Faatomuaga

O Se Savali mai le Au Peresitene Sili

Tuafafine Pele:

I le aloaiaina ma le agaga faafetai i faamanuiaga o le Aualofa i olaga o tagata o le Ekalesia, ua matou faatonutonuina ai le tapenaga o le O Afafine i Lo’u Malo: O Le Talafaasolopito ma le Galuega a le Aualofa. Matou te tatalo ia avea lenei tusi o se faamanuiaga ia te outou ma i latou tou te pa’i atu i ai i o latou olaga

E momoli atu o matou alofaaga ma le faaviiviiga mo outou ma faailoa atu o outou o afafine faapelepele o le Tama Faalelagi ma o ni soo tuuto o le Alii o Iesu Keriso. O outou o se vaega o se usoga faatamaitai maoae i le lalolagi atoa. Ua taialaina e la outou mautauave, “E le uma le alofa,” ua outou fesoasoani e faamalolosia aiga ma atiina ae le malo o le Atua i le fogaeleele.

Matou te faamalosiau atu ia te outou ina ia suesue i lenei tusi ma ia tuu atu i ona upumoni faavavau ma faataitaiga musuia e uunaia ai o outou olaga.

Matou te molimau atu ua toefuatai mai e le Alii le atoaga o le talalelei e ala i le Perofeta o Iosefa Samita ma o le Aualofa o se vaega taua o lena toefuataiga. Ua i ai i tuafafine o le Aualofa se talatuu mamalu. Matou te tatalo ia avea lenei voluma o se punaoa taua mo le faasaoina o lena talatuu.

O Le Au Peresitene Sili