i mai, ’e te hō’ē mea tā’u e hina’aro e tuatāpapa a muri atu. ’A vaiho i te mau pīahi ’ia hi’o i te mea tā rātou i tuatāpapa i roto i te Iona ’e te Mika o tē tū’ati i te hō’ē o te mau pereota i ni’a i te tāpura.

ītona ha’api’ira’a

Ha’api’i i te ha’api’ira’a tumu

Iona:1–4 ; Mika 7:18–19

E aroha te Fatu i te feiā ato’a e fāriu iāna ra.

Te fa’aha’amana’ora’a i tā ’outou mau pīahi i te aroha o te Fatu e nehenehe te reira e tauturu ia rātou ’ia ’ite i tōna here ia rātou ’e ’ia fa’auru ia rātou ’ia tātarahapa. E nehenehe ’outou e ani i te mau pīahi ’ia tai’o i te Mika 7:18–19 ’e ’ia tīti’a i ni’a i te tāpura te tahi mau ’ohipa i roto i te Iona 1–4 o tē fa’a’ite nei e mea au nā te Fatu te aroha. E aha te tahi atu mau ’itera’a nō ni’a i te aroha o te Atua tā tātou e nehenehe e fa’a’ite—mai roto mai i te mau pāpa’ira’a mo’a ’e ’aore rā i tō tātou iho orara’a ?

E nehenehe tē ’itera’a i te aroha o te Fatu e fa’auru ia tātou ’ia aroha rahi atu ā. Teie te hō’ē mana’o o tē nehenehe e tauturu i tā ’outou mau pīahi ’ia ha’api’i mai nō ni’a i te aroha mai roto mai i te buka ’a Iona. E nehenehe ’outou e pāpa’i i te hō’ē uira’a mai teie i ni’a i te tāpura : E aha tā te aroha o te Atua, mai tei fa’a’itehia i roto i te Iona 1–4, e ha’api’i nei iā’u nō ni’a i te rirora’a ’ei ta’ata aroha a’e ? E nehenehe te pīahi tāta’itahi e mā’iti i te hō’ē pene nō tē hi’o ’e nō tē ’imi i te mau pāhonora’a i te uira’a. ’A hōro’a i te taime i te mau pīahi nō tē feruri i te mau fāna’ora’a e mauhia nei e rātou nō tē mono i te mau peu ha’avā ei huru aroha ia rātou iho ’e ia vetahi ē.

e piti na ta’ata i te paraparaura’a nā te ’ānāvai

E nehenehe tātou e faʼaʼite i te ’evanelia i te mau tamari’i a te Atua.

Iona 1 ; 3–4

E ti’a i te mau tamari’i ato’a a te Atua ’ia fa’aro’o i te ’evanelia.

• Hō’ē rāve’a nō tē pāpa’i i te mau ha’api’ira’a nō roto mai i te ’ā’amu ’o Iona o tē fa’aaura’a ïa i te reira i te mau ’ā’amu ’o te mau misiōnare i roto i te Buka a Moromona. ’A feruri i tē hāmani e piti ’āna’ira’a i ni’a i te tāpura ma te mau upo’o parau ’o Iona ’e ’o Alama ’e te mau tamaiti a Mosia. ’A ani i te mau pīahi ’ia fa’ata’a mai i te huru ta’a ē ’o Iona i tē ha’api’ira’a i te mau ta’ata o Nineve (hi’o Iona 1 ; 3–4) ’e te huru o te mau tamaiti a Mosia i tē ha’api’ira’a i te mau ’ati Lamana (hi’o Mosia 28:1–5 ; Alama 17:23–25). E aha tā tātou e ’ite nei i roto i teie ha’api’ipi’ira’a ’ia fa’a’ite i te ’evanelia i te mau tamari’i ato’a a te Atua ?

• Mai ia Iona, e rave rahi ’o tātou tē riro i tē taiā ’ia ani manihini ia vetahi ’ē ’ia fāriu i te Fatu ra. E aha te tahi mau tumu i ’ape ai ’o Iona i tōna pi’ira’a e haere e fa’aara i te mau ta’ata nō Nineve ? Nō te aha tātou e mata’u ai i te tahi mau taime ’ia fa’a’ite i te ’evanelia ? E nehenehe te mau pīahi e fa’a’ite mai i te mau rāve’a i tauturu ai te Fatu ia rātou ’ia upo’oti’a i ni’a i tō rātou taiā. Te a’ora’a a te peresideni HenryB. Eyring i roto i « Te tahi atu ā māteria » e tauturu i te mau pīahi ’ia ’imi i te mau parau tumu e nehenehe e ha’apūai i tā tātou mau tauto’ora’a nō tē fa’a’ite i te ’evanelia.

Mika 6:6–8

« ’E e aha tā Iehova hīna’aro ia ’oe ra ? »

• Mika 6:6–7 e fa’ahiti nei e rave rahi mau ’ōro’a a te mau ’ati Iuda i tahito ra. Tē vai nei rā te tahi mau mea hau atu i te faufa’a nō te Atua i te mau peu. ’A ani i te mau pīahi ’ia ’imi i taua mau mea faufa’a ra i roto i te ’īrava 8. Penei a’e e nehenehe te mau pīahi e ’ite mai i te mau parau tumu i roto i teie ’īrava ’e ’ia ’āparau i te aura’a o te pereota tāta’itahi. I muri iho e rave rātou i tā rātou mau pereota au roa, e ’imi i te mau pāpa’ira’a mo’a i roto i te Arata’i nō te mau pāpa’ira’a mo’a ’e ’aore rā i te hō’ē hīmene arata’i i roto i te Buka hīmene, ’e e fa’a’ite atu i te mea tā rātou i ha’api’i mai. Nō te aha teie mau parau tumu i riro ai ’ei mea faufa’a rahi i mua i te Fatu ?

ītona nō te tahi atu mau rāve’a tauturu

Te tahi atu mau rāve’a tauturu

Te here, te hi’ora’a, ’e te ’itera’a pāpū.

I muri iho i te ’āparaura’a i te fa’aarara’a a Iona i te mau ta’ata nō Nineve, ’ua fa’a’ite te peresideni HenryB. Eyring i te hō’ē ’ohipa tei tupu i reira tōna metua vahine i te fa’a’itera’a mai iāna i te hō’ē fa’aarara’a :

« Tē ha’amana’o noa nei ā vau i tō tō’u māmā paraparau marūra’a iā’u i te hō’ē avatea mahana mā’a, i tō’u tamari’i-ri’i-roa-ra’a, ’a ani ai au iāna i te parau fa’ati’a ’ia rave i te tahi mea o tā’u i mana’o ē e mea maita’i ’e ’o tāna i ’ite ē e mea tapitapi. Tē māere noa nei ā vau i te mana o tei hōro’ahia iāna, tē ti’aturi nei au ē nō ’ō mai i te Fatu ra, nō tē fa’ataui iā’u nā roto i te tahi noa mau parau. ’A ha’amana’o ai au i te reira, ’oia ïa : ‘’A !, tē mana’o nei au ē e nehenehe tā ’oe e rave i te reira. ’Āre’a te mā’itira’a ra nā ’oe ïa.’ Te fa’aarara’a tei roto noa ïa i te topara’a reo ’o tāna i tu’u i ni’a i te mau parau e nehenehe ’e mā’itira’a. Tera rā ’ua rava’i te reira nō’u.

« To’na mana nō tē fa’aara nā roto noa i teie mau parau ri’i e mea nā roto noa ïa i nā mea e toru o tā’u i ’ite nō ni’a iāna. ’A tahi, ’ua ’ite au ē ’ua here ’oia iā’u. Te piti, ’ua ’ite au ē ’ua rave a’ena ’oia i te mea tāna e hina’aro iā’u ’ia rave ’e ’ua ha’amaita’ihia vau i te reira. ’E ’a toru, ’ua hōro’a mai ’oia iā’u tōna ’itera’a pāpū ē te mā’itira’a o tā’u i rave e mea faufa’a roa ïa i parau mai ai te Fatu iā’u i te mea o tā’u e rave mai te mea e ani au iāna. Te here, te hi’ora’a, ’e te ’itera’a pāpū : ’o rātou te mau tāviri i taua mahana ra » (« Hō’ē reo fa’aara », Ensign, Novema 1998, 32).

Ha’amaita’i i tā tātou ha’api’ira’a

’A fa’aineine ia ’outou iho. E ha’amata te ha’api’ira’a ’evanelia pūai rahi nā roto i te fa’aineinera’a ia tātou iho. Hou ’outou ’a fa’aineine ai i tā ’outou ha’api’ira’a, ’a fa’atumu i ni’a i te fa’a’īra’a i tō ’outou ’ā’au i te Vārua Maita’i nā roto i te tuatāpapara’a-pāpū ’e te pure. (Hi’o Ha’api’ira’a mai tā te Fa’aora, 12.)